Community News & Updates

Stay informed with the latest happenings, achievements, and announcements from our community.

All News

calendar_today May 11, 2026

Thangadh: સંદેશ ના અહેવાલ બાદ વીજ તંત્ર દ્રારા કામગીરી કરવામાં આવી

થાનગઢ (સં.ન્યુ.સ) : થાનગઢ તરણેતર બાયપાસ રોડ પર pgvcl લાઈન નીચે લબડતી જોવા મળી રહી હતી.જે સમાચાર શનિવારના રોજ પ્રસિદ્ધ થતા શનિવાર અને રવિવાર ની રજા બાદ તંત્ર દ્વારા વીજ લાઈનની કામગીરી કરવામાં આવી.જે લાઈન લાકડી ના ટેકા ઉપર હતી તેને રીપેર કરી વ્યવસ્થિત રીતે એક થાંભલા થી બીજા થાંભલા તરફ્ ફીટ કરવામાં આવી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 11, 2026

Surendranagar: ચેકરિટર્ન કેસમાં આરોપીને 1 વર્ષની સજા

સુરેન્દ્રનગરની નુતનનગર સોસાયટીમાં રહેતા વિનયભાઈ નીલેશભાઈ શાહ શેર માર્કેટનું કામ કરે છે. મુળ સુરેન્દ્રનગરના અને હાલ અમદાવાદના નારણપુરા વિસ્તારમાં રહેતા કેતુલ હિતેશભાઈ તલસાણીયા તીસ્યાંગ કન્સલ્ટન્સી નામે અમદાવાદમાં સ્ટોક માર્કેટનો ધંધો કરે છે. જેમાં કેતુલે પ્રાઈવેટ ઈકવીટીમાં રોકાણ કરવાથી ઉંચુ વળતર મળે તેમ કહેતા વિનયભાઈએ તા. 24-4-23થી 16-12-23 સુધીમાં રૂપીયા 82,43,001 કેતુલને આપ્યા હતા. જેના બદલામાં કેતુલે રૂપીયા 5,88,500 કટકે કટકે આપેલા હતા. રૂપીયા 77,54,501ની કડક ઉઘરાણી કરી હતી. જેમાં કેતુલે તા. 29-5-24ના રોજ રૂપીયા 75 લાખનો ચેક આપ્યો હતો. આ ચેક વિનયભાઈએ બેંકમાં નાંખતા પેયમેન્ટ સ્ટોપડ બાય ડ્રોઅરના શેરા સાથે પરત ફર્યો હતો. આથી વિનયભાઈએ તા. 24-7-24ના રોજ સુરેન્દ્રનગર એડીશનલ ચીફ મેજીસ્ટ્રેટની કોર્ટમાં કેસ કર્યો હતો. આ કેસ તાજેતરમાં ચાલી જતા 1 મૌખીક અને 12 દસ્તાવેજી પુરાવાને ધ્યાને લઈ જજ કે.એમ.આહીરે આરોપી કેતુલ તલસાણીયાને દોષીત ઠેરવી 1 વર્ષની સજા અને ચેકની રકમ 60 દિવસમાં ફરિયાદીને વળતર તરીકે ચુકવવા હુકમ કર્યો છે. જો તે આ રકમ ન ચુકવે તો વધુ 3 માસની સજા સંભળાવાઈ છે. જયારે આરોપીની ગેરહાજરીમાં કોર્ટે જજમેન્ટ આપીને તેનું બીન જામીનલાયક વોરંટ ઈસ્યુ કરવા હુકમ કર્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 11, 2026

Ahmedabad: સનાથલમાં સમાધાન બેઠક દરમિયાન યુવાનની હત્યા

સનાથલ ગામે સમાધાન માટે બોલાવવામાં આવેલી બેઠક દરમિયાન ઉગ્ર બોલાચાલી થતા દેવેન્દ્રસિંહ ચૌહાણની છરીના ઘા મારી કરપીણ હત્યા કરવામાં આવી હોવાનો બનાવ સામે આવ્યો છે. સમગ્ર મામલે ચાંગોદર પોલીસે પાંચ વ્યક્તિઓ વિરુદ્ધ હત્યાનો ગુનો નોંધી વધુ તપાસ હાથ ધરી છે. મળતી માહિતી મુજબ, ગત 10મી તારીખે સાંતેજ વિસ્તારમાં દેવેન્દ્રસિંહ ચૌહાણે ભરત ઠાકોર પાસે કારમાં લિફ્ટ માગી હતી. જોકે ભરત ઠાકોરે લિફ્ટ આપવાનો ઇનકાર કરતા બંને વચ્ચે બોલાચાલી થઈ હતી. આ મામલે સમાધાન થાય તે હેતુથી મૃતક દેવેન્દ્રસિંહના મિત્ર તથા ભરત ઠાકોરના સગા ભાઈ ચેહર ઠાકોરે સનાથલ ગામના ઠાકોર ફ્ળિયામાં પોતાના ઘરે બેઠક રાખી હતી. સમાધાનની ચર્ચા દરમિયાન વાતાવરણ ઉગ્ર બનતા ભરત ઠાકોર, ચેહર ઠાકોર, બાબુ ઠાકોર તેમજ ભરત અને ચેહરની પત્ની સહિત કુલ પાંચ લોકોએ દેવેન્દ્રસિંહ ચૌહાણ પર છરી વડે જીવલેણ હુમલો કર્યો હતો. ગંભીર રીતે ઇજાગ્રસ્ત દેવેન્દ્રસિંહનું મોત નિપજ્યું હતું. સામાન્ય લિફ્ટ આપવાની બાબતે શરૂ થયેલો વિવાદ હત્યા સુધી પહોંચતા વિસ્તારમાં ચકચાર મચી ગઈ છે. બનાવ અંગે ચાંગોદર પોલીસે પાંચેય આરોપીઓ સામે હત્યાનો ગુનો દાખલ કર્યો છે. હાલમાં પોલીસે ચેહર ઠાકોર અને તેના પિતા બાબુ ઠાકોરની અટકાયત કરી છે, જ્યારે ભરત ઠાકોર, તેની પત્ની અને ચેહર ઠાકોરની પત્ની ફરાર હોવાનું જાણવા મળ્યું છે. ફરાર આરોપીઓને ઝડપી પાડવા પોલીસ દ્વારા ચક્રો ગતિમાન કરવામાં આવ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward