Community News & Updates

Stay informed with the latest happenings, achievements, and announcements from our community.

All News

calendar_today May 2, 2026

Mehsana News: રાજસ્થાનની સરકારી બસમાં ચરસની હેરાફેરી કરનાર 3 શખ્સોને 10 વર્ષની સખત કેદ

વર્ષ 2021માં મહેસાણાના ફતેહપુરા સર્કલ પાસેથી કરોડોની કિંમતના ચરસ સાથે પકડાયેલા ત્રણ આરોપીઓને મહેસાણાની સ્પેશિયલ NDPS કોર્ટે મહત્વનો ચુકાદો આપતા 10 વર્ષની સખત કેદની સજા ફટકારી છે. રાજસ્થાન સ્ટેટ ટ્રાન્સપોર્ટની બસમાં મુસાફરી દરમિયાન 9.330 કિલો ચરસના જથ્થા સાથે પકડાયેલા સાહિદ ઇબ્રાહિમ, રફીક ચૌહાણ અને મણીયાર સૈયદ હુસેન નામના ત્રણ શખ્સોને મહેસાણાની સ્પેશિયલ NDPS કોર્ટના જજ એમ. એફ. ખત્રીએ આ કડક સજા ફટકારી છે.ભારે દંડ અને કડક સજાનો આદેશ આ કેસની સુનાવણી દરમિયાન સરકારી વકીલ પરેશકુમાર કે. દવે દ્વારા કરવામાં આવેલી ધારદાર દલીલોને ગ્રાહ્ય રાખવામાં આવી હતી. કોર્ટે ત્રણેય આરોપીઓને 10 વર્ષની જેલની સજાની સાથે આર્થિક દંડ પણ ફટકાર્યો છે, જેમાં સાહિદ ઇબ્રાહિમ અને રફીક ચૌહાણને 1.5 લાખ રૂપિયાનો દંડ તથા મણીયાર સૈયદ હુસેનને 1 લાખ રૂપિયાનો દંડ ભરવા આદેશ કર્યો છે. નશાના કાળા કારોબારમાં સંડોવાયેલા આ શખ્સો સામેના પુરાવાઓ મજબૂત જણાતા કોર્ટે આ મામલે લાલ આંખ કરી છે. નશાના સોદાગરોમાં ફફડાટ ઉલ્લેખનીય છે કે, સરકારી પરિવહન સેવાનો ઉપયોગ કરીને નશીલા પદાર્થોની હેરાફેરી કરવાના આ કિસ્સામાં કોર્ટે કડક વલણ અપનાવ્યું છે. વર્ષ 2021માં સર્જાયેલી આ ઘટનામાં લાંબા સમયની કાયદેસરની પ્રક્રિયા બાદ અંતે ન્યાય મળ્યો છે. આ ચુકાદાથી નશીલા પદાર્થોની હેરાફેરી કરતા અસામાજિક તત્વોમાં ફફડાટ વ્યાપી ગયો છે અને સમાજમાં નશાના દૂષણને ડામવા માટે આ ચુકાદો એક મહત્વનું ઉદાહરણ પૂરું પાડશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 2, 2026

Ecuadorની સાથે ભારત મોટી ડિલ કરવાની તૈયારીમાં, વિદેશી સામાન થશે સસ્તા

ભારત અને ઈક્વાડોર વચ્ચે સંબંધોને વધુ મજબૂત બનાવવાની દિશામાં મહત્વપૂર્ણ પગલાં લેવામાં આવ્યા છે. બંને દેશો પ્રેફરન્શિયલ ટ્રેડ એગ્રીમેન્ટ (PTA)ને અંતિમ સ્વરૂપ આપવા તરફ આગળ વધી રહ્યા છે, જેથી વેપારને વધુ સરળ અને લાભદાયી બનાવવામાં આવશે.બેઠકમાં દ્વિપક્ષીય સહકાર વધારવા પર ખાસ ભાર વિદેશ મંત્રાલય (MEA) મુજબ વિદેશ મંત્રી એસ.જયશંકર અને ઈક્વાડોરની વિદેશ મંત્રી ગેબ્રિએલા સોમરફેલ્ડ રોસેરો વચ્ચે થયેલી બેઠકમાં દ્વિપક્ષીય સહકાર વધારવા પર ખાસ ભાર મૂકાયો હતો. આ મુલાકાત દરમિયાન આરોગ્ય સેવા, ફાર્માસ્યુટિકલ્સ, કૃષિ, ડિજિટલ ટેકનોલોજી, વેપાર અને રોકાણ જેવા ક્ષેત્રોમાં સહકાર વધારવા માટે સહમતિ વ્યક્ત કરવામાં આવી. મહત્વપૂર્ણ કરાર પર પણ હસ્તાક્ષર કર્યા આ મુલાકાત દરમિયાન ઈક્વાડોરે આંતરરાષ્ટ્રીય સોલાર અલાયન્સ (ISA) અને ઈન્ટરનેશનલ બિગ કેટ અલાયન્સ (IBCA)માં જોડાવાનો નિર્ણય પણ ભારતને સત્તાવાર રીતે જણાવ્યો. બંને દેશોએ “ક્વિક ઈમ્પેક્ટ પ્રોજેક્ટ્સ” માટે એક મહત્વપૂર્ણ કરાર પર પણ હસ્તાક્ષર કર્યા છે, જેના હેઠળ ભારત આગામી પાંચ વર્ષમાં ઈક્વાડોરને 12 કરોડ રૂપિયા સુધીની સહાય આપશે. આરોગ્ય ક્ષેત્રમાં સહકારને વધુ મજબૂત બનાવશે આ ઉપરાંત ઈક્વાડોરે ભારતીય ફાર્માસ્યુટિકલ ઉત્પાદનોને માન્યતા આપવાના મુદ્દે પણ ચર્ચા કરી છે, જે આરોગ્ય ક્ષેત્રમાં સહકારને વધુ મજબૂત બનાવશે. વેપાર અને રોકાણ વધારવા માટે ખાસ કરીને દવાઓ, તાંબું અને સોનાના સપ્લાય ચેઇન ક્ષેત્રમાં ભાગીદારી વધારવા પર પણ ધ્યાન કેન્દ્રિત કરવામાં આવ્યું છે. આ સમગ્ર વિકાસને કારણે ભારત-ઈક્વાડોર સંબંધોમાં નવી ગતિ આવી હોવાનું માનવામાં આવે છે. આ પણ વાંચો : Emergency Alerts : દુનિયાનું સૌથી પાવરફુલ ઇમરજન્સી એલર્ટ સિસ્ટમ કોની પાસે? જાણો

Read Full Story arrow_forward

calendar_today May 2, 2026

Gandhinagar News: ગુજરાત સરકારની ભેળસેળિયાઓ સામે લાલ આંખ, 1018 કિલો નકલી પનીરનો નાશ, આઈસ્ક્રીમ અને જ્યુસના સેન્ટરો પર તવાઈ

ઉનાળાની કાળઝાળ ગરમી વચ્ચે ઠંડા પીણા અને ખાદ્ય પદાર્થોમાં થતી ભેળસેળ રોકવા માટે રાજ્યના આરોગ્ય વિભાગે કમર કસી છે. એપ્રિલ મહિના દરમિયાન રાજ્યભરમાં હાથ ધરવામાં આવેલી તપાસમાં ચોંકાવનારી વિગતો સામે આવી છે, જેમાં હજારો કિલો શંકાસ્પદ ખાદ્ય સામગ્રીનો નાશ કરવામાં આવ્યો છે.એપ્રિલમાં 4193 એકમો પર રેડ રાજ્ય સરકાર દ્વારા એપ્રિલ મહિનામાં કુલ 4193 ખાદ્ય એકમોની સઘન તપાસ કરવામાં આવી હતી. આ કાર્યવાહી દરમિયાન અંદાજે 1.83 લાખ રૂપિયાની કિંમતના 1018 કિલો શંકાસ્પદ પનીરનો જથ્થો જપ્ત કરી સ્થળ પર જ નાશ કરવામાં આવ્યો હતો. આ ઉપરાંત, ગંભીર ઉલ્લંઘન બદલ 18 એકમોને સીલ કરી દેવાયા છે, અને 270 એકમોને નોટિસ ફટકારવામાં આવી છે. જ્યુસ અને આઈસ્ક્રીમના નમૂના લેવાયા ઉનાળામાં વધુ વપરાતા તરબૂચ, શેરડીનો રસ અને મેંગો જ્યુસ જેવા પીણાંઓની શુદ્ધતા ચકાસવા માટે 1705 નમૂનાઓની તપાસ કરવામાં આવી હતી. આ દરમિયાન 118 નમૂનાઓને વધુ તપાસ માટે લેબોરેટરીમાં મોકલવામાં આવ્યા છે. તંત્ર દ્વારા અત્યાર સુધીમાં 2.84 લાખ રૂપિયાથી વધુનો દંડ પણ વસૂલવામાં આવ્યો છે. મંત્રી પ્રફુલ પાનસેરિયાની કડક ચેતવણી આરોગ્ય રાજ્ય મંત્રી પ્રફુલ પાનસેરિયાએ આ મામલે નિવેદન આપતા જણાવ્યું હતું કે, વધુ નફો કમાવવાની લાલચમાં લોકોના આરોગ્ય સાથે ચેડા કરનારાઓને છોડવામાં આવશે નહીં. હલકી ગુણવત્તાના આઈસ્ક્રીમ કે ઠંડા પીણા વેચનારા સામે કડક કાર્યવાહી થશે. તેમણે લોકોને પણ અપીલ કરી હતી કે, સસ્તું ખાવાની લાલચ છોડીને સ્ટાન્ડર્ડ પ્રોડક્ટનો જ આગ્રહ રાખવો અને ભેળસેળ કરનારાઓનો બહિષ્કાર કરવો. આ પણ વાંચો - Surat News: સાયણ વિસ્તારમાં 11.12 લાખના વીજ વાયરના ડ્રમની ચોરીનો ભેદ ઉકેલાયો, ઓલપાડ પોલીસ ત્રણની કરી ધરપકડ

Read Full Story arrow_forward