Community News & Updates

Stay informed with the latest happenings, achievements, and announcements from our community.

All News

calendar_today April 28, 2026

Gujarat Local Body Election Results 2026: અરવલ્લીમાં પૂર્વ IPS મનોજ નિનામાની પરાજય, સાબરકાંઠા-પંચમહાલમાં ભાજપનો દબદબો

ગુજરાતમાં યોજાયેલી સ્થાનિક સ્વરાજ્યની ચૂંટણીઓના પરિણામોમાં અનેક રસપ્રદ કિસ્સાઓ સામે આવ્યા છે. ખાસ કરીને અરવલ્લી જિલ્લામાં એક દિગ્ગજ ચહેરાની હાર ચર્ચાનું કેન્દ્ર બની છે, જ્યારે પંચમહાલ અને સાબરકાંઠામાં સત્તાધારી પક્ષ ભાજપે પોતાની પકડ મજબૂત રાખી છે. બીજી તરફ નર્મદા જિલ્લામાં ત્રિપાંખિયા જંગના એંધાણ દેખાઈ રહ્યા છે.અરવલ્લી: પૂર્વ IPS અધિકારીની આઘાતજનક હાર અરવલ્લી જિલ્લામાં આ વખતની ચૂંટણીમાં સૌથી મોટો ઉલટફેર શામળાજીની ઓડ જિલ્લા પંચાયત બેઠક પર જોવા મળ્યો છે. અહીં ભાજપે પૂર્વ IPS અધિકારી મનોજ નિનામાને મેદાનમાં ઉતાર્યા હતા, પરંતુ તેમને કારમી હારનો સામનો કરવો પડ્યો છે. કોંગ્રેસના ઉમેદવાર સુરેશ નિનામાએ ૨૭૪૪ મતોની જંગી સરસાઈથી પૂર્વ IPSને હરાવીને આ બેઠક કોંગ્રેસના ફાળે કરી છે. આ જીત કોંગ્રેસ માટે મનોબળ વધારનારી સાબિત થઈ છે. સાબરકાંઠા: હિંમતનગરમાં ભાજપ અને ગ્રામીણ વિસ્તારોમાં રસાકસી સાબરકાંઠા જિલ્લા પંચાયતની ૩૪ બેઠકોમાંથી અત્યાર સુધી ભાજપ ૦૭ અને કોંગ્રેસ ૦૨ બેઠકો પર વિજયી બન્યા છે. હિંમતનગર નગરપાલિકા: અહીં ભાજપે 44 માંથી 25 બેઠકો મેળવીને સ્પષ્ટ બહુમતી તરફ પ્રયાણ કર્યું છે, જેમાં વોર્ડ ૮ ની આખી પેનલનો વિજય થયો છે. પ્રાંતિજ તાલુકા પંચાયત: ૨૦ બેઠકો પૈકી ભાજપ 07 અને કોંગ્રેસ 05 બેઠકો પર જીત્યા છે, જ્યારે તાજપુર બેઠક પર કોંગ્રેસનો વિજય થયો છે. ખેડબ્રહ્મા અને તલોદ: ખેડબ્રહ્માની ઝાંઝવા પાણાઇ બેઠક ભાજપે કબજે કરી છે, જ્યારે તલોદની ગોરા બેઠક પર કોંગ્રેસે જીત મેળવી છે. પંચમહાલ અને નર્મદા: સત્તાના સમીકરણો પંચમહાલ જિલ્લા પંચાયતમાં ભાજપે ફરી એકવાર ભવ્ય જીત મેળવી છે. કુલ ૩૮ બેઠકોમાંથી અત્યાર સુધીમાં ૨૭ બેઠકો પર ભાજપના ઉમેદવારો વિજયી થતા પંચાયત પર ફરી ભગવો લહેરાયો છે. કોંગ્રેસ અને આપના અહીં હજુ સુધી સૂપડા સાફ રહ્યા છે. બીજી તરફ, નર્મદા જિલ્લામાં સ્થિતિ રસપ્રદ છે. તિલકવાડા તાલુકા પંચાયતની ૧૧ બેઠકોમાંથી ૦૯ પર ભાજપ અને ૦૨ પર કોંગ્રેસની જીત થઈ છે. જોકે, નર્મદા જિલ્લા પંચાયતની ૨૨ બેઠકોમાં અત્યાર સુધીના પરિણામ મુજબ આમ આદમી પાર્ટી (AAP) ૦૮ બેઠકો સાથે ભાજપ (૦૬ બેઠક) કરતા આગળ નીકળી છે, જે આદિવાસી બેલ્ટમાં બદલાતા રાજકીય પવન તરફ ઈશારો કરે છે. આ પણ વાંચોઃ Gujarat Local Body Election Results 2026: પોરબંદરમાં 18 માંથી 18 બેઠકો જીતીને ભાજપે વિપક્ષના સૂપડા સાફ કર્યા

Read Full Story arrow_forward

calendar_today April 28, 2026

Anant Ambaniનો મોટો નિર્ણય! કોલંબિયાના 80 હિપ્પોને મળશે નવું જીવન, જામનગરના વનતારામાં આપશે આજીવન આશરો

કોલંબિયાની મેગડાલેના નદીના પટમાં વસતા 80 હિપ્પોપોટેમસ પર તોળાઈ રહેલા મોતના સંકટને ટાળવા માટે રિલાયન્સ ઇન્ડસ્ટ્રીઝના એક્ઝિક્યુટિવ ડાયરેક્ટર અને વનતારાના સ્થાપક અનંત અંબાણી આગળ આવ્યા છે. કોલંબિયા સરકારે વધતી જતી સંખ્યા અને ઇકોસિસ્ટમને નુકસાનના નામે આ પ્રાણીઓને મારી નાખવાનો આદેશ આપ્યો છે. આ નિર્ણય સામે અનંત અંબાણીએ વૈજ્ઞાનિક અને માનવીય વિકલ્પ રજૂ કરતા જણાવ્યું છે કે, આ જીવંત પ્રાણીઓનો કોઈ વાંક નથી, તેથી તેમને બચાવવા એ આપણી નૈતિક જવાબદારી છે. જામનગરના વનતારામાં આજીવન આશ્રયની ઓફર અનંત અંબાણીએ કોલંબિયાના પર્યાવરણ મંત્રીને પત્ર લખીને આ 80 હિપ્પોને સુરક્ષિત રીતે પકડી, તેમનું સ્થળાંતર કરી ગુજરાતના જામનગરમાં આવેલા વનતારા કેન્દ્રમાં આજીવન સંભાળ પૂરી પાડવાનો પ્રસ્તાવ મૂક્યો છે. વનતારા વિશ્વનું સૌથી મોટું વન્યજીવ બચાવ અને સંરક્ષણ કેન્દ્ર છે, જ્યાં આ પ્રાણીઓને તેમના કુદરતી આવાસ જેવું જ વાતાવરણ પૂરું પાડવામાં આવશે. વનતારા આ સમગ્ર પ્રક્રિયા માટે જરૂરી તમામ નાણાકીય, વૈજ્ઞાનિક અને વહીવટી સહાય પૂરી પાડવા તૈયાર છે. કરુણા અને સુરક્ષા વચ્ચેનું સંતુલન પોતાની દરખાસ્તમાં અનંત અંબાણીએ સ્પષ્ટ કર્યું છે કે કરુણા અને જાહેર સુરક્ષા વિરોધી નથી. યોગ્ય આયોજન અને વિજ્ઞાનના ઉપયોગથી નદી કિનારાના સમુદાયોનું રક્ષણ કરવાની સાથે આ મૂંગા જીવોનો જીવ પણ બચાવી શકાય છે. વનતારા પાસે વેટરનરી લીડરશિપ અને આંતરરાષ્ટ્રીય સ્તરના બાયો-સિક્યોરિટી પ્રોટોકોલ્સ ઉપલબ્ધ છે, જે કોલંબિયાની તમામ શરતોને આધીન રહીને કામ કરશે. આ પહેલ પ્રાણી કલ્યાણ પ્રત્યે તેમની વર્ષો જૂની પ્રતિબદ્ધતા દર્શાવે છે, જેના માટે તેમને 'ગ્લોબલ હ્યુમેન એવોર્ડ' પણ મળ્યો છે. હિપ્પોની સમસ્યા અને વનતારાની ભૂમિકા કોલંબિયામાં હિપ્પોની સંખ્યા 1980ના દાયકાથી સતત વધી રહી છે, જેને ત્યાં 'આક્રમક પ્રજાતિ' તરીકે જાહેર કરાઈ છે. વનતારાએ અપીલ કરી છે કે જ્યાં સુધી આ વૈકલ્પિક દરખાસ્તનું મૂલ્યાંકન ન થાય ત્યાં સુધી તેમને મારવાનો નિર્ણય મોકૂફ રાખવો જોઈએ. જો આ પ્રસ્તાવ સ્વીકારવામાં આવે, તો ભારત વન્યજીવ સંરક્ષણના ક્ષેત્રમાં વૈશ્વિક સ્તરે નેતૃત્વ પૂરું પાડશે. આ સમગ્ર પ્રક્રિયા ભારત અને કોલંબિયા સરકાર તેમજ આંતરરાષ્ટ્રીય સત્તાવાળાઓની મંજૂરી બાદ જ હાથ ધરવામાં આવશે. આ પણ વાંચો- Cricket Retirement : 30 વર્ષના ખેલાડીએ મજબૂરીમાં કરી સંન્યાસની જાહેરાત, એક ઈજાએ ખતમ કરી નાખ્યું આખું કરિયર

Read Full Story arrow_forward

calendar_today April 28, 2026

Gujarat Local Body Election Results 2026: ભાજપ અને કોંગ્રેસના આ દિગ્ગજ નેતાઓ કેમ હારી ગયા

ગુજરાતમાં હાલમાં સ્થાનિક સ્વરાજ્યની સંસ્થાઓમાં ચૂંટણીની મતગણતરી ચાલી રહી છે. આ મતગણતરી દરમિયાન મોટા ઉલટફેર સામે આવી રહ્યાં છે. અમરેલીમાં દામનગરમાં મોટો અપસેટ સામે આવ્યો છે. દામનગરમાં વોર્ડ નંબર પાંચમાં આમ આદમી પાર્ટીના ચારેય ઉમેદવારો જીતી ગયાં છે. દામનગર નગરપાલિકામાં આમ આદમી પાર્ટી પાંચ બેઠકો પર જીત મેળવી છે.ગારિયાધાર તાલુકા પંચાયત બેઠકની વાત કરીએ તો ભાજપની છઠ્ઠી બેઠક પર જીત થઈ છે. પાટણમાં કોંગ્રેસે તાલુકા પંચાયતમાં સત્તા મેળવી છે. ત્યારે ભાજપ સહિતના પક્ષોના કદાવર નેતાઓની આ ચૂંટણીમાં કારમી હાર થઈ છે. ભાજપ અને કોંગ્રેસના કદાવર નેતાઓની હાર વડોદરામાં કોંગ્રેસના બાળુ સૂર્વે અને અમી રાવતનો કારમો પરાજય થયો છે. રાજકોટમાં કોંગ્રેસના ઉમેદવાર RJ આભા પણ હારી ગયાં છે. જ્યારે સુરતમાં મોટો અપસેટ સર્જાયો છે. સુરતમાં ગત ચૂંટણીમાં આમ આદમી પાર્ટીનું પરફોર્મન્સ ગજબનું હતું. જે આ વખતે નાલોશીભર્યું જોવા મળ્યું છે. સુરતના વોર્ડ નંબર ચારમાં ભાજપની પેનલનો વીજય થયો છે.જ્યારે આમ આદમી પાર્ટીના દિગ્ગજ નેતા મનોજ સોરઠિયાનો પરાજય થયો છે. ઓડ જિલ્લા પંચાયતમાં પૂર્વ IPS મનોજ નિનામાની પણ હાર થઈ છે. રવિન્દ્ર જાડેજાના બહેન નયના બા જાડેજાની હાર રાજકોટમાં ક્રિકેટર રવિન્દ્ર જાડેજાના બહેન નયના બા જાડેજાની હાર થઈ છે. લાઠી તાલુકાની ચાવંડ બેઠક પર માયાભાઈ આહિરના પુત્રી સોનલબેન ડેરનો પરાજય થયો છે. જૂનાગઢ જિલ્લા પંચાયતમાં પણ મોટો અપસેટ સર્જાયો છે.આમ આદમી પાર્ટીના પૂર્વ ધારાસભ્ય અને બાદમાં ભાજપમાં ગયેલા ભૂપત ભાયાણીની હાર થઈ છે. સુરતના વિપક્ષના નેતા પાયલ સાકરિયાનો પણ પરાજય થયો છે. રાજકોટમાં પણ કોંગ્રેસના વશરામ સાગઠિયાની હાર થઈ છે.  આ પણ વાંચોઃ Gujarat Local Body Election Results 2026: પાટણ તાલુકા પંચાયતમાં કોંગ્રેસનો પંજો ભાજપ પર ભારે પડ્યો

Read Full Story arrow_forward