Community News & Updates

Stay informed with the latest happenings, achievements, and announcements from our community.

All News

calendar_today April 27, 2026

Ahmedabad News: વિરમગામના વડગાસ ગામે સગાઈ કરવા બાબતે બબાલ, એક જ પરિવારના પાંચ સભ્યો પર હુમલો

અમદાવાદ જિલ્લાના વિરમગામ તાલુકાના વડગાસ ગામે એક ચોંકાવનારી ઘટના સામે આવી છે. અહીં એક યુવકનું સગપણ કરાવવા જેવી સામાન્ય બાબતે બે પક્ષો વચ્ચે ઉગ્ર બોલાચાલી થઈ હતી. જોતજોતામાં આ વિવાદ એટલો વકર્યો કે, એક પક્ષે બીજા પક્ષના પરિવાર પર હિંસક હુમલો કરી દીધો હતો. આ ઘટનાને પગલે ગામમાં ભારે અફરાતફરી મચી ગઈ હતી.લાકડી, પાઈપ અને ધોકા વડે પરિવારને નિશાન બનાવ્યો હુમલાખોરો પૂરેપૂરા આયોજન સાથે તૂટી પડ્યા હોય તેમ લાકડીઓ, લોખંડની પાઈપો અને ધોકા જેવા ઘાતક હથિયારો લઈને આવ્યા હતા. હુમલાખોરોએ પરિવારના સભ્યોને બેફામ માર મારતા લોહીલુહાણ કરી દીધા હતા. આ હિંસક અથડામણમાં પરિવારના કુલ પાંચ સભ્યોને ગંભીર ઈજાઓ પહોંચી છે. હુમલા પાછળ જૂની અદાવત કે તાત્કાલિક ઉશ્કેરાટ જવાબદાર છે તે દિશામાં પોલીસે તપાસ હાથ ધરી છે. ઈજાગ્રસ્તોને તાત્કાલિક હોસ્પિટલ ખસેડાયા ઘટનાની જાણ થતા જ આસપાસના લોકો દોડી આવ્યા હતા અને લોહીલુહાણ હાલતમાં પાંચેય ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે. હાલ હોસ્પિટલમાં ઈજાગ્રસ્તોની સારવાર ચાલી રહી છે, જે પૈકી અમુકની હાલત નાજુક હોવાનું જાણવા મળી રહ્યું છે. વિરમગામ પોલીસે આ મામલે ગુનો નોંધી હુમલાખોરોને ઝડપી પાડવા ચક્રો ગતિમાન કર્યા છે. આ પણ વાંચો - Banaskantha News: લાખાણીમાં વીજપોલ સાથે ટકરાયું ટ્રેક્ટર, બે સગા ભાઈઓના કરુણ મોતથી પંથકમાં અરેરાટી

Read Full Story arrow_forward

calendar_today April 27, 2026

Ahmedabad News: સોલા સિવિલમાં હિટસ્ટ્રોકના દર્દીઓ વધ્યા, રોજના 8થી 10 કેસ નોંધાય છે

અમદાવાદમાં ગરમીનું પ્રમાણ સતત વધી રહ્યું છે. આગ ઝરતી ગરમીને કારણે લોકો ત્રાહિમામ પોકારી ઉઠ્યા છે. શહેરમાં 44 ડિગ્રીથી વધુ તાપમાન નોંધાતા લોકોના સ્વાસ્થ્ય પર અસર થવા પામી છે. ગરમીમાં હિટ સ્ટ્રોક અને લૂ લાગવા સહિતના બનાવો સામે આવી રહ્યાં છે. આરોગ્ય તંત્ર દ્વારા હિટ સ્ટ્રોકના દર્દીઓ માટે અલાયદી વ્યવસ્થા પણ કરવામાં આવી છે. ગરમીને કારણે રોડ પર પસાર થતા વાહન ચાલકો પણ પરેશાન થયાં છે. સોલા સિવિલમાં હિટસ્ટ્રોકના દર્દીઓ વધ્યા શહેરની સોલા સિવિલ હોસ્પિટલના RMO ડૉ દેવાંગ શાહે જણાવ્યુ હતું કે, સોલા સિવિલમાં હિટ સ્ટ્રોકના દર્દીઓની સંખ્યામાં વધારો જોવા મળી રહ્યો છે. સોલા સિવિલમાં રોજ 8થી 10 જેટલા દર્દીઓ હિટ સ્ટ્રોકની સારવાર માટે આવી રહ્યાં છે. ગરમીને કારણે લોકોમાં ડિહાઈડ્રેશનનું પ્રમાણ પણ વધી રહ્યું છે. ઉલ્લેખનીય છે કે, શહેરનું તાપમાન આજે 44 ડિગ્રીને પાર પહોંચતા અમદાવાદીઓ કાળઝાળ ગરમીમાં શેકાઈ રહ્યા છે. બપોરના સમયે રસ્તાઓ સુમસામ જોવા મળી રહ્યાં છે.આરોગ્ય વિભાગે કાળઝાળ ગરમીમાં બપોરના સમયે ઘરની બહાર નીકળવાનું ટાળવું જણાવ્યું છે. અમદાવાદમાં આજે ગરમીનું ઓરેન્જ એલર્ટ હવામાન વિભાગ દ્વારા અમદાવાદમાં આજે ગરમીનું ઓરેન્જ એલર્ટ આપવામાં આવ્યું છે. આજે અમદાવાદમાં 43.8 ડિગ્રી તાપમાન નોંધાયુ છે.આગામી 48 કલાક હિટવેવની અગાહી કરવામાં આવી છે.પશ્ચિમી અને ઉત્તર-પશ્ચિમી ગરમ પવનોને કારણે રાજ્યમાં ગરમીનું જોર વધ્યું છે. આગામી બે દિવસ સુધી ગરમીનો પારો ઊંચો રહેશે. આવતીકાલે સમગ્ર ગુજરાતમાં ગરમીનું યલો એલર્ટ અપાયું છે. આ પણ વાંચોઃ Gujarat Weather: આવતીકાલે સમગ્ર ગુજરાતમાં ગરમીનું યલો એલર્ટ, હિટવેવની ભયંકર આગાહી

Read Full Story arrow_forward

calendar_today April 27, 2026

વેઇટિંગ ટિકિટનું ટેન્શન ખતમ! જાણો GNWL, RLWL અને PQWL માંથી કઈ ટિકિટ સૌથી ઝડપથી કન્ફર્મ થાય છે

તમારી ટિકિટ કન્ફર્મ થશે કે નહીં તેનો સીધો આધાર તમે કયા ક્વોટા હેઠળ ટિકિટ બુક કરી છે તેના પર રહેલો છે. સૌથી વધુ પ્રાથમિકતા RAC અને GNWL રેલ્વેમાં સૌથી પહેલા RAC (Reservation Against Cancellation) ટિકિટ ધારકોને બેસવા માટે અડધી સીટ ફાળવવામાં આવે છે, જે મુસાફરીની ખાતરી આપે છે. ત્યારબાદ, વેઇટિંગ લિસ્ટમાં GNWL (General Waiting List) ને સૌથી વધુ મહત્વ આપવામાં આવે છે. આ યાદી તે મુસાફરો માટે હોય છે જેઓ ટ્રેનના રૂટના મુખ્ય મથક અથવા શરૂઆતના સ્ટેશનથી મુસાફરી શરૂ કરે છે. જ્યારે પણ કોઈ કન્ફર્મ ટિકિટ કેન્સલ થાય, ત્યારે સિસ્ટમ સૌથી પહેલા GNWL ના મુસાફરોને સીટ ફાળવે છે, જેના કારણે તેમાં કન્ફર્મેશનના ચાન્સ 80 થી 90 ટકા જેટલા સૌથી વધુ હોય છે. મધ્યવર્તી સ્ટેશનો માટે RLWL અને PQWL જો તમે ટ્રેનના રૂટના વચ્ચેના કોઈ મહત્વના સ્ટેશનથી મુસાફરી કરવાના હોવ, તો તમને RLWL (Remote Location Waiting List) મળે છે. આ ક્વોટામાં સીટોની સંખ્યા મર્યાદિત હોવાથી તેનું કન્ફર્મેશન GNWL જેટલું ઝડપી હોતું નથી. બીજી તરફ, PQWL (Pooled Quota Waiting List) સામાન્ય રીતે ટૂંકા અંતરના મુસાફરો અથવા નાના સ્ટેશનો માટે હોય છે. આ લિસ્ટમાં ટિકિટ ત્યારે જ કન્ફર્મ થાય છે જ્યારે તે ચોક્કસ પૂલ (જૂથ) માંથી કોઈ ટિકિટ રદ થાય, તેથી તેમાં જોખમ વધુ અને કન્ફર્મેશનની શક્યતા માત્ર 20 થી 30 ટકા હોય છે. તત્કાલ અને અન્ય વેઇટિંગ લિસ્ટનું જોખમ TQWL (Tatkal Waiting List) એ છેલ્લી ઘડીએ મુસાફરી કરનારાઓ માટે હોય છે. આ લિસ્ટમાં કન્ફર્મેશનની શક્યતા નહિવત્ હોય છે કારણ કે જો કોઈ તત્કાલ કન્ફર્મ ટિકિટ કેન્સલ કરાવે તો જ આ ટિકિટ કન્ફર્મ થાય છે. આમાં કોઈ 'સીટ શેરિંગ' (RAC) જેવી સુવિધા મળતી નથી. તેવી જ રીતે, RSWL (Roadside Station Waiting List) માં પણ કન્ફર્મેશનના ચાન્સ ખૂબ ઓછા હોય છે કારણ કે તે ટ્રેન શરૂ થતા સ્ટેશનની નજીકના નાના સ્ટેશનો માટે ફાળવવામાં આવે છે. જો ચાર્ટ બનવા સુધી આ ટિકિટો વેઇટિંગમાં રહે, તો તે આપોઆપ રદ થઈ શકે છે. આ પણ વાંચો : Train મુસાફરી પહેલાં વાંચી લો આ નિયમ, સામાન વધારે હશે તો ભરવો પડશે મોટો દંડ, જાણો દરેક કોચની લિમિટ

Read Full Story arrow_forward