Community News & Updates

Stay informed with the latest happenings, achievements, and announcements from our community.

All News

calendar_today May 11, 2026

Mehsana: માત્રાસણ ગામપાસેથી પસાર થતી નર્મદા કેનાલમાં યુવક-યુવતીએ કરેલો આપઘાત

બહુચરાજી તાલુકાના માત્રાસણ ગામ પાસેથી પસાર થતી નર્મદાની મુખ્ય કેનાલમાં યુવક-યુવતીએ કૂદી આપઘાત કર્યાની ઘટના સામે આવી છે. ચાણસ્મા તાલુકાના ઇસ્લામપુરા ગામના યુવક રાવળ અજીત અરવિંદભાઈ (ઉ.વ. 22) અને સુરેન્દ્રનગરના લૂણી ગામની યુવતી રાવળ શિવાની જીતુભાઈ (ઉ.વ. 21)એ કોઈ અગમ્ય કારણોસર કેનાલમાં છલાંગ લગાવી જીવન ટૂંકાવ્યું હોવાનું જાણવા મળ્યું છે.આ ઘટનાની જાણ થતા મૃતક યુવકના સંબંધિ બળદેવભાઈ મગનભાઈ રાવળે મહેસાણા નગરપાલિકાના ફયર વિભાગને ફેન કરી જાણ કરતાં ફયર ટીમ ઘટના સ્થળે પહોંચી હતી અને ભારે જહેમત બાદ બંનેના મૃતદેહ શોધી કાઢવામાં સફ્ળતા મેળવી હતી. મોઢેરા પોલીસે મૃતદેહોનો કબજો લઈ પીએમ માટેની કાર્યવાહી હાથ ધરી હતી. આ ઘટનાથી મોઢેરા સહિત આસપાસના પંથકમાં અરેરાટી વ્યાપી ગઈ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 11, 2026

Gandhinagar: ઉંદર પકડવા ગ્લુટ્રેપ પરના પ્રતિબંધની અમલવારી માટે અધિકારીઓને સૂચના

ગાંધીનગર જિલ્લામાં ઉંદર પકડવાની જાળ (ગ્લુટ્રેપ)ના ઉત્પાદન, વેચાણ અને ઉપયોગ પર પ્રતિબંધ છે. જેને લઈને જિલ્લામાં ઉંદર પકડવાની જાળ (ગ્લુટ્રેપ) ના ઉત્પાદન,વેચાણ તથા ઉપયોગ ન કરવા બાબતે લોકોમાં જાગૃતતા લાવવા પશુપાલન શાખા હસ્તકના તમામ પશુચિકિત્સા અધિકારીઓને સુચના અપાઈ છે.બીજી તરફ તેઓના કાર્યક્ષેત્ર તથા સ્થાનિક આસપાસના વિસ્તારમાં ગ્લુટ્રેપ ઉત્પાદકને ગ્લટ્રેપના ઉત્પાદન બંધ કરવા બાબતે સમજુતી આપવા તથા લોકોને તેનો વપરાશ ન કરવામાં આવે તે પ્રકારના જન-જાગૃતિ અભિયાન ચલાવવા આદેશ અપાયો છે. જેને પગલે જિલ્લામાં કોઈ વ્યક્તિને ગ્લુટ્રેપના ઉત્પાદન અથવા વેચાણ બાબત ધ્યાનમાં આવે તો સ્થાનિક પોલીસનો અને પશુપાલન ખાતાના અધિકારીનો સંપર્ક કરવા અનુરોધ કરાયો છે. ગાંધીનગર જિલ્લામાં પ્રાણી ક્રુરતા નિવારણ અધિનિયમ 1960 હેઠળ જિલ્લા પ્રાણી ક્રુરતા સોસાયટીની રચના કરવામાં આવી છે. તે અંતર્ગત ઉંદર પકડવાની જાળ (ગ્લુટ્રેપ) ના ઉત્પાદન, વેચાણ તથા ઉપયોગ પર પ્રતિબંધ માટે ભારતીય જીવ જંતુ કલ્યાણ બોર્ડ તથા ગુજરાત પ્રાણી કલ્યાણ બોર્ડ દ્વારા વખતો વખત પરિપત્ર અને ચુસ્ત અમલીકરણ બાબતે જાણ કરવામાં આવે છે. ગ્લુ ટ્રેપ્સ જેને ગ્લુ બોર્ડ અથવા સ્ટીકી ટ્રેપ તરીકે પણ ઓળખવામાં આવે છે. તે બિનઘાતક અથવા પ્રતિબંધિત પ્રકાર છે, જેનો ઉપયોગ ગુંદરની જાળમાં પ્રાણી પોતાની જાતે ફસાઈ જાય છે. પોતાનો બચાવ કરવા અસમર્થ હોય ભૂખમરો, ગૂંગળામણ અને શિકારથી મૃત્યુ પામે છે અથવા માણસો દ્વારા માર્યા જાય છે.પ્રાણીઓ ઇજાઓ અને લોહીની ખોટથી પણ મૃત્યુ પામે છે. જાળમાંથી બચવાના પ્રયાસોમાં તેમના પોતાના શરીરના ભાગોને ચાવવાનો પ્રયાસ કરે છે. આ મુદ્દે હાઈકોર્ટ પણ ગંભીર હોવાથી તંત્ર દ્વારા ખાસ તકેદારી રાખવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 11, 2026

Gandhinagar: હરખજીના મુવાડામાં નાના ભાઇના હાથે મોટાભાઇની હત્યા

દહેગામના હરખજીના મુવાડામાં ઉંઘમાંથી ઉઠાડી કામે વળગવાનું કહેવા જેવી સામાન્ય બાબતે બે ભાઇઓ વચ્ચે થયેલો ઝઘડો હત્યામાં પરિણમ્યો છે. આ બનાવમાં નાનાભાઇએ મોટાભાઇને માથામાં લાકડાનો ધોકો મારતા તેનું સારવાર દરમિયાન મોત નિપજયું હતું. જે મામલે પુત્ર ગુમાવનાર માતાએ પોતાના જ પુત્ર સામે પોલીસ મથકમાં ફરિયાદ નોંધાવી છે.બનાવ ગત તા. 26 એપ્રિલના રોજ બન્યો હતો. હરખજીના મુવાડા ગામે રહેતા જબાબેન ભીખુસિંહ ચૌહાણના મોટાપુત્ર કરણસિંહ ઉર્ફે મોન્ટુ ચૌહાણની હત્યા કરવામાં આવી છે. કરણસિંહ જયાબેનનો મોટો પુત્ર હતો. જ્યારે આ હત્યા જયાબેનના નાનાપુત્ર અર્જુનસિંહ ઉર્ફે મેહુલસિંહ ભીખુસિંહ ચૌહાણે કરી હતી. બનાવના દિવસે સવારે આઠ કલાકે અર્જુનસિંહ ઉર્ફે મેહુલસિંહ ઘરે સુતો હતો ત્યારે તેના મોટાભાઇ કરણસિંહે તેને ઉંઘમાંથી ઉઠાડી ભેંસો ચરાવવા જવાનું કહ્યુ હતું. આથી અર્જુનસિંહે થોડીવારમાં જઉ છુ કહેતા કરણસિંહે તેને પરાણે ઉઠાડવાનો પ્રયાસ કર્યો હતો. આથી અર્જુનસિંહ ઉશ્કેરાયો હતો. તેણે મોટાભાઇ કરણસિંહ સાથે બોલાચાલી કરી ઝપાઝપી કરી હતી. મામલો ઉગ્ર બનતા ઉશ્કેરાયેલા અર્જુનસિંહે બાજુમાં પડેલો લાકડાનો ધોકો લઇને કરણસિંહને માથાના ભાગે ફટકાર્યો હતો. જેમાં તેઓને ઇજા થઇ હતી.જોકે, ત્યારબાદ બંને ભાઇઓ છુટા પડયા હતા અને અર્જુનસિંહ ભેંસો ચરાવવા ગયો હતો. જ્યારે માતા જબાબેન ચારો લેવા ખેતરે ગયા હતા. બપોરે તેઓ ચારો લાઇને ઘરે આવ્યા ત્યારે પુત્ર કરણસિંહને માથામાં ઇજા થઇ હોય તે ઘરે સુતો હતો. આથી માતા જબાબેને વધારે તો વાગ્યુ નથીને તેમ પુછતા કરણસિંહે યોગ્ય જવાબ આપ્યો નહતો. દરમિયાન સાંજે પતિ ભીખુસિંહ ઘરે આવતા જબાબેને તેઓને બંને ભાઇઓ વચ્ચે થયેલા ઝઘડાની વાત કરી હતી. આથી ભીખુસિંહ ઘરે સુતેલા કરણસિંહને સારવાર માટે રીક્ષામાં બેસાડી દહેગામ પ્રાથમિક આરોગ્ય કેન્દ્ર ખાતે લઇ ગયા હતા. જ્યાંથી તેઓને વધુ સારવાર માટે ગાંધીનગર સિવીલ હોસ્પિટલ ખસેડાયો હતો. આ સમયે પોલીસ આવતા ભીખુસિંહે પુત્ર કરણસિંહ એક્ટિવા પરથી પડી ગયો હોવાની વાર્તા કરી હતી. દરમિયાન કરણસિંહની તબીયત વધુ લથડતા તેને સારવાર માટે અમદાવાદ સિવીલ ખસેડાયો હતો. જ્યાં માથાના ભાગે તેનું ઓપરેશન કરવામાં આવ્યુ હતું. ઓપરેશન સફળ રહે તે પુર્વે જ કરણસિંહનું ગઇકાલે વહેલી સવારે મોત નિપજ્યુ હતું. આ ઘટના અંગે મૃતક કરણસિંહના માતા જબાબેને પોતાના નાના પુત્ર અર્જુનસિંહ સામે ફરિયાદ નોંધાવતા પોલીસે ગુનો નોેંધી વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward