Rajkot News: રઘુવંશી આગેવાનનો ભયાનક અકસ્માત, રિક્ષાચાલક બાઈકને ટક્કર મારી ફરાર, સમગ્ર ઘટના CCTVમાં કેદ
રાજકોટના જાણીતા રઘુવંશી અગ્રણી અને યુવા નેતા સાથે અકસ્માતની એક ચકચારી ઘટના સામે આવી છે. રઘુવંશી આગેવાન કેડી રઘુવંશી જ્યારે મોટરસાઈકલ પર સવાર થઈને પસાર થઈ રહ્યા હતા, ત્યારે એક બેફામ રિક્ષાએ તેમને જોરદાર ટક્કર મારી હતી. આ અકસ્માતની સમગ્ર ઘટના નજીકના CCTV કેમેરામાં કેદ થઈ ગઈ છે.રિક્ષાની ટક્કરે બાઈક હવામાં ફંગોળાયું ઘટનાની મળતી માહિતી અનુસાર, કે.ડી. રઘુવંશી પોતાનું મોટરસાયકલ લઈને જઈ રહ્યા હતા, ત્યારે અચાનક એક રિક્ષાચાલકે તેમને અડફેટે લીધા હતા. ટક્કર એટલી જોરદાર હતી કે, તેઓ રોડ પર પછડાયા હતા અને તેમને ઇજાઓ પહોંચી હતી. અકસ્માત થતા જ આસપાસના લોકો દોડી આવ્યા હતા અને ઇજાગ્રસ્ત આગેવાનને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા. રાજકીય રીતે પણ સક્રિય છે કે.ડી. રઘુવંશી ઉલ્લેખનીય છે કે, કે.ડી. રઘુવંશી રાજકોટના લોહાણા સમાજમાં મોટું નામ ધરાવે છે. તાજેતરમાં જ ચૂંટણીના માહોલ વચ્ચે તેમણે લોહાણા સમાજનું મોટું સંમેલન યોજીને પોતાની શક્તિનું પ્રદર્શન કર્યું હતું. લોહાણા સમાજના વિવિધ પ્રશ્નો અને ઉત્થાન માટે તેઓ સતત કાર્યશીલ રહેતા હોય છે. CCTVમાં કેદ થયા અકસ્માતના દ્રશ્યો અકસ્માતની આ ઘટનાના લાઈવ દ્રશ્યો CCTVમાં કેદ થયા છે, જેમાં રિક્ષાચાલકની બેદરકારી સ્પષ્ટપણે જોવા મળી રહી છે. આ મામલે પોલીસને જાણ કરવામાં આવી છે કે કેમ તે અંગે વધુ તપાસ ચાલી રહી છે. હાલ રઘુવંશી સમાજના કાર્યકરો અને સમર્થકો હોસ્પિટલ ખાતે ઉમટી પડ્યા છે અને તેમના સારા સ્વાસ્થ્ય માટે પ્રાર્થના કરી રહ્યા છે. આ પણ વાંચો - Rajkotના માલવિયા વિસ્તારમાં લુખ્ખાઓ બેફામ. નજીવી બાબતે વૃદ્ધને ધોકા-પાઈપથી ઢોર માર માર્યો
Read Full Story arrow_forward
