Junagadhમાં બિસ્માર રસ્તા મુદ્દે જનતાનો રોષ: કમિશનર અને પદાધિકારીઓનો ઘેરાવો
જૂનાગઢ શહેરમાં ખરાબ રસ્તાઓની સમસ્યા હવે લોકો માટે માથાના દુખાવા સમાન બની ગઈ છે. લાંબા સમયથી રસ્તાઓના સમારકામની માંગ કરી રહેલા સ્થાનિકોનો પારો ત્યારે સાતમા આસમાને પહોંચ્યો જ્યારે મનપા કમિશનર અને અન્ય પદાધિકારીઓ જવાહર રોડ પર ચેકિંગ કરવા પહોંચ્યા હતા. બિસ્માર રસ્તાઓથી કંટાળેલા લોકોએ અધિકારીઓને જોઈને તેમને ઘેરી લીધા હતા અને તંત્રની નિષ્ક્રિયતા સામે ભારે રોષ ઠાલવી ઉધડો લીધો હતો. લોકોએ આક્ષેપ કર્યો હતો કે વારંવારની રજૂઆતો છતાં રસ્તાની હાલત સુધારવામાં આવતી નથી.ભાજપના કોર્પોરેટર અને કાર્યકર વચ્ચે ઉગ્ર બોલાચાલી આ હોબાળા દરમિયાન પરિસ્થિતિ ત્યારે વધુ વણસી જ્યારે ભાજપના જ એક કોર્પોરેટર અને કાર્યકર વચ્ચે કોઈ બાબતે બઘડાટી બોલી ગઈ હતી. જાહેરમાં શાસક પક્ષના સભ્યો વચ્ચે થયેલી આ ઉગ્ર બોલાચાલી અને ઘર્ષણને કારણે વાતાવરણ તંગ બની ગયું હતું. સ્થાનિક લોકોના રોષની સાથે પક્ષના આંતરિક વિખવાદે અધિકારીઓને પણ મૂંઝવણમાં મૂકી દીધા હતા. લોકોનો આક્રોશ જોઈને એવું લાગતું હતું કે રસ્તાની દુર્દશાએ જનતાની ધીરજની કસોટી કરી છે. કમિશનરે મધ્યસ્થી કરી મામલો શાંત પાડ્યો ઘટનાસ્થળે સર્જાયેલી અફરાતફરી અને ઘર્ષણને જોતા મ્યુનિસિપલ કમિશનરે પોતે વચ્ચે પડવાની ફરજ પડી હતી. તેમણે ઉશ્કેરાયેલા લોકો અને લડતા કાર્યકરોને શાંત પાડવા પ્રયાસો કર્યા હતા. કમિશનરે લોકોની ફરિયાદો સાંભળી મામલો થાળે પાડ્યો હતો અને રસ્તા મુદ્દે યોગ્ય કામગીરી કરવાની ખાતરી આપી હતી. જોકે, આ ઘટનાએ જૂનાગઢ મહાનગરપાલિકાની પ્રી-મોન્સૂન અને રોડ મેન્ટેનન્સની કામગીરી સામે મોટા સવાલો ઊભા કર્યા છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
