Rajkot News: ત્રંબામાં મોટી દુર્ઘટના ટળી, મુરલીધર કોલેજમાં ચાલુ ક્લાસે પંખો પડતા નર્સિંગની 3 વિદ્યાર્થિનીઓ ઈજાગ્રસ્ત
રાજકોટના ત્રંબા સ્થિત કસ્તુરબા ધામમાં આવેલી મુરલીધર કોલેજમાં આજે એક ભયાનક દુર્ઘટના સર્જાઈ હતી. નર્સિંગ કોલેજમાં ચાલુ લેક્ચર દરમિયાન સીલિંગ ફેન (પંખો) અચાનક તૂટી પડતા ક્લાસરૂમમાં બેઠેલી ત્રણ વિદ્યાર્થિનીઓ ઈજાગ્રસ્ત થઈ હતી. આ ઘટનાને પગલે કોલેજ કેમ્પસમાં ભારે અફરાતફરી મચી ગઈ હતી.પાંખો તૂટીને વિદ્યાર્થિનીઓ પર પડી ઘટનાની મળતી માહિતી અનુસાર, વિદ્યાર્થિનીઓ જ્યારે અભ્યાસ કરી રહી હતી ત્યારે ચાલુ પંખાની પાંખો એકાએક તૂટીને નીચે પડી હતી. પંખો સીધો વિદ્યાર્થિનીઓ પર ખાબકતા ત્રણ છાત્રાઓને શરીરે નાની-મોટી ઈજાઓ પહોંચી હતી. ઈજાગ્રસ્ત વિદ્યાર્થિનીઓને તાત્કાલિક પ્રાથમિક સારવાર આપવામાં આવી હતી. સદનસીબે, હાલ તમામ વિદ્યાર્થિનીઓ ભયમુક્ત હોવાનું જાણવા મળ્યું છે. જર્જરિત ઈમારત અને તંત્રની બેદરકારી આ ઘટનાએ કોલેજ સંચાલકોની કામગીરી સામે અનેક સવાલો ઉભા કર્યા છે. સૂત્રોના જણાવ્યા અનુસાર, કોલેજની ઈમારત અને ફિટિંગ્સ જર્જરિત હાલતમાં હોવા છતાં તેનું સમયસર સમારકામ કરવામાં આવતું નથી. વિદ્યાર્થીઓના જીવના જોખમે ચાલતી આ બેદરકારીને લઈ વાલીઓમાં પણ રોષ જોવા મળી રહ્યો છે. શું સંચાલકો કોઈ મોટી હોનારતની રાહ જોઈ રહ્યા છે? તેવો પ્રશ્ન સ્થાનિકોમાં ચર્ચાઈ રહ્યો છે. આ પણ વાંચો - Rajkot:આકાશમાંથી વરસતી અગનજ્વાળા વચ્ચે સિવિલ હોસ્પિટલ એલર્ટ, હિટવેવ વોર્ડમાં તમામ સુવિધાઓ ઉપલબ્ધ
Read Full Story arrow_forward
