Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 30 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
પશ્ચિમ બંગાળમાં મતગણતરી પહેલાં સ્ટ્રોંગ રૂમ અને ઈવીએમને લઈને ઉભા થયેલા વિવાદ વચ્ચે ચૂંટણી પંચે મોટું પગલું લીધું છે. ચૂંટણી પંચે રાજ્યમાં વધારાના 165 મતગણતરી કેન્દ્રો અને 77 પોલીસ નિરીક્ષકોની નિમણૂક કરી છે. પોલીસે સુરક્ષા અને કાયદો-વ્યવસ્થાની દેખરેખ રાખશે ચૂંટણી પંચ દ્વારા જાહેર કરાયેલા નિવેદન મુજબ, આ નિમણૂકનો મુખ્ય હેતુ મતગણતરી પ્રક્રિયા સુરક્ષિત, શાંતિપૂર્ણ, ભયમુક્ત અને પારદર્શક રીતે થાય તે સુનિશ્ચિત કરવો છે. આ કાર્યવાહી ભારતના બંધારણના આર્ટિકલ 324 અને જનપ્રતિનિધિત્વ અધિનિયમ, 1951ની જોગવાઈઓ હેઠળ કરવામાં આવી છે. જે વિસ્તારોમાં એકથી વધુ કાઉન્ટિંગ હોલ છે, ત્યાં વધારાના કાઉન્ટિંગ કેન્દ્રની પણ નિમણૂક કરવામાં આવી છે. પોલીસ નિરીક્ષક સંબંધિત મતવિસ્તારના કાઉન્ટિંગ સેન્ટર આસપાસ સુરક્ષા અને કાયદો-વ્યવસ્થાની દેખરેખ રાખશે, પરંતુ તેઓ મતગણતરી હોલમાં પ્રવેશ કરી શકશે નહીં. માઈક્રો-ઓબ્ઝર્વર પણ પ્રક્રિયાની દેખરેખ રાખશે ચૂંટણી પંચે વધુમાં જણાવ્યું કે કાઉન્ટિંગ સેન્ટરમાં પ્રવેશ માત્ર QR કોડ આધારિત ફોટો આઈડી દ્વારા જ આપવામાં આવશે. સાથે જ કાઉન્ટિંગ હોલમાં મોબાઈલ ફોન લઈ જવા પર કડક પ્રતિબંધ રહેશે. મતગણતરી દરમિયાન દરેક રાઉન્ડના પરિણામો કાઉન્ટિંગ એજન્ટોની હાજરીમાં નોંધવામાં આવશે અને પારદર્શિતા જાળવવા માટે માઈક્રો-ઓબ્ઝર્વર પણ પ્રક્રિયાની દેખરેખ રાખશે. આ તમામ પગલાંનો હેતુ મતગણતરી પ્રક્રિયામાં શાંતિ અને વિશ્વસનીયતા જાળવવાનો છે. આ પણ વાંચો : Chhattisgarh : કાંકેરમાં સર્ચ ઓપરેશન દરમિયાન IED બ્લાસ્ટ, DRGના 3 જવાન શહીદ
Read Full Story arrow_forward
અમદાવાદના સાબરમતી રિવરફ્રન્ટ પરથી મળી આવેલી બિનવારસી મૃતદેહના કેસમાં ચોંકાવનારો વળાંક આવ્યો છે. શરૂઆતમાં અકસ્માત મોત ગણાતો આ કેસ હવે ક્રૂર હત્યામાં પરિણમ્યો છે. ગાંધીનગર જિલ્લાના રાધેજા ગામના યુવક ધવલ રાવળની હત્યા કરવામાં આવી હોવાનું પોલીસ તપાસ અને DNA ટેસ્ટમાં સ્પષ્ટ થયું છે.ટેટૂ અને DNA ટેસ્ટથી થઈ ઓળખ 25 સપ્ટેમ્બરના રોજ રિવરફ્રન્ટ પરથી મળેલા મૃતદેહના હાથ અને શરીર પર “D”, “DG”, “ભાવેશ” અને “ધવલ” જેવા ટેટૂ હતા. મિસિંગ સેલ અને CID ક્રાઈમની મદદથી તપાસ કરતા રાધેજા ગામના સોમાભાઈ રાવળે તેમનો પુત્ર ધવલ ગુમ હોવાનું જણાવ્યું હતું. DNA ટેસ્ટ મેચ થતા મૃતદેહ ધવલનો હોવાની પુષ્ટિ થઈ હતી. પોસ્ ટમોર્ટમ રિપોર્ટમાં ખુલાસો થયો છે કે, ધવલના માથા અને ચહેરા પર તીક્ષ્ણ હથિયારોના અસંખ્ય ઘા ઝીંકી તેની નિર્દયતાથી હત્યા કરવામાં આવી હતી. હત્યા પાછળનું રહસ્ય શું? પોલીસ તપાસમાં સામે આવ્યું છે કે, મૃતક ધવલનો અગાઉ અકસ્માત થયો હતો, જેના કારણે તેની માનસિક સ્થિતિ સામાન્ય ન હતી. તે કોઈની પણ પાસે સારી વસ્તુ જોવે તો તે લઈ લેવાની આદત ધરાવતો હતો. 22 સપ્ટેમ્બરે 'ભાગોળે જઉં છું' કહીને નીકળેલા ધવલની હત્યા કોણે અને કયા કારણોસર કરી તે દિશામાં રિવરફ્રન્ટ ઈસ્ટ પોલીસે તપાસ તેજ કરી છે. પુરાવા નાશ કરવા માટે મૃતદેહને નદીમાં ફેંકવામાં આવી હોવાનું પણ પ્રાથમિક દ્રષ્ટિએ જણાઈ રહ્યું છે. આ પણ વાંચો - Ahmedabad News: ઓરેન્જ એલર્ટ વચ્ચે ટ્રાફિક સિગ્નલ બંધ રાખવાની જાહેરાત માત્ર કાગળ પર, વાહનચાલકો શેકાયા
Read Full Story arrow_forward