Aravalli : મહિલાને વોટ્સએપ પર અશ્લીલ મેસેજ અને જાનથી મારવાની ધમકી, માનવ અધિકાર આયોગના આદેશથી નોંધાઈ ફરિયાદ
અરવલ્લી જિલ્લામાં સાયબર હેરાનગતિ અને પોલીસની બેદરકારીનો એક ચોંકાવનારો કિસ્સો પ્રકાશમાં આવ્યો છે. મેઘરજની એક મહિલાને છેલ્લા ત્રણ મહિનાથી અજાણ્યા નંબર પરથી ડિજિટલ ધમકીઓ મળી રહી હતી, તેમ છતાં સ્થાનિક પોલીસે ફરિયાદ નોંધવામાં આનાકાની કરી હતી. અંતે, પીડિત મહિલાએ ન્યાય માટે ગુજરાત રાજ્ય માનવ અધિકાર આયોગના દ્વાર ખખડાવતા પોલીસ હરકતમાં આવી છે.મહિલાને "Hi" મેસેજ કરી પ્રેમ પ્રસ્તાવ મોકલવામાં આવ્યો ઘટનાની વિગત મુજબ, એક અજાણ્યા વોટ્સએપ નંબર પરથી મહિલાને "Hi" મેસેજ કરી પ્રેમ પ્રસ્તાવ મોકલવામાં આવ્યો હતો. મહિલાએ જ્યારે તેને નકારી દીધો, ત્યારે સામેવાળા શખ્સે મહિલાનો ફોટો પ્રોફાઇલમાં મૂકી તેને બ્લેકમેઇલ કરવાનું શરૂ કર્યું હતું. આ શખ્સે "તારા ફોટા વાયરલ કરી દઈશ" એવી ધમકી આપીને મહિલાને જાનથી મારી નાખવાની પણ ચીમકી આપી હતી. પીડિતાને શંકા છે કે આ કૃત્ય પાછળ રાજસ્થાનનો કોઈ યુવક સંડોવાયેલો છે. પીડિતા ત્રણ મહિના સુધી પોલીસના ધક્કા ખાતી રહી, સૌથી વધુ ચોંકાવનારી બાબત એ છે કે, પીડિતા ત્રણ મહિના સુધી પોલીસના ધક્કા ખાતી રહી, પરંતુ તેની ફરિયાદ નોંધાઈ નહોતી. હારીને મહિલાએ રાજ્ય માનવ અધિકાર આયોગમાં પીટિશન દાખલ કરી હતી. આયોગ દ્વારા કરવામાં આવેલા કડક આદેશ અને હસ્તક્ષેપ બાદ મેઘરજ પોલીસે આખરે ગુનો નોંધ્યો છે. ફરિયાદ લેવામાં થતા વિલંબ સામે અનેક સવાલો હાલ પોલીસે અજાણ્યા મોબાઈલ નંબરના આધારે આરોપીને ઝડપી પાડવા અને લોકેશન ટ્રેસ કરવા માટે સાયબર ક્રાઈમની મદદ લીધી છે. આ કિસ્સાએ સાયબર સુરક્ષા અને પોલીસ ફરિયાદ લેવામાં થતા વિલંબ સામે અનેક સવાલો ઉભા કર્યા છે.આ પણ વાંચો---- Gujarat Weather Update: ગુજરાતમાં ફરી માવઠાનું સંકટ, 5 થી 8 મે દરમિયાન અંબાલાલ પટેલની ગાજવીજ અને કરા સાથે વરસાદની આગાહી
Read Full Story arrow_forward
