Valsad News: વાપી GIDC બ્રિજ પર ગેસ ભરેલા ટેન્કર અને ટેમ્પો વચ્ચે ટક્કર બાદ ભીષણ આગ, હવામાં લટક્યું ટેન્કર
દક્ષિણ ગુજરાતના ઉદ્યોગ નગર વાપીમાં આજે એક મોટી હોનારત ટળી છે. વાપી જીઆઇડીસી ચાર રસ્તા ફ્લાયઓવર બ્રિજ પર પ્રોપેલીન ગેસ ભરેલા ટેન્કર અને ટેમ્પો વચ્ચે ગમખ્વાર અકસ્માત સર્જાયો હતો. અકસ્માત એટલો જોરદાર હતો કે અથડામણ બાદ તુરંત જ ટેન્કરમાં ભયાનક આગ ફાટી નીકળી હતી, જેના કારણે સમગ્ર વિસ્તારમાં અફરાતફરીનો માહોલ સર્જાયો હતો.બ્રિજ પર હવામાં લટક્યું ટેન્કર અકસ્માતની ભયાનકતાનો અંદાજ એ વાત પરથી લગાવી શકાય છે કે, ટક્કર લાગતા ટેન્કર બ્રિજની રેલિંગ તોડીને બહાર નીકળી ગયું હતું અને તેનો આગળનો ભાગ (કેબિન) હવામાં લટકવા લાગ્યો હતો. ટેન્કરમાં ગેસ હોવાથી આગે વિકરાળ સ્વરૂપ ધારણ કર્યું હતું, જેના કાળા ધુમાડાના ગોટેગોટા દૂર-દૂર સુધી જોવા મળ્યા હતા. ગેસ લીકેજ અને બ્લાસ્ટના ડરથી આસપાસના લોકોમાં ભારે ફફડાટ ફેલાયો હતો. ફાયર બ્રિગેડની કામગીરી અને ટ્રાફિક જામ ઘટનાની જાણ થતા જ વાપી ફાયર બ્રિગેડનો કાફલો ઘટનાસ્થળે દોડી ગયો હતો. ફાયર ફાઈટરોએ ભારે જહેમત બાદ આગ પર કાબૂ મેળવ્યો હતો. સાવચેતીના ભાગરૂપે હાઈવે પરનો વાહન વ્યવહાર બંને બાજુથી થોડા સમય માટે બંધ કરી દેવામાં આવ્યો હતો, જેના કારણે વાહનોની લાંબી કતારો લાગી હતી. આગ કાબૂમાં આવ્યા બાદ પોલીસે સ્થિતિ થાળે પાડી વાહન વ્યવહાર પુનઃ શરૂ કરાવવાની કામગીરી હાથ ધરી હતી. આ પણ વાંચો - Valsad News: ઉમરગામમાં પાસે બેફામ બની કાર, બે બાઈકને ફંગોળ્યા, જુઓ CCTV
Read Full Story arrow_forward
