Community News & Updates

Stay informed with the latest happenings, achievements, and announcements from our community.

All News

calendar_today May 8, 2026

Mehsana: મેવડ-બોરીયાવી ચોકડી પાસે ડમ્પરે કારને ટક્કર મારતાં કાર ગુલાટીઓ મારી ગઈ

મહેસાણા-અમદાવાદ હાઈવે ઉપર મેવડ-બોરીયાવી ચોકડી ઉપર ડમ્પરે આગળ જતી કારને ટક્કર મારતાં ભયંકર અકસ્માત થયો હતો.આ અકસ્માતમાં કાર અનેક ગુલાટીઓ ખાઈ જતાં ચાલક ઈજાગ્રસ્ત થયા હતા.આ મેવડ ચોકડી ઉપર અવાર નવાર અકસ્માત સર્જાય છે. પરંતુ, આ અકસ્માત અંગેનું માર્ગ મકાન કે ટોલ રોડ કંપની કોઈ જાતનું કાયમી નિરાકરણ લાવતા નથી. આ સ્થળે અગાઉ અકસ્માતોમાં અનેક વાહન ચાલકોએ જીવ ગુમાવ્યા છે. મહેસાણાથી અમદાવાદ જઈ રહેલી ટાટા ગાડી નં.જીજે.01.એચ.ડબલ્યુ 8809 અકસ્માત સર્જાતાં ઘટના સ્થળે ટોળેટોળાં ઉમટયા હતાં. ઈજાગ્રસ્તોને સારવાર માટે ખસેડવામાં આવ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 8, 2026

Mehsana: 18,500 હેક્ટર શાકભાજી મુરઝાઈ જવાની ભીતિ

મહેસાણા, પાટણ, બનાસકાંઠા, અરવલ્લી અને સાબરકાંઠા જેવા કૃષિ ક્ષેત્ર વિસ્તારોમાં અર્થતંત્રના વિકાસનાં સ્વપ્નો ઉપર હવામાનના પલટા ભારે પડવાના છે.હવામાનના પ્રહારથી આજીવિકા અને ખાદ્ય સુરક્ષા માથે જોખમ ઉભું થશે. આગામી દિવસોમાં ઉત્તર ગુજરાતના કિસાનો બીટી કપાસની વાવણી શરૂ કરનાર છે. પરંતુ, તે સમયે મે મહિનામાં કાળઝાળ ગરમીનો પારો 43 ડિગ્રી સેન્ટિગ્રેડે પહોંચવાનો અંદાજ છે. સૂર્ય નારાયણ અગનગોળા વરસાવશે અને શાકભાજીનો ઉગતો પાક મુરઝાઈ જશે. પરંતુ, આ વર્ષે ઉ.ગુજરાતમાં ઘાસચારાનું 1,28,600, શાકભાજીનું 18,500 અને બાજરીનું 1,25,000 હેકટરમાં વાવેતર થયું છે. ગરમીની વિષમ પરિસ્થિતિથી શાકભાજી અને ઘાસચારાના ઉછેર પર અસર થશે. ગરમીનો કહેર આ વાવેતર માટે ખતરાની ઘંટડી વગાડશે.મહેસાણા જિલ્લામાં 4,100 હેકટર, અરવલ્લી જિલ્લામાં 2,500 હેકટર, બનાસકાંઠા જિલ્લામાં 5,200 હેકટર અને સાબરકાંઠા જિલ્લામાં 5,500 હેકટર મળી સમગ્ર ઉ.ગુજરાતમાં 18,500 હેકટરમાં શાકભાજીનું વાવેતર થયું છે. આ ઉપરાંત, ઘાસચારાનું 1,28,600 હેકટરમાં વાવેતર થયું હતું. ગરમીના પ્રકોપથી આ પાક મુરઝાઈ જવાની ભીતી સેવાઈ રહી છે. એક માત્ર મહેસાણા જિલ્લામાં ઘાસચારાનું વાવેતર 28,300 હેકટર જમીનમાં થયું છે. આ વખતે ચોસાની શરૂઆત પહેલાં કપાસ સહિતનાં વાવેતર ઉપર હવામાન વિભાગના પલટાનો પ્રહાર જોવા મળશે અને કૃષિ પ્રધાન વિસ્તારોમાં અર્થતંત્ર ધબકતું રહેવાનાં સ્વપ્ન રોળાઈ જશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 8, 2026

Gandhinagar: ભાટ કેબલ સ્ટેઈડ બ્રીજની સ્ટ્રેન્થ ચેક કરવાનું શરૂ

ગાંધીનગર-એરપોર્ટ હાઈવે ઉપર ભાટ સર્કલ ખાતે કેબલ સ્ટેઈડ બ્રીજની ચકાસણી માટે આજથી લોડ ટેસ્ટ શરૂ કરવામાં આવ્યો છે.જેમાં બ્રીજ અને કેબલની મજબૂતીની ચકાસણી માટે કુલ 700 ટન વજનના 18 ટ્રક ઉભા રાખવામાં આવ્યા છે. જિલ્લાનો પ્રથમ કેબલ સ્ટેઈડ બ્રીજમાં 200 મીટરના ગાળામાં અલગથી લોડ ટેસ્ટ કરવામાં આવશે. સમગ્ર પ્રક્રિયામાં 15 દિવસ જેટલો સમય લાગે તેમ છે. બ્રીજનો લોડ ટેસ્ટ કરવા માટે નીચે પ્લેટફોર્મ તૈયાર કરાયું છે, જેના ઉપર ડિજિટલ મશીન મુકી બ્રીજની સ્ટેબીલીટી ચેક કરવામાં આવી રહી છે. બ્રીજનો 200 મીટરનો ગાળા કેબલના સહારે લટકેલો છે. જેને પગલે 200 મીટરના ગાળાનો અલગથી લોડ ટેસ્ટ કરાશે, જેને પગલે કેબલમાં કેટલું વજન ઉત્પન્ન થાય છે તે જાણી શકાશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward