Community News & Updates

Stay informed with the latest happenings, achievements, and announcements from our community.

All News

calendar_today April 24, 2026

Ahmedabad News: શારદાબેન હોસ્પિટલ પાસે બુટલેગરો બન્યા બેફામ, ખંડેરમાં ચાલતા દારૂના અડ્ડાનો વીડિયો વાયરલ, એકની ધરપકડ

અમદાવાદમાં આગામી સ્થાનિક સ્વરાજની ચૂંટણીઓને લઈને આચારસંહિતા અમલી છે. આવામાં બુટલેગરોમાં પોલીસનો જરા પણ ડર રહ્યો હોય તેમ લાગતું નથી. અમદાવાદના શહેરના શહેરકોટડા વિસ્તારમાં ધોળે દિવસે દારૂનું વેચાણ થઈ રહ્યું હોવાનો એક વીડિયો સોશિયલ મીડિયામાં વાયરલ થયો છે, જેને પગલે પોલીસની કામગીરી પર ગંભીર સવાલો ઉભા થયા છે.શારદાબેન હોસ્પિટલ પાસે જ ચાલતો હતો કારોબાર લોકોની અવરજવરથી ધમધમતા શારદાબેન હોસ્પિટલ નજીક આવેલા એક ખંડેર મકાનને બુટલેગરોએ દારૂનો અડ્ડો બનાવી દીધો હતો. આ મકાનમાંથી વિદેશી દારૂની બોટલોનું વેચાણ થતું હોવાનો વીડિયો સામે આવ્યા બાદ સમગ્ર પંથકમાં ચર્ચા જાગી હતી. હોસ્પિટલ જેવી સંવેદનશીલ જગ્યા પાસે જ નશાનો કારોબાર ફૂલ્યો-ફાલ્યો હોવાનું સામે આવતા રહીશોમાં પણ રોષ જોવા મળ્યો હતો. વીડિયો વાયરલ થતા પોલીસ હરકતમાં દારૂ વેચાણનો વીડિયો સોશિયલ મીડિયા પર વાયરલ થતા જ શહેરકોટડા પોલીસ તાત્કાલિક એક્શન મોડમાં આવી હતી. પોલીસે બાતમીવાળા સ્થળે રેડ કરીને 29 વર્ષીય એક બુટલેગર શખ્સની ધરપકડ કરી છે. પોલીસ તપાસમાં આ સ્થળ પરથી વિદેશી દારૂની 52 બોટલ અને 4 બિયર ટીન મળી આવ્યા હતા, જે પોલીસે જપ્ત કર્યા છે. પોલીસની કામગીરી પર સવાલ ચૂંટણીના માહોલમાં જ્યારે ચેકિંગ અને સુરક્ષા વ્યવસ્થા કડક હોવાના દાવા કરવામાં આવે છે, ત્યારે હોસ્પિટલની નજીક જ આ પ્રકારે અડ્ડો ચાલતો હોવાથી સ્થાનિક પોલીસની રહેમનજર હોવાની ચર્ચાઓએ જોર પકડ્યું છે. હાલ પોલીસે આરોપી વિરૂદ્ધ ગુન્હો નોંધી આ નેટવર્કમાં અન્ય કેટલા લોકો સામેલ છે, તે દિશામાં તપાસ હાથ ધરી છે. આ પણ વાંચો - Ahmedabad: બાપુનગર વિસ્તારમાં SOGના દરોડા, 8 કિલો ગાંજા સાથે બે આરોપીઓની ધરપકડ

Read Full Story arrow_forward

calendar_today April 24, 2026

PM Modi Boat Ride: મને તો 5 મિનિટ પહેલા જ... ઇફ્તિખાર અહમદની હોડીમાં બેસીને PMએ કર્યું ફોટોશૂટ

પશ્ચિમ બંગાળની 152 બેઠકો માટે મતદાન ગુરુવારે (૨૩ એપ્રિલ) થયું હતું. મતદાન બાદ, પીએમ નરેન્દ્ર મોદી શુક્રવારે ગંગા કિનારે પહોંચ્યા. હુગલી નદીમાં નૌકાવિહાર કરીને તેમણે ઘણા હોડી ચાલકો સાથે વાતચીત કરી. વધુમાં, પીએમ મોદીએ પોતે ફોટોગ્રાફીમાં વ્યસ્ત રહ્યા. પીએમ મોદીના પ્રવાસ માટે તેમની બોટ ભાડે આપનાર હોડી ચાલકની પ્રતિક્રિયા હવે સામે આવી છે. હોડી ચાલકે પીએમ મોદી સાથે મુલાકાત બાદ શું કહ્યું ? પીએમ મોદીની હુગલી ઘાટની મુલાકાત દરમિયાન, મોહમ્મદ ઇફ્તિખાર અહેમદ પાસેથી બોટ ભાડે લેવામાં આવી હતી. સમાચાર એજન્સી ANI સાથે વાત કરતા, બોટના માલિક ઇફ્તિખાર અહેમદે જણાવ્યું કે તે સવારે એક સ્થાનિક કાર્યકર દ્વારા તેમની સાત બોટની વિનંતી કરવામાં આવી હતી. જ્યારે તેમણે પૂછ્યું કે શું તે VIP લોકો માટે છે, ત્યારે વ્યક્તિએ ફક્ત જવાબ આપ્યો કે કોઇ ખાસ વાત નથી. પીએમ મોદીએ ઇફ્તિખાર અહેમદને શું કહ્યું ? મોહમ્મદ ઇફ્તિખારે કહ્યુ કે તેમની વિનંતીના થોડા સમય પછી જ મે મારી હોડી લાવીને ઉભી રાખી. તે પણ પીએમ મોદી આવ્યાના 5 મિનિટ પહેલા જ.  ત્યારે જ તેમને પ્રધાનમંત્રીની મુલાકાતની જાણ કરવામાં આવી. સવારની સફર પછી પ્રધાનમંત્રી મોદી ઘાટ પર પહોંચ્યા અને મારી હોડીમાં બેઠા. પ્રધાનમંત્રીએ તેમને કહ્યું કે બધાએ એકતા અને સુમેળમાં સાથે રહેવું જોઈએ. PM હાવડા બ્રિજ પર નજર કરી તેમની હોડી સવારી દરમિયાન, PM મોદીએ હાવડા બ્રિજની પ્રશંસા કરી. 'X' (અગાઉ ટ્વિટર) પર પોસ્ટ કરીને, પ્રધાનમંત્રીએ પશ્ચિમ બંગાળ વિધાનસભા ચૂંટણીના સંદર્ભમાં આયોજિત હાવડાથી કોલકાતા સુધીના રોડ શો દરમિયાન ગયા દિવસે પુલ પર વિતાવેલા સમયની યાદ અપાવી. તેમણે લખ્યું, "ગઈકાલે સાંજે, હું હાવડાથી કોલકાતા સુધીના લાંબા રોડ શો દરમિયાન હાવડા બ્રિજ પર હતો; આજે સવારે, મેં તેને હુગલી નદીથી જોયુો. PM મોદીએ 'મા ગંગા' (માતા ગંગા) પ્રત્યે કૃતજ્ઞતા વ્યક્ત કરી. ગંગા નદીના મહત્વ પર પોતાના વિચારો શેર કરતા, તેમણે ટિપ્પણી કરી કે તે બંગાળના આત્મામાંથી વહે છે. ચૂંટણીના વાતાવરણ વચ્ચે, તેમણે પશ્ચિમ બંગાળના વિકાસ પ્રત્યેની તેમની પ્રતિબદ્ધતાનો પણ પુનરોચ્ચાર કર્યો. બોટ દ્વારા મુસાફરી કરતી વખતે વડા પ્રધાન મોદીએ 'X' પર ઘણા ફોટોગ્રાફ્સ શેર કર્યા અને ફોટોગ્રાફીનો પણ પ્રયાસ કર્યો. આ સમય દરમિયાન, તેમણે વિદ્યાસાગર સેતુ અને હાવડા બ્રિજની ઝલક પણ રજૂ કરી.

Read Full Story arrow_forward

calendar_today April 24, 2026

AAPનો સાથ છોડીને Raghav Chadha ભાજપમાં થયા સામેલ, કહ્યું આમ આદમી પાર્ટી ભ્રષ્ટ લોકોના હાથમાં

પીએમ મોદી અને ગૃહમંત્રી અમિત શાહના નેતૃત્વમાં, અમે હવે તેમને અડગ સમર્થન આપીશું તેમ પણ રાઘવ ચઢ્ઢાએ જણાવ્યુ હતુ.  'AAPના બે તૃતીયાંશ સાંસદ અમારી સાથે' રાઘવ ચઢ્ઢાએ આમ આદમી પાર્ટી છોડવાનો નિર્ણય જાહેર કર્યો છે. તેમણે કહ્યું કે આમ આદમી પાર્ટી ભ્રષ્ટ લોકોના હાથમાં છે. તેથી, હું AAPથી દૂર જઈ રહ્યો છું અને લોકોની વચ્ચે છું. અમે અહીં અમારી કારકિર્દી બનાવવા માટે નહીં, પરંતુ અમારી કારકિર્દી પાછળ છોડીને આવ્યા છીએ. રાઘવે વધુમાં કહ્યું હતુ કે, મેં મારી જાતને પાર્ટી પ્રવૃત્તિઓથી દૂર કરી દીધી કારણ કે, મારી પાસે બે વિકલ્પો હતા. કાં તો રાજકારણ છોડી દો અથવા મારો પોતાનો રસ્તો બનાવો. AAP જેને મેં મારા લોહી અને પરસેવાથી ઉછેરૂ હતી. આમ આદમી પાર્ટી માટે રાજકીય સંકટ પોતાના ભૂતપૂર્વ પક્ષ પર સીધો નિશાન સાધતા ચઢ્ઢાએ કહ્યું કે આમ આદમી પાર્ટી હવે તેના મૂળ સિદ્ધાંતોથી સંપૂર્ણપણે ભટકી ગઈ છે. ચઢ્ઢાએ દાવો કર્યો કે હરભજન સિંહ, સ્વાતિ માલીવાલ, વિક્રમજીત સહાની અને રાજેન્દ્ર ગુપ્તાએ પણ તેમની સાથે પાર્ટી છોડી દીધી છે. ભાજપમાં વિશ્વાસ વ્યક્ત કરતા રાઘવ ચઢ્ઢાએ કહ્યું, "હું ખોટા પક્ષમાં ફસાયેલો સાચો માણસ હતો. છેલ્લા 12 વર્ષોમાં, પીએમ મોદીના નેતૃત્વ હેઠળની સરકારે એવા બોલ્ડ નિર્ણયો લીધા છે જે અન્ય પક્ષો લેવાથી ડરતા હતા. દેશના લોકોએ આ નેતૃત્વમાં એક વાર નહીં, પરંતુ ત્રણ વાર અતૂટ વિશ્વાસ વ્યક્ત કર્યો છે. AAP ભ્રષ્ટાચારમાં ડૂબેલી પાર્ટી AAP પર આકરા પ્રહારો કરતા રાઘવ ચઢ્ઢાએ કહ્યું કે, ભ્રષ્ટાચાર મુક્ત ભારત બનાવવાના સંકલ્પ સાથે સ્થાપિત પાર્ટી હવે ભ્રષ્ટ અને સમાધાનકારી વ્યક્તિઓના હાથમાં છે. તેઓ ભાવુક થઈ ગયા, તેમણે કહ્યું કે તેમણે ચાર્ટર્ડ એકાઉન્ટન્ટ તરીકેની કારકિર્દી છોડીને પાર્ટીના સ્થાપક સભ્ય બન્યા હતા. ચઢ્ઢાના મતે, કટ્ટર દેશભક્તો અને રાષ્ટ્રની સેવા કરવા આવેલા લોકો હવે દુઃખમાં એક પછી એક AAP છોડી રહ્યા છે. આ પણ વાંચોઃ  ગરમી આવતાની સાથે બેચેન થયુ પાકિસ્તાન, પાણી માટે કરી રહ્યુ છે માગ

Read Full Story arrow_forward