Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 27 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
કચ્છ જિલ્લામાં સ્થાનિક સ્વરાજ્યની સંસ્થાઓની ચૂંટણીનો ધમધમાટ હવે તેના નિર્ણાયક તબક્કે પહોંચ્યો છે. આવતીકાલે એટલે કે મંગળવારે કચ્છની કુલ 422 બેઠકો માટે મતગણતરી હાથ ધરવામાં આવશે. જિલ્લા પંચાયત, પાંચ નગરપાલિકાઓ, નવ તાલુકા પંચાયતો અને ગાંધીધામ મહાનગરપાલિકાની બેઠકો પર ચૂંટણી લડી રહેલા કુલ 1065 ઉમેદવારોનું રાજકીય ભાવિ આવતીકાલે સ્પષ્ટ થશે.ચુસ્ત સુરક્ષા વચ્ચે તૈયારીઓ પૂર્ણ વહીવટી તંત્ર દ્વારા મતગણતરીને લઈ તમામ તૈયારીઓ આખરી ઓપ આપી દેવામાં આવ્યો છે. કચ્છ જિલ્લામાં યોજાયેલા મતદાન દરમિયાન સરેરાશ 60 ટકા જેટલું મતદાન નોંધાયું હતું, જે દર્શાવે છે કે મતદારોએ મિશ્ર પ્રતિસાદ આપ્યો છે. તમામ મતગણતરી કેન્દ્રો પર ત્રિસ્તરીય સુરક્ષા બંદોબસ્ત ગોઠવી દેવામાં આવ્યો છે અને સીસીટીવી કેમેરા દ્વારા સતત મોનિટરિંગ કરવામાં આવશે. ભાજપ-કોંગ્રેસના પોતપોતાના દાવા ચૂંટણીના પરિણામો પહેલા જ રાજકીય માહોલ ગરમાયો છે. ભાજપે પોતાની સત્તા જાળવી રાખવાનો અને 'પુનરાવર્તન'નો વિશ્વાસ વ્યક્ત કર્યો છે, જ્યારે બીજી તરફ કોંગ્રેસ અને અન્ય પક્ષો 'પરિવર્તન'ની લહેર હોવાના દાવા કરી રહ્યા છે. ખાસ કરીને ગાંધીધામ મનપા અને જિલ્લા પંચાયતની બેઠકો પર રસાકસીભર્યો જંગ જોવા મળી શકે છે. ઈવીએમ મશીનો પર સહુની નજર ઉમેદવારોના સમર્થકો અને રાજકીય વિશ્લેષકોની નજર હવે ઈવીએમ મશીનો ખુલવા પર ટકેલી છે. શું કચ્છની જનતા ફરી જૂના જોગીઓ પર પસંદગી ઉતારશે કે પછી નવા ચહેરાઓને સત્તાની ચાવી સોંપશે? આ સવાલનો જવાબ આવતીકાલે બપોર સુધીમાં સ્પષ્ટ થઈ જશે. આ પણ વાંચો---- Bharuch : ઝઘડિયા GIDC આગ દુર્ઘટનામાં કામદારનું મોત, ચૈતર વસાવા અને મૃતકના પરિવારજન વચ્ચે સામ સામે લાફાવાળી
Read Full Story arrow_forward
જૂનાગઢ જિલ્લાના કેશોદ શહેરના ધમધમતા એવા ચાર ચોક વિસ્તારમાં આજે અચાનક આગ લાગતા અફરાતફરીનો માહોલ સર્જાયો હતો. અહીં આવેલી 'શિવ ટ્રેડર્સ' નામની કલરની દુકાનમાં અચાનક આગ ફાટી નીકળી હતી. દુકાનમાં રહેલા જ્વલનશીલ કલર અને કેમિકલના જથ્થાને કારણે આગે જોતજોતામાં વિકરાળ સ્વરૂપ ધારણ કરી લીધું હતું અને આખી દુકાન આગની લપેટમાં આવી ગઈ હતી.કેમિકલના કારણે આગ પ્રસરી, અન્ય બે દુકાનોને પણ નુકસાન કલરની દુકાનમાં રહેલા કેમિકલને કારણે આગ એટલી ભયાનક હતી કે તેની ઝાળ આજુબાજુની અન્ય બે દુકાનો સુધી પણ પહોંચી હતી. આ ભીષણ આગમાં શિવ ટ્રેડર્સમાં રહેલો લાખો રૂપિયાની કિંમતનો કલર અને કેમિકલનો સામાન બળીને ખાખ થઈ ગયો છે. આગની જ્વાળાઓ અને ધુમાડાના ગોટા દૂર-દૂર સુધી જોવા મળ્યા હતા, જેના કારણે રસ્તે ચાલતા લોકોમાં પણ ભયનો માહોલ જોવા મળ્યો હતો. ફાયર બ્રિગેડની કામગીરી અને પરિસ્થિતિ પર કાબૂ ઘટનાની જાણ થતા જ કેશોદ ફાયર બ્રિગેડની ટીમ તાત્કાલિક ઘટનાસ્થળે દોડી આવી હતી. ફાયર ફાઈટરોએ ભારે જહેમત બાદ પાણીનો મારો ચલાવી આગને વધુ પ્રસરી જતી અટકાવી હતી અને તેના પર કાબૂ મેળવ્યો હતો. સદનસીબે આ ઘટનામાં કોઈ જાનહાનિ થઈ નથી, પરંતુ વેપારીને મોટા પાયે આર્થિક નુકસાન વેઠવાનો વારો આવ્યો છે. આગ કયા કારણે લાગી તે અંગેની તપાસ હાલ હાથ ધરવામાં આવી છે. આ પણ વાંચો - Junagadh: તોરણીયા ગામના સરપંચે પકડ્યું ગેરકાયદે સિંહ દર્શનનું રેકેટ, વન વિભાગના કર્મચારીના ભાઈની સંડોવણીથી વનપ્રેમીઓમાં રોષ
Read Full Story arrow_forward