Gujarat Weather News: અંબાલાલ પટેલે ગરમીમાં રાહત મળે તેવા સંકેતો આપ્યા, આજથી ધીમે ધીમે તાપમાન ઘટશે
ગુજરાતમાં ગરમીનું પ્રમાણ સતત વધી રહ્યું છે. ઉત્તર પશ્ચિમના ગરમ પવનો ફૂંકાતા ગરમી વધી રહી છે. હવામાન વિભાગે આજે 43થી 44 ડિગ્રી ગરમીની આગાહી કરી છે. ગાંધીનગર, અમરેલી અને સુરેન્દ્રનગરમાં 42 ડિગ્રી ગરમી નોંધાઈ છે. જ્યારે ડીસા, કંડલા અને વડોદરામાં 41 ડિગ્રી ગરમી નોંધાઈ છે. ભુજમાં 40 અને ભાવનગરમાં 39 ડિગ્રી તાપમાન નોંધાયું છે. ત્યારે હવામાન નિષ્ણાંત અંબાલાલ પટેલે ગરમીથી રાહતના સંકેતો આપ્યા છે. હવામાન નિષ્ણાંત અંબાલાલ પટેલની આગાહી હવામાન નિષ્ણાંત અંબાલાલ પટેલે ગુજરાતમાં કાળઝાળ ગરમીમાંથી રાહત મળે તેવા સંકેતો આપ્યા છે. તેમણે મે મહિનામાં ફરી તાપમાનમાં વધારો થાય તેવી શક્યતાઓ પણ વ્યક્ત કરી છે. ગુજરાતમાં ગરમીને કારણે જનજીવન પર અસર જોવા મળી રહી છે. પરંતુ હવે ધીમે ધીમે તાપમાનમાં પણ ઘટાડો થાય તેવી શક્યતાઓ છે. મધ્ય અને ઉત્તર ગુજરાતમાં હાલ 40થી 41 ડિગ્રી સુધી તાપમાન નોંધાઈ રહ્યું છે. કચ્છ અને સૌરાષ્ટ્રના કેટલાક વિસ્તારોમાં પણ ગરમીમાં ઘટાડો થશે. આઠમી મે બાદ ફરી તાપમાન વધી શકે છે. મે મહિનામાં રાજ્યના કેટલાક વિસ્તારોમાં તાપમાન 45 ડિગ્રી સુધી જઈ શકે છે. રાજકોટમાં ગરમીનું યલો એલર્ટ બીજી તરફ રાજકોટ મનપા દ્વારા શહેરમાં ગરમીનું એલર્ટ આપવામાં આવ્યું છે. શહેરમાં ગરમીનું યલો એલર્ટ આપવામાં આવ્યું છે. ગરમીનો પારો 45 ડિગ્રી સુધી પહોંચવાની શક્યતાઓ છે. આગામી ચાર દિવસ આકરી ગરમીની શક્યતાઓ છે. બપોરે કામ વિના બહાર નહીં નિકળવા અપીલ કરવામાં આવી છે. ગઈકાલે મંગળવારે અમદાવાદમાં ગરમીનો પારો 43.2 ડિગ્રીએ પહોંચ્યો હતો. જ્યારે 43.6 ડિગ્રી સાથે રાજકોટ ગુજરાતનું સૌથી ગરમ શહેર બન્યું હતું. અમદાવાદ શહેરમાં તાપમાનનો પારો સતત ઊંચો જઈ રહ્યો છે.આગામી દિવસોમાં અમદાવાદના તાપમાનમાં કોઈ ફેરફાર થાય તેવી શક્યતાઓ નથી. બીજી તરફ સૌરાષ્ટ્રમાં પણ તાપમાન 40 ડિગ્રી વટાવી જતાં લોકો બરાબરના શેકાયા હતાં. આ પણ વાંચોઃ Gujarat local body election result 2026: ખાડિયા વોર્ડમાં કોંગ્રેસની પેનલની જીત, રાહુલ ગાંધીએ અભિનંદન પાઠવ્યા!
Read Full Story arrow_forward
