Community News & Updates

Stay informed with the latest happenings, achievements, and announcements from our community.

All News

calendar_today April 29, 2026

Rajkot મનપામાં કોણ બનશે મેયર? સ્ટેન્ડિંગ ચેરમેન અને ડેપ્યુટી મેયરની રેસમાં આ નામો

રાજકોટ મહાનગરપાલિકાની ચૂંટણીના પરિણામો બાદ હવે સૌની નજર નવા પદાધિકારીઓની વરણી પર ટકેલી છે. RMCમાં મેયર, સ્ટેન્ડિંગ કમિટીના ચેરમેન અને ડેપ્યુટી મેયર જેવા મહત્વના પદો માટે ભાજપના આંતરિક વર્તુળોમાં ભારે લોબિંગ શરૂ થઈ ગયું છે. પ્રથમ ટર્મમાં મેયર પદ માટે જનરલ પુરૂષ કેટેગરી ફાળવવામાં આવી હોવાથી અનેક દિગ્ગજ ચહેરાઓ મેદાનમાં છે.મેયર પદ માટે પાંચ દાવેદારો મેયરની ખુરશી માટે હાલમાં પાંચ મુખ્ય નામો ચર્ચામાં છે, જેમાં પરેશ ઠાકર, મનીષ ભટ્ટ, નેહલ શુક્લ, કેતન પટેલ અને નરેન્દ્રસિંહ જાડેજાનો સમાવેશ થાય છે. આ તમામ નેતાઓ પોતપોતાની રીતે હાઈકમાન્ડ સમક્ષ રજૂઆત કરી રહ્યા છે. બીજી તરફ સ્ટેન્ડિંગ કમિટીના ચેરમેન જેવી પાવરફુલ પોસ્ટ માટે ઘનશ્યામ હેરભા, પૂર્વ મેયર પ્રદીપ ડવ, નેહલ શુક્લ અને કેતન પટેલના નામ ચર્ચાની એરણે છે. જાતિગત સમીકરણો અને ડેપ્યુટી મેયર ડેપ્યુટી મેયર તરીકે કોઈ મહિલા ઉમેદવારની પસંદગી થવાની પ્રબળ શક્યતા છે. રાજકીય વિશ્લેષકોના મતે આ પદ માટે રઘુવંશી અથવા ક્ષત્રિય સમાજને પ્રાધાન્ય આપવામાં આવી શકે છે. ઉદય કાનગડ, દર્શિતા શાહ અને રમેશ ટીલાળા જેવા દિગ્ગજ નેતાઓ પદાધિકારીઓની પસંદગી પ્રક્રિયામાં મહત્વની ભૂમિકા ભજવી રહ્યા છે.https://x.com/sandeshnews/status/2049382469041029127 કોંગ્રેસ માટે વિરોધ પક્ષનો દરજ્જો મુશ્કેલ બીજી તરફ, કોંગ્રેસ માટે વિરોધ પક્ષનો દરજ્જો મેળવવો લોઢાના ચણા ચાવવા જેવું છે. કુલ બેઠકના 10 ટકા કરતા ઓછી બેઠકો મળી હોવાથી નિયમ મુજબ દરજ્જો મળવો મુશ્કેલ છે. જો તેમ છતાં વિરોધ પક્ષનો દરજ્જો મળે, તો નેતા પદ માટે દીપ્તિબેન સોલંકી અથવા ઇબ્રાહીમભાઈ સોરાના નામ રેસમાં છે. આ પણ વાંચો - Gujarat Local Body Election Results 2026: રાજકોટમાં રવીન્દ્ર જાડેજાના બહેન નયનાબાની હાર, કોંગ્રેસના જ આગેવાનો પર ફૂટ્યો ગુસ્સો, જાણો શું કહ્યું?

Read Full Story arrow_forward

calendar_today April 29, 2026

Agriculture News : સુરતના ખેડૂતે ઔદ્યોગિક સ્તરે ઘનજીવામૃતનું ઉત્પાદન શરૂ કર્યું

સમગ્ર રાજ્યમાં હાલ ગરમીનો પારો 44 ડિગ્રીથી ઉપર જઇ રહ્યો છે એવા સમયે સુરતના માંગરોળિયા ગામમાં કમલેશ પટેલનાં ખેતરમાં 20થી વધુ મજૂરો ખરિફ સીઝન પહેલા પ્રાકૃતિક ખેતી કરતા ખેડૂતો માટે ઘનજીવામૃત બનાવવામાં વ્યસ્ત છે. સુરત જિલ્લાનાં પલસાણા તાલુકાનાં અંભેટી ગામનાં ખેડૂત કમલેશ પટેલ પ્રાકૃતિક ખેતી કરે છે.કૃષિ વિભાગ દ્વારા પ્રાકૃતિક ખેતીનો પ્રચાર કરવા માટે ખેડૂતોને તાલીમ આપવામાં આવે છે અને માસ્ટર ટ્રેઇનર તૈયાર કરવામાં આવે છે. કમલેશ પટેલ પણ માસ્ટર ટ્રેઇનર છે અને અનેક ખેડૂતોને પ્રાકૃતિક ખેતી કરવા પ્રેરણા આપે છે. ખેડૂતો પ્રાકૃતિક ખેતી તરફ વળ્યા રાજ્યમાં હાલ 8 લાખથી વધુ ખેડૂતોએ રાસાયણિક ખાતરને તિલાજંલિ આપી સંપૂર્ણ પ્રાકૃતિક ખેતી તરફ વળ્યા છે.સાડા પાંચ હેક્ટરથી વધુ જમીનમાં પ્રાકૃતિક ખેતી થઇ રહી છે. પ્રાકૃતિક ખેતીનો વ્યાપ વધતા રાસાયણિક ખાતરનાં વિકલ્પ તરીકે જીવામૃત અને ઘનજીવામૃતનો ઉપયોગ થાય છે. અને તેની માંગ સતત વધી રહી છે. પહેલી મેનાં રોજ સુરતમાં યોજાનારી વાઈબ્રન્ટ ગુજરાત રિજિયોનલ કોન્ફરન્સ (VGRC)નાં પ્રથમ દિવસે “રાસાયણિક ખાતરમાં સ્વનિર્ભરતા: ખાતર ક્ષેત્રમાં આયાતના વિકલ્પ માટેની વ્યૂહરચનાઓ” વિષય પર ચર્ચા યોજાશે. કમલેશ પટેલ આ ચર્ચામાં જોડાશે. ઘનજીવામૃતનું ઔદ્યોગિક સ્તરે ઉત્પાદન વર્ષ-2017થી પ્રાકૃતિક ખેતી કરતા કમલેશ પટેલે ઘનજીવામૃતનું ઔદ્યોગિક સ્તરે ઉત્પાદન હાથ ધર્યુ છે.રોજ 1000 બેગ તૈયાર કરે છે અને સમગ્ર રાજ્ય અને રાજ્ય બહાર તેનું વેચાણ કરે છે. ચાલુ વર્ષમાં રોજની 2000 બેગ તૈયાર કરવાનું લક્ષ્ય રાખ્યું છે.ગુજરાત રાજ્યનાં મુખ્યમંત્રીભૂપેન્દ્ર પટેલનાં માર્ગદર્શનમાં રાજ્યમાં પ્રાકૃતિક ખેતીનો વ્યાપ વધી રહ્યો છે.ગુજરાતનાં રાજ્યપાલ આચાર્ય દેવવ્રત રાજ્યનાં ગામડાંઓ ખૂંદી રહ્યા છે અને ખેડૂતોને પ્રાકૃતિક ખેતી તરફ વાળી રહ્યા છે. આ તમામ પ્રયાસોને પરિણામે, ખેડૂતો રસાયણિક ખાતરોનો ઉપયોગ બંધ કરી તેના વિકલ્પ તરીકે જીવામૃત અને ઘનજીવામૃતનો જૈવિક ખાતર તરીકે ઉપયોગ કરી પ્રાકૃતિક ખેતી કરે છે. ઘનજીવામૃત એક શક્તિશાળી જૈવિક ખાતર ઘનજીવામૃત એક શક્તિશાળી જૈવિક ખાતર છે. તે જમીન સુધારે છે. ખેતરમાં સૂક્ષ્મજીવોની વૃદ્ધિ કરે છે. જમીનના પોષક તત્વોમાં વધારો કરે છે અને ઉત્પાદન વધારે છે.કમલેશ પટેલે જણાવ્યું કે, “વધુ અને વધુ ખેડૂત પ્રાકૃતિક ખેતી તરફ વળી રહ્યા છે. તેમને જીવામૃત અને ઘનજીવામૃતની જરૂર પડે છે. ગયા વર્ષે અમે 50,000 થેલીઓ (40 કિલોની એક બેગ) વેચી હતી અને આ વર્ષે એક લાખ ઘનજીવમૃતની થેલીનું ઉત્પાદન કરવાનું આયોજન છે. વર્ષ-2016માં કમલેશ પટેલે સુભાષ પાલેકર દ્વારા આયોજિત ત્રણ દિવસના ‘ઝીરો બજેટ’ પ્રાકૃતિક ખેતીના સેમિનારમાં ભાગ લીધો હતો અને તેમનાથી ખૂબ પ્રભાવિત થયા અને તે જ ઘડીએ રાસાયણિક ખાતરને તિલાંજલી આપી અને પ્રાકૃતિક ખેતીનો માર્ગ અપનાવ્યો.આ પણ વાંચોઃ Gujarat local body election result 2026: ખાડિયા વોર્ડમાં કોંગ્રેસની પેનલની જીત, રાહુલ ગાંધીએ અભિનંદન પાઠવ્યા!

Read Full Story arrow_forward

calendar_today April 29, 2026

Local body election Result 2026: ખાડિયામાં ઉમેદવારોની પસંદગી અંગે પાર્ટીએ મને પૂછ્યુ નહોતુ : પૂર્વ ધારાસભ્ય ભૂષણ ભટ્ટ

અમદાવાદનો ખાડિયા વોર્ડ 1972થી ભાજપનો ગઢ કહેવાય છે.અમદાવાદની 150થી વધુ બેઠકો પર જીત મેળવ્યા છતાં ભાજપના કપાળે કાળી ટીલી લાગી છે. શહેરમાં સૌથી જૂનો કહેવાતો ગઢ આ વખતે ભાજપે ગુમાવ્યો છે.ખાડિયા વોર્ડમાં આ વખતે કોંગ્રેસની પેનલનો વિજય થયો છે.શહેરમાં 48 વોર્ડમાં 192 બેઠકોમાંથી 162 બેઠકો આસપાસનું પરિણામ જાહેર થઈ ગયું છે.ભાજપને આટલી મોટી જીત મળી છતાં એક કાળી ટીલી લાગી ગઈ છે. ઉમેદવાર અંગે મને પૂછવામાં નથી આવ્યું ખાડિયાના દિગ્ગજ નેતા અને પૂર્વ ધારાસભ્ય ભૂષણ ભટ્ટે ભાજપની એક પણ સીટ નહીં આવતા રોષ ઠાલવ્યો છે. ભૂષણ ભટ્ટે કહ્યું હતું કે, ડેમોગ્રાફી બદલાતા તેની અસર મતદાન પર જોવા મળી છે. કોંગ્રેસના ઇમરાન ખેડાવાલાએ અપ પ્રચાર કર્યો હતો. વોટ નહીં આપો તો નામ કમી થઈ જશે તેવી વાતો કરી હતી. બીજી તરફ અમારા શિર્ષ નેતૃત્વ તરફથી ઉમેદવાર અંગે મને પૂછવામાં નથી આવ્યું. ચૂંટણી દરમિયાન મને અને મારા પરિવારને બદનામ કરાયો છે. મારે કોઈના નામમાં નથી પડવું.પૈસા કે ગેરકાયદે બાંધકામ સાબિત કરો તો રાજકારણ છોડી દઈશ. આ વખતે પાર્ટીએ ઉમેદવારોની પસંદગીમાં થાપ ખાધી છે. ખાડિયા વોર્ડ 1972થી ભાજપનો ગઢ કહેવાય છે અમદાવાદનો ખાડિયા વોર્ડ 1972થી ભાજપનો ગઢ કહેવાય છે. અમદાવાદની 150થી વધુ બેઠકો પર જીત મેળવ્યા છતાં ભાજપના કપાળે કાળી ટીલી લાગી છે. શહેરમાં સૌથી જૂનો કહેવાતો ગઢ આ વખતે ભાજપે ગુમાવ્યો છે. ખાડિયા વોર્ડમાં આ વખતે કોંગ્રેસની પેનલનો વિજય થયો છે. આ ઉપરાંત શહેરના અન્ય વોર્ડમાં પણ કોંગ્રેસની જીત થઈ છે. લાંભા, અમરાઈવાડી, ચાંદખેડા સહિતના વિસ્તારોમાં ભાજપને ફાયદો થયો છે.જ્યારે કોંગ્રેસને બાપુનગર, દરિયાપુર, ખાડિયા, જમાલપુર અને મક્તમપુરામાં ફાયદો થયો છે. વર્ષ 2021 માં ભાજપ ને 159 , કોંગ્રેસ ને 24 , 7 AIMIM અને 1 સીટ હતી અપક્ષ ના ફાળે હતી. આ વખતે કોંગ્રેસનો આંક 35 આસપાસ રહેવાની શક્યતાઓ છે. આ પણ વાંચોઃ Gujarat Local Body Election Results 2026: અમદાવાદમાં ભાજપે સૌથી જૂનો ગઢ ગુમાવ્યો, ખાડિયામાં કોંગ્રેસની પેનલ જીતી

Read Full Story arrow_forward