Anand: સરદાર પટેલ યુનિ.ની મિલકતોને છાત્ર સંગઠનોએ નુકસાન કર્યું
સરદાર પટેલ યુનિવર્સિટીની મિલકતોને અખિલ ભારતીય વિદ્યાર્થી પરિષદે ભીતચિત્રો દોરીને નુકસાન પહોંચાડતા રોષ પ્રગટયો છે. વિદ્યાર્થીઓના પ્રશ્નો મુદ્દે યોગ્ય રજુઆત કરવાના સ્થાને યુનિવર્સિટી મુખ્યભવન, હ્યુમેનિટીઝ બિલ્ડીંગ અને લાયબ્રેરી જેવી મહત્વની બિલ્ડીંગના શૈક્ષણિક ઇમારતોની દિવાલો ઉપર બીએએન જીસીએએસ હટાવો અને પ્રોટેક્ટ સ્ટુડન્ટ નોટ જીસીએએસ જેવા સુત્રો લખીને જાહેર સંપતીને નુકસાન પહોંચાડયુ હોય આ મુદ્દે શૈક્ષણિક નગરીમાં એબીવીપીના વિદ્યાર્થી કાર્યકરો સામે ઉગ્ર રોષ પ્રગટયો છે. યુનિવર્સિટીની મિલકતને નુકસાન પહોંચાડવા બદલ યોગ્ય કાર્યવાહી કરવાની માંગ ઉઠી છે. જો યુનિવર્સિટીના સત્તાધિશો દ્વારા યોગ્ય પગલા લેવામાં નહી આવે તો અન્ય સંગઠનો દ્વારા પણ સમાયંતરે યુનિની બિલ્ડીંગોને નુકસાન પહોંચાડશે. તો તે મુદ્દે કોની જવાબદારીની ચર્ચાઓ ઉઠી છે. છાત્ર સંગઠન દ્વારા ગુજરાત કોમન એડમીશન પ્રોટલની ખામીઓ તથા પ્રાઇવેટ યુનિવર્સિટીના સમાવેશ મુદ્દે સરકાર સામે રોષ છે. પરંતુ યોગ્ય ફોરમમાં રજુઆત કરવાની વાત અભરાઇએ મુકી જાહેર સંપત્તીને નુકસાન પહોંચાડવું કાયદેસર ગુનો ગણાય છે. આવી હરકતથી શૈક્ષણિક શંકુલમાં અસંતોષ જોવા મળે છે. આ પ્રકારનો વિરોધ સંસ્થાની શિસ્ત અને સંસ્કૃતિ પર પ્રહાર સમાન છે. ત્યારે યુનિવર્સિટી દ્વારા તમામ બિલ્ડીંગો બહાર લગાવેલા સીસી કેમેરા દ્વારા તપાસ હાથ ધરીને સંપત્તિને નુકસાન પહોંચાડનાર તત્વો સામે સખ્ત રાહે કાર્યવાહી કરવાની માંગ ઉઠી છે. જો આ મુદ્દે ભીનું સંકેલાશે તો વારંવાર આવા કૃત્યો બનતા રહેશે અને યુનિવર્સિટીની મિલકતને નુકસાન પહોંચતુ રહેશે. જેથી કડક રાહે કાર્યવાહી જરૂરી બની છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
