Surat મહાનગરપાલિકાના મેયર અને સ્ટેન્ડિંગ ચેરમેન પદ માટે ભાજપની સેન્સ પ્રક્રિયા શરૂ, આ નામો રેસમાં સૌથી આગળ
સુરત મહાનગરપાલિકામાં આગામી અઢી વર્ષની ટર્મ માટે નવા હોદ્દેદારોની વરણીનો ધમધમાટ શરૂ થયો છે. ભાજપ પ્રદેશ મોવડી મંડળના આદેશ મુજબ, સુરતમાં મેયર, ડેપ્યુટી મેયર અને સ્ટેન્ડિંગ કમિટીના ચેરમેન સહિતના પાંચ મહત્વના પદો માટે 'સેન્સ' લેવાની પ્રક્રિયા તેજ કરવામાં આવી છે. આ માટે પક્ષ દ્વારા ત્રણ નિરીક્ષકોની નિમણૂંક કરવામાં આવી છે, જેઓ શહેરના અપેક્ષિત ઉમેદવારોના નામ સાંભળી રિપોર્ટ તૈયાર કરશે.મહિલા પાંખમાં ભારે ખેંચતાણ સુરત મનપાના નવા મેયર પદ માટે અત્યારે મહિલા પાંખમાં ભારે ખેંચતાણ જોવા મળી રહી છે. મેયર પદ માટે ખાસ કરીને નેન્સી શાહ અને ઉર્વશી પટેલના નામ મોખરે ચાલી રહ્યા છે. આ ઉપરાંત ડિમ્પલ કાપડિયા અને પ્રતિભા દેસાઈ પણ મેયર બનવાની રેસમાં પ્રબળ દાવેદાર મનાઈ રહ્યા છે. નિરીક્ષકો દ્વારા દરેક વોર્ડના કોર્પોરેટરો અને સંગઠનના હોદ્દેદારોનો અભિપ્રાય લેવામાં આવી રહ્યો છે. સ્ટેન્ડિંગ કમિટીના ચેરમેન પદ માટે પણ રસાકસી બીજી તરફ, સુરત મનપાની તિજોરી પર જેનો અંકુશ હોય છે તેવા સ્ટેન્ડિંગ કમિટીના ચેરમેન પદ માટે પણ રસાકસી જામી છે. આ પદ માટે અનુભવી નેતા રાજન પટેલ અને દક્ષેશ માવાણીના નામની ચર્ચાએ જોર પકડ્યું છે. સાથે જ વ્રજેશ ઉનડકટનું નામ પણ રેસમાં હોવાનું જાણવા મળી રહ્યું છે. ભાજપમાં શિસ્તબદ્ધ રીતે આ પ્રક્રિયા પૂર્ણ થયા બાદ નામોની પેનલ પ્રદેશ સ્તરે મોકલવામાં આવશે અને આખરી મહોર ગાંધીનગરથી મારવામાં આવશે. શહેરના રાજકારણમાં અત્યારે 'કોણ બનશે મેયર?' તેની ચર્ચાઓએ જોર પકડ્યું છે.આ પણ વાંચો---- Bhavnagar : સોની દંપતી હત્યાકાંડ, મિલકત અને દેવાએ પુત્રને બનાવ્યો કસાઈ, પુત્રવધૂએ રાજકોટથી શાર્પ શૂટર્સ બોલાવી કરાવી હત્યા
Read Full Story arrow_forward
