Community News & Updates

Stay informed with the latest happenings, achievements, and announcements from our community.

All News

calendar_today April 30, 2026

Rajkot News: વર્ષોની પ્રતિક્ષાનો આવશે અંત, આગામી 10 દિવસમાં 'સાંઢીયા પુલ' જનતા માટે મૂકાશે ખુલ્લો

રાજકોટના લાખો વાહનચાલકો અને સ્થાનિક રહીશો માટે રાહતના મોટા સમાચાર સામે આવ્યા છે. રાજકોટ શહેરનો અતિ મહત્વનો અને લાંબા સમયથી જેની રાહ જોવાઈ રહી હતી, તે સાંઢીયા પુલ (બ્રીજ) આગામી 10 દિવસમાં જનતા માટે ખુલ્લો મૂકવામાં આવશે.વર્ષોની હાલાકીનો આવશે અંત ઉલ્લેખનીય છે કે, સાંઢીયા પુલના કામકાજને કારણે છેલ્લા ઘણાં વર્ષોથી રાજકોટવાસીઓ ભારે હેરાન-પરેશાન થઈ રહ્યા હતા. ટ્રાફિક જામ અને લાંબા ડાયવર્ઝનને કારણે લોકોનો સમય અને ઈંધણ બંનેનો વ્યય થતો હતો. આ પુલ શરૂ થવાથી શહેરના પૂર્વ અને પશ્ચિમ વિસ્તાર વચ્ચેની કનેક્ટિવિટી વધુ સરળ બનશે અને ટ્રાફિકનું ભારણ ઘટશે. નવા પદાધિકારીઓના હસ્તે થશે લોકાર્પણ મળતી માહિતી મુજબ, નવા પદાધિકારીઓની નિમણૂક બાદ આ બ્રીજને વિધિવત રીતે ખુલ્લો મૂકવાની તૈયારીઓ તેજ કરી દેવામાં આવી છે. તંત્ર દ્વારા આખરી ઓપ આપવામાં આવી રહ્યો છે અને આગામી 10 દિવસમાં જ લોકાર્પણનો કાર્યક્રમ યોજાઈ શકે છે. પુલ ખુલ્લો મૂકવાની આ જાહેરાતથી રાજકોટના લોકોમાં ખુશીની લહેર જોવા મળી રહી છે. વર્ષોની હાલાકી બાદ આખરે આ પ્રોજેક્ટ પૂર્ણ થતા શહેરના ટ્રાફિક માળખામાં મોટો સુધારો જોવા મળશે. આ પણ વાંચો - Rajkotના માલવિયા વિસ્તારમાં લુખ્ખાઓ બેફામ. નજીવી બાબતે વૃદ્ધને ધોકા-પાઈપથી ઢોર માર માર્યો

Read Full Story arrow_forward

calendar_today April 30, 2026

Surat News: મોર્નિંગ વોકર્સને નિશાન બનાવતો રીઢો ચેઈન સ્નેચર ઝડપાયો, ક્રાઈમ બ્રાન્ચે રૂ.3.83 લાખનો મુદ્દામાલ જપ્ત કર્યો

સુરત શહેરમાં છેલ્લા કેટલાક સમયથી વહેલી સવારે ચાલવા નીકળતા નાગરિકોના ગળામાંથી સોનાના દાગીના ખેંચવાની ઘટનાઓમાં વધારો થયો હતો. આ ગુનાઓને ડામવા માટે સુરત ક્રાઇમ બ્રાન્ચે ચક્રો ગતિમાન કર્યા હતા. ટેકનિકલ સર્વેલન્સ અને ગુપ્ત બાતમીદારોની મદદથી પોલીસે સાહિલ ઉર્ફે વસીમ ઝાકીર શેખ નામના શખ્સને ઝડપી પાડ્યો છે. ધરપકડ બાદ પોલીસે તેની પાસેથી ચોરીના દાગીના અને ગુનામાં વપરાયેલ વાહન સહિત કુલ રૂ.3.83 લાખનો મુદ્દામાલ કબજે કર્યો છે.પાલ અને અડાજણ જેવા પોશ વિસ્તારો હતા ટાર્ગેટ પોલીસ પૂછપરછમાં સામે આવ્યું છે કે આરોપી સાહિલ ખાસ કરીને શહેરના પાલ, અડાજણ અને અશ્વનીકુમાર જેવા વિસ્તારોમાં સક્રિય હતો. આ વિસ્તારોમાં મોકળા રસ્તાઓ હોવાથી અને વહેલી સવારે લોકો કસરત માટે નીકળતા હોવાથી તે તેને સોફ્ટ ટાર્ગેટ બનાવતો હતો. આરોપી વહેલી સવારે નીકળતા વયોવૃદ્ધો અથવા એકલદોકલ મહિલાઓને નિશાન બનાવી ગણતરીની સેકન્ડોમાં જ ચેઈન સ્નેચિંગની ઘટનાને અંજામ આપીને ફરાર થઈ જતો હતો. મોપેડનો ઉપયોગ કરી આપતો હતો ગુનાને અંજામ આરોપીની ગુના કરવાની રીત (મોડસ ઓપરેન્ડી) ખૂબ જ ચોકસાઈ ભરી હતી. તે ચોરીના અથવા નંબર પ્લેટ વગરના મોપેડ પર સવાર થઈને શંકા ન જાય તે રીતે સોસાયટીઓના રસ્તાઓ પર રેકી કરતો હતો. તક મળતા જ પાછળથી આવીને તે ચાલતા લોકો પર તરાપ મારતો હતો. તેની ધરપકડ સાથે જ પાલ અને અડાજણ પોલીસ મથકની હદમાં નોંધાયેલા અનેક ગુનાઓના ભેદ ઉકેલાયા છે. હાલ પોલીસ તેની અન્ય કોઈ ગેંગ સાથે સંડોવણી છે કે કેમ તે દિશામાં વધુ તપાસ કરી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 30, 2026

Gandhinagar News: 'વસ્તી ગણતરીની કામગીરી 10 જૂન સુધી મુલતવી રાખો', ગરમીના કહેર વચ્ચે શિક્ષણ સંઘની સરકારને રજૂઆત

રાજ્યમાં હાલ ગરમીનો પારો 44 થી 46 ડિગ્રીએ પહોંચ્યો છે, ત્યારે સરકારી કામગીરીમાં જોતરાયેલા શિક્ષકોના આરોગ્યને લઈ ચિંતા જાગી છે. અસહ્ય હીટવેવ અને ઓરેન્જ એલર્ટની આગાહી વચ્ચે પ્રાથમિક શૈક્ષણિક મહાસંઘ દ્વારા વસ્તી ગણતરીની કામગીરી હાલ પૂરતી મોકૂફ રાખી 10 જૂન પછી શરૂ કરવા સરકારને સત્તાવાર રજૂઆત કરવામાં આવી છે.શિક્ષકોના આરોગ્ય અને સુરક્ષાનો પ્રશ્ન પ્રાથમિક શૈક્ષણિક મહાસંઘના મહામંત્રી પરેશ પટેલે જણાવ્યું હતું કે, હાલમાં અનેક વિસ્તારોમાં તાપમાનનો પારો 46 ડિગ્રીની આસપાસ રહેવાની શક્યતા છે. આવી સ્થિતિમાં શિક્ષકોને ઘરે-ઘરે જઈને વસ્તી ગણતરી કે BLO (Booth Level Officer) ની ફરજ બજાવવી ખૂબ જ જોખમી સાબિત થઈ શકે છે. હીટવેવના કારણે શિક્ષકોના સ્વાસ્થ્ય પર ગંભીર અસર થવાની ભીતિ સેવાઈ રહી છે. મહિલા અને વરિષ્ઠ શિક્ષકોને રાહતની માગ સંઘ દ્વારા કરવામાં આવેલી રજૂઆતમાં ખાસ કરીને 50 વર્ષથી વધુ વયના અને મહિલા શિક્ષકોને આકરી ગરમીમાં ફિલ્ડ વર્કમાંથી રાહત આપવા વિનંતી કરવામાં આવી છે. આ ઉપરાંત, જે શિક્ષકો હાલ BLO તરીકે ફરજ બજાવી રહ્યા છે, તેમને પણ આ વધારાની કામગીરીમાંથી મુક્ત કરવા માગ ઉઠાવવામાં આવી છે. 10 જૂન બાદ કામગીરી શરૂ કરવા ભલામણ શૈક્ષણિક મહાસંઘનું સૂચન છે કે, જ્યારે ચોમાસાની શરૂઆત નજીક હોય અને વાતાવરણ થોડું અનુકૂળ બને, એટલે કે 10 જૂન બાદ જ આ ગણતરીની કામગીરી હાથ ધરવામાં આવે. સરકાર આ મામલે શિક્ષકોના હિતમાં વહેલી તકે નિર્ણય લે તેવી આશા સેવાઈ રહી છે. હવે જોવાનું એ રહેશે કે શિક્ષણ વિભાગ અને વહીવટી તંત્ર આ રજૂઆત પર શું નિર્ણય લે છે. આ પણ વાંચો - Gandhinagar: કાળા કપડાં પહેરી રસ્તા પર ઉતર્યા સરકારી એન્જિનિયરિંગ અધ્યાપકો, કમિશનર કચેરીના દરવાજા બંધ કરાતા તાળાબંધીની ચીમકી

Read Full Story arrow_forward