Morbi: હળવદના ચરાડવામાં ખેડૂતોએ PGVCL કચેરી ગજવી, અઘોષિત વીજકાપના વિરોધમાં ઉગ્ર દેખાવો
મોરબી જિલ્લાના હળવદ પંથકમાં વીજ વિભાગની કામગીરી સામે ખેડૂતોમાં ભારે રોષ જોવા મળી રહ્યો છે. છેલ્લા દોઢ મહિનાથી વીજ પુરવઠામાં સર્જાતી અનિયમિતતાને પગલે આજે ખેડૂતો અને ગ્રામજનોએ મોટી સંખ્યામાં એકઠા થઈ ચરાડવા સ્થિત પીજીવીસીએલ કચેરીમાં હલ્લાબોલ કર્યો હતો.દોઢ મહિનાથી વીજળીની સંતાકૂકડીખેડૂતોનો આક્ષેપ છે કે છેલ્લા દોઢ માસથી વીજ પુરવઠો વારંવાર ખોરવાય છે. ખાસ કરીને ખેતીવાડીના ફિડરમાં પાવર કટને કારણે પિયત કરવામાં મુશ્કેલી પડી રહી છે. કાળઝાળ ગરમીમાં એકતરફ પશુઓ અને પરિવાર પરેશાન છે, તો બીજી તરફ મહામૂલો પાક સુકાઈ રહ્યો છે. વારંવાર રજૂઆતો કરવા છતાં તંત્ર દ્વારા કોઈ કાયમી ઉકેલ ન આવતા આજે ખેડૂતોનો આક્રોશ ફાટી નીકળ્યો હતો.PGVCL કચેરીમાં ઉગ્ર રજૂઆતચરાડવા કચેરીમાં પહોંચેલા ખેડૂતોએ અધિકારીઓ સમક્ષ ઉગ્ર દલીલો કરી હતી. ખેડૂતોએ જણાવ્યું હતું કે, જો વીજળીનું બિલ ભરવામાં મોડું થાય તો તુરંત કનેક્શન કાપી નાખવામાં આવે છે, પરંતુ જ્યારે વીજળી આપવાની વાત આવે ત્યારે તંત્ર લાચાર દેખાય છે. વીજળીના ધાંધિયાને કારણે ખેતીના કામો અટકી પડ્યા છે અને ગ્રામજનોની રાતની ઊંઘ પણ હરામ થઈ ગઈ છે.આ પણ વાંચો: Gir Somnath: વેરાવળમાં હાઇબ્રિડ ગાંજા સાથે એક શખ્સ ઝડપાયો, નશાના છૂટક વેચાણનો પર્દાફાશ
Read Full Story arrow_forward
