Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 11 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
મોડાસાના માલપુર રોડ પર આવેલું અને અનેક લોકોની શ્રદ્ધાનું કેન્દ્ર ગણાતા રોકડીયા હનુમાન મંદિરના દબાણો દૂર કરવામાં આવ્યા છે. નામદાર સુપ્રીમ કોર્ટ દ્વારા જાહેર માર્ગો પરના ધાર્મિક દબાણો હટાવવા અંગે આપવામાં આવેલા આદેશના પગલે, કાયદાનું સન્માન કરીને મંદિરના સાધુ-સંતો અને ભક્તોએ જાતે જ આગળ આવીને દબાણ દૂર કરવાની કામગીરી હાથ ધરી હતી.હિન્દુ સંગઠનોમાં નારાજગી અને સમાન ન્યાયની માંગ સરકાર દ્વારા ધાર્મિક સ્થાનોના દબાણો હટાવવાના આ નિર્ણયને લઈને સ્થાનિક હિન્દુ સંગઠનોમાં ક્યાંક નારાજગી પણ જોવા મળી રહી છે. સંગઠનોનું કહેવું છે કે જો આસ્થાના સ્થાનો દૂર કરવામાં આવતા હોય, તો આસપાસના અન્ય તમામ પ્રકારના દબાણો પણ સમાન રીતે દૂર કરવામાં આવે તેવી તેમની ઉગ્ર માંગ છે. ભેદભાવ વિના તમામ ગેરકાયદેસર દબાણો પર બુલડોઝર ફરે તેવું લોકમત જોવા મળી રહ્યો છે. માલપુર રોડ પર ચુસ્ત અમલવારી મોડાસાના મુખ્ય માર્ગો પૈકીના એક એવા માલપુર રોડ પર આ કામગીરી થતા વાહનચાલકો અને રાહદારીઓ માટે રસ્તો વધુ ખુલ્લો બનશે. જોકે, શ્રદ્ધાળુઓ માટે ભાવનાત્મક રીતે આ કપરો નિર્ણય હતો, પરંતુ કાયદાકીય મર્યાદાને ધ્યાને રાખીને શાંતિપૂર્ણ રીતે દબાણ હટાવી લેવામાં આવ્યું છે. આગામી સમયમાં અન્ય દબાણો પર વહીવટી તંત્ર કેવી કાર્યવાહી કરે છે તેના પર સૌની નજર ટકેલી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
રાજકોટ-લીંબડી હાઈવે પર આવેલા બોડીયા બલદાણા ગામ પાસે આજે એક કાર અને રિક્ષા વચ્ચે જોરદાર ટક્કર થઈ હતી. આ અકસ્માત એટલો ભયાનક હતો કે અકસ્માતમાં રિક્ષાનો કચ્ચરઘાણ નીકળી ગયો હતો. તેમજ હાઈવે પર પૂરઝડપે જઈ રહેલા વાહનો વચ્ચે સર્જાયેલી આ ટક્કરને પગલે માર્ગ પર ટ્રાફિક જામની સ્થિતિ સર્જાઈ હતી અને આસપાસના લોકો તાત્કાલિક બચાવ કામગીરી માટે દોડી આવ્યા હતા.એક વ્યક્તિનું ઘટનાસ્થળે જ મોતઆ કમનસીબ અકસ્માતમાં એક વ્યક્તિને ગંભીર ઈજાઓ પહોંચતા તેનું ઘટનાસ્થળે જ કરુણ મોત નીપજ્યું હતું. જ્યારે રિક્ષા અને કારમાં સવાર અન્ય બે વ્યક્તિઓને પણ શરીરે વધતી-ઓછી ઈજાઓ પહોંચી હતી. ત્યારબાદ ઈજાગ્રસ્તોને તાત્કાલિક એમ્બ્યુલન્સ મારફતે નજીકની હોસ્પિટલમાં સારવાર અર્થે ખસેડવામાં આવ્યા હતા. મૃતકની ઓળખ મેળવવા અને તેમના પરિવારને જાણ કરવા તંત્ર દ્વારા તજવીજ હાથ ધરવામાં આવી છે. લીંબડી પોલીસે તપાસ હાથ ધરી ઘટનાની જાણ થતા જ લીંબડી પોલીસનો કાફલો ઘટનાસ્થળે પહોંચી ગયો હતો. પોલીસે મૃતદેહને પોસ્ટમોર્ટમ માટે હોસ્પિટલ મોકલી આપી અકસ્માતનો ગુનો નોંધવાની કાર્યવાહી શરૂ કરી છે. અકસ્માત કયા કારણોસર સર્જાયો, કાર ચાલકની ભૂલ હતી કે રિક્ષા ચાલકની, તે અંગે પોલીસ દ્વારા ઝીણવટભરી તપાસ કરવામાં આવી રહી છે. હાઈવે પર વારંવાર બનતી આવી અકસ્માતની ઘટનાઓને લઈ સ્થાનિકોમાં ચિંતા જોવા મળી રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward