Gujarat Local body election 2026 : કેશોદમાં મતદાન પૂર્વે ભાજપનો આંતરિક ડખો સપાટી પર, જૂની અદાવતમાં કાર્યકરો વચ્ચે ખેલાયો ખૂની ખેલ
રાજ્યમાં આજે જ્યારે સ્થાનિક સ્વરાજ્યની ચૂંટણીનું મતદાન ચાલી રહ્યું છે, ત્યારે જૂનાગઢના કેશોદમાં ભાજપનો આંતરિક જૂથવાદ લોહિયાળ સ્વરૂપે બહાર આવ્યો છે. શહેરના વોર્ડ નંબર 9 માં સમાવિષ્ટ ઇન્દિરાનગર વિસ્તારમાં ભાજપના જ બે જૂથો વચ્ચે ઉગ્ર મારામારીની ઘટના બની છે, જેમાં 3 લોકોને ઇજા પહોંચી છે.જૂની અદાવત બની કારણમળતી માહિતી મુજબ, વોર્ડ નંબર 9 ના ભાજપના કાર્યકરો વચ્ચે લાંબા સમયથી જૂની અદાવત ચાલી રહી હતી. આજે મતદાનના પવિત્ર દિવસે જ આ અદાવતે ઉગ્ર સ્વરૂપ ધારણ કર્યું હતું. બંને જૂથોના કાર્યકરો લાકડીઓ અને બોથડ પદાર્થો સાથે એકબીજા પર તૂટી પડ્યા હતા. આ અથડામણમાં 3 કાર્યકરોને ગંભીર ઇજાઓ પહોંચતા તેમને તાત્કાલિક હોસ્પિટલમાં સારવાર અર્થે ખસેડવામાં આવ્યા છે.પોલીસ એક્શન મોડમાંઘટનાની જાણ થતા જ કેશોદ પોલીસનો કાફલો ઇન્દિરાનગર વિસ્તારમાં દોડી ગયો હતો અને સ્થિતિ પર કાબૂ મેળવ્યો હતો. મતદાન મથકની નજીક બનેલી આ ઘટનાને પગલે મતદારોમાં પણ ફફડાટ ફેલાયો હતો, જોકે પોલીસે ચુસ્ત બંદોબસ્ત ગોઠવીને મતદાન પ્રક્રિયા શાંતિપૂર્ણ રીતે ચાલુ રખાવી છે.આ પણ વાંચો: Gujarat Local body election 2026 : આજે સ્થાનિક સ્વરાજ્યની ચૂંટણીનું મતદાન, જનતા 25537 ઉમેદવારોમાંથી 9262ને ચૂંટશે
Read Full Story arrow_forward
