Community News & Updates

Stay informed with the latest happenings, achievements, and announcements from our community.

All News

calendar_today May 6, 2026

Ahmedabad: દસકોઈ તાલુકા ભાજપ દ્વારા બંગાળ અને આસામનો વિજયોત્સવ મનાવાયો

પૂર્વ ભારતના રાજ્યો આસામ, પશ્ચિમ બંગાળ અને પોંડીચેરીમાં ભાજપે મેળવેલી શાનદાર સફ્ળતાને વધાવવા માટે દસ્ક્રોઈ તાલુકા ભાજપ સંગઠન દ્વારા પક્ષના કમોડ કાર્યાલય ખાતે વિજય ઉત્સવનું આયોજન કરવામાં આવ્યું હતું. આ પ્રસંગે દસ્ક્રોઈના ધારાસભ્ય બાબુભાઈ જમનાદાસ પટેલ, દસ્ક્રોઇ મંડળના પ્રમુખ પ્રતીક પટેલ, અમદાવાદ જિલ્લા તથા તાલુકાના ચૂંટાયેલા પ્રતિનિધિઓ તથા સંગઠનના કાર્યકર્તાઓ ખાસ ઉપસ્થિત રહી કાર્યકરોનો ઉત્સાહ વધાર્યો હતો. કાર્યક્રમ દરમિયાન સંગઠનના હોદ્દેદારો અને કાર્યકરોએ ઉપસ્થિત રહી આતશબાજી કરી હતી. તેમજ સમગ્ર વાતાવરણ ભારત માતા કી જયના નારાથી ગુંજી ઉઠયું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 6, 2026

Halvad: હળવદમાં દોઢ માસથી વીજ વિભાગના ધાંધીયાથી પરેશાન ખેડૂતોનો ચરાડવા PGVCLની કચેરીમાં હલ્લાબોલ

હળવદ પંથકના ચરાડવા અને તેની આસપાસના વિસ્તારોમાં છેલ્લાં દોઢ માસથી વારંવાર વીજ પુરવઠો ખોરવાઈ જવાની સમસ્યા સર્જાઈ રહી છે. હાલમાં ચાલી રહેલી કાળઝાળ ગરમી વચ્ચે વારંવાર વીજ પુરવઠો બંધ થઈ જતા લોકો ભારે મુસીબતો વેઠી રહ્યા છે. બીજી તરફ્ સતત થતા વીજ કાપના કારણે ખેતીના પાકને નુકસાન થવાની ભીતિ તેમજ ગ્રામજનોને પડતી હાલાકીને લઈને ભારે રોષ જોવા મળી રહ્યો છે. વીજ વિભાગની આ અણઘડ કામગીરીથી કંટાળીને અંતે ખેડૂતોનો રોષ ભભૂકી ઉઠયો હતો. રોષે ભરાયેલા ખેડૂતો અને ગ્રામજનો મોટી સંખ્યામાં ચરાડવા પીજીવીસીએલ કચેરી ખાતે એકઠા થયા હતા અને વીજ વિભાગના તંત્ર સામે પોતાનો આક્રોશ ઠાલવીને ઉગ્ર રજૂઆત કરી હતી. ખેડૂતો દ્વારા માંગ કરવામાં આવી છે કે સત્વરે ખેતી અને વપરાશ માટે નિયમિત વીજ પુરવઠો પૂરો પાડવામાં આવે જેથી પડતી મુશ્કેલીઓનો અંત આવે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 6, 2026

Ahmedabad News: ઘરે લાઈટ ફિટિંગ કરવા આવેલા યુવકને પ્રેમ થયો, સગીરાને ટ્યુશનમાંથી બારોબાર રિવરફ્રન્ટ લઈ ગયો

દરીયાપુરમાં સગીરાના ઘરે લાઇટ ટિીંગ કરવા આવેલ શખ્સે તેને પ્રેમજાળમાં ફસાવીને ટ્યુશનમાંથી બારોબાર બાઈક પર બેસાડી રિવરફ્રન્ટ ખાતે લઈ ગયો હતો.આ બાબતે સગીરાના પરિવારજનોને જાણ થતા તેમણે તાત્કાલિક પોલીસની મદદ લીધી હતી.આ અંગે દરિયાપુર પોલીસ સ્ટેશનમાં શખ્સ સામે ફરિયાદ નોંધાવતા પોલીસે ગુનો નોંધી આરોપીની ધરપકડ કરી છે. યુવક લાઈટ ફીટીંગની કામગીરી કરવા આવતો હતો દરીયાપુરમાં 14 વર્ષીય સગીરા તેના પરિવાર સાથે રહે છે.તે અભ્યાસ કરે છે અને ટ્યુશનમાં જતી હોય છે.જ્યારે સગીરાના ઘરે ગોમતીપુરનો સાહિલ મહંમદ શાહ નામનો યુવક લાઈટ ફીટીંગની કામગીરી કરવા માટે ત્યાં આવતો હતો.તે દરમ્યાનમાં તેણે સગીરાને જોઈ હતી.સાહિલે સગીરા સાથે પ્રેમ સંબંધ બાંધવા બાબતે દબાણ કરવાનું શરૂ કર્યું હતું.સગીરાને પોતાના પ્રેમ જાળમાં ફ્સાવવા માટે યુવક દ્વારા પોતાના મોબાઈલ નંબરની ચિઠ્ઠી પણ બનાવી હતી અને સગીરાને આપી હતી.તેમજ સગીરા ટ્યુશન જવા માટે નીકળી હતી ત્યારે આરોપી સાહિલ તેનો પીછો કરતો હતો. દરિયાપુર પોલીસ સ્ટેશનમાં સાહિલ સામે ફરિયાદ સગીરાને રસ્તામાંથી લલચાવી ફોસલાવી અને દબાણ કરીને પોતાની બાઈક પાછળ બેસાડી સાબરમતી રિવરફ્રન્ટ ખાતે ફરવા માટે લઈ ગયો હતો.આ બાબતે સગીરાના પિતાને જાણ થઈ હતી જેથી તાત્કાલિક પોલીસને જાણ કરી અને સગીરાની સાથે પ્રેમ સંબંધ બાંધવા માટે લલચાવવા માટે પરિવારની જાણ બહાર તેને ફરવા લઈ જતા સમગ્ર મામલે સગીરાના પિતાએ દરિયાપુર પોલીસ સ્ટેશનમાં સાહિલ સામે ફરિયાદ નોંધાવી છે. આ પણ વાંચોઃ Ahmedabad: પાંચ ફુટના અંતરે તાપમાનમાં તફાવત : શહેરના રસ્તાઓ 51 ડિગ્રીએ તપે છે ત્યારે વૃક્ષોની નીચે 15 ડિગ્રીની રાહત

Read Full Story arrow_forward