Community News & Updates

Stay informed with the latest happenings, achievements, and announcements from our community.

All News

calendar_today April 24, 2026

Ahmedabad: બાપુનગર વિસ્તારમાં SOGના દરોડા, 8 કિલો ગાંજા સાથે બે આરોપીઓની ધરપકડ

શહેરમાં નશીલા પદાર્થોના વેચાણ અને હેરાફેરી સામે અમદાવાદ પોલીસ કમિશનરની સૂચનાથી સ્પેશિયલ ઓપરેશન ગ્રુપ (SOG) એક્શન મોડમાં આવ્યું છે. SOGની ટીમે બાપુનગર વિસ્તારમાં બાતમીના આધારે દરોડા પાડીને મોટા પ્રમાણમાં ગાંજાના જથ્થા સાથે બે આરોપીઓને ઝડપી પાડ્યા છે.ગાંજાના જથ્થા સાથે બે આરોપીઓને ઝડપી પાડ્યા SOGની ટીમે બાપુનગર સ્થિત મણીલાલ મથુરદાસની ચાલી અને સત્યમ ફ્લેટમાં ચોક્કસ બાતમીના આધારે દરોડા પાડ્યા હતા. આ કાર્યવાહી દરમિયાન પોલીસને 8 કિલો 142 ગ્રામ ગાંજો મળી આવ્યો હતો. આ આંતરરાષ્ટ્રીય બજારમાં ઝડપાયેલા માલની કિંમત અંદાજે ₹4,12,000 થી વધુ હોવાનું આંકવામાં આવ્યું છે.પોલીસે સ્થળ પરથી મોહંમદ તાહીર ભુરજી, કરણ કોકુલવાર  બે આરોપીઓની ધરપકડ કરી છે, આગામી કાર્યવાહીઝડપાયેલા બંને આરોપીઓ વિરુદ્ધ NDPS એક્ટ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. આ ગાંજાનો જથ્થો ક્યાંથી લાવવામાં આવ્યો હતો અને શહેરના અન્ય કયા વિસ્તારોમાં સપ્લાય કરવાનો હતો, તે દિશામાં SOG દ્વારા સઘન પૂછપરછ શરૂ કરવામાં આવી છે.આ પણ વાંચો: Surat: સારોલીમાં 3 વર્ષની માસૂમ બાળકી સાથે નરાધમે આચર્યું દુષ્કર્મ, પોલીસે ગણતરીના કલાકોમાં આરોપીને દબોચ્યો

Read Full Story arrow_forward

calendar_today April 24, 2026

Local body election: 210 સંવેદનશીલ બુથ પર 1500 પોલીસ કર્મીનો બંદોબસ્ત ગોઠવાશે : SP રવિ તેજા વાસમ શેટ્ટી

આજે સાંજના છ કલાકથી ઉમેદવારો-રાજકીય પક્ષોને જાહેરમાં પ્રચાર પડધમ શાંત કરવા પડશે.આ ચૂંટણીમાં મતદાન પહેલા જ 731 ઉમેદવારો બિનહરિફ જાહેર થયા છે. આજે સાંજે પ્રચાર પડધમ શાંત થઈ જશે.રવિવારે 9274 બેઠકો પર 25551 ઉમેદવારો વચ્ચે ચૂંટણી જંગ ખેલાશે.ત્યારે ગાંધીનગરમાં ચૂંટણીની તૈયારીઓ તેજ કરી દેવામાં આવી છે. સુરક્ષાને લઈને પોલીસનો ચૂસ્ત બંદોબસ્ત ગોઠવી દેવાશે. 210 સંવેદનશીલ મથક પર પોલીસ બંદોબસ્ત રહેશે. ગાંધીનગર SP રવિ તેજા વાસમ શેટ્ટીનું નિવેદન ગાંધીનગરના SP રવિ તેજા વાસમ શેટ્ટીએ કહ્યું હતું કે, આજે સાંજથી જ બંદોબસ્ત શરૂ થશે. શહેર અને જિલ્લામાં પોલીસની 57 વાન પેટ્રોલિંગમાં રહેશે. 8 DySP, LCB, SOG પણ ફરજ બજાવશે. વધારેમાં વધારે વોટિંગ થાય એવી અમારી વિનંતી છે. 210 સંવેદનશીલ મથક પર પોલીસ બંદોબસ્ત રહેશે. અલગ અલગ તાલુકામાં સ્ટ્રોંગ રૂમ બનાવ્યા છે.25 દિવસમાં 5 હજાર લોકોની અટકાયત કરાઈ છે. 1 હજાર હથિયાર ડિપોઝીટ કર્યા છે. 10 પાસા, 6 તડીપાર કરવાના કેસ કર્યા છે. આ પણ વાંચોઃ Local body election 2026: અમદાવાદમાં ભાજપનું વિરાટ શક્તિ પ્રદર્શન, CM ભૂપેન્દ્ર પટેલ અને પ્રદેશ અધ્યક્ષ જગદીશ વિશ્વકર્માનો મેગા રોડ શો

Read Full Story arrow_forward

calendar_today April 24, 2026

Local Body Elections 2026: સુરત AAPમાં મોટું ગાબડું, માંડવીના સથવાવ બેઠકના ઉમેદવાર રાજેશ ચૌધરીએ કેસરિયો ધારણ કર્યો

સુરત જિલ્લામાં સ્થાનિક સ્વરાજની ચૂંટણીના પડઘમ વચ્ચે આમ આદમી પાર્ટી (AAP) ને મસમોટો ફટકો પડ્યો છે. માંડવી તાલુકાની સથવાવ તાલુકા પંચાયત બેઠક પરના 'આપ' ના સત્તાવાર ઉમેદવાર રાજેશ ચૌધરીએ પક્ષ સાથે છેડો ફાડીને ભાજપનો સાથ પકડ્યો છે. આ ફેરફારથી રાજકીય સમીકરણોમાં મોટો ઉલટફેર જોવા મળી રહ્યો છે.જિલ્લા ભાજપ પ્રમુખની હાજરીમાં મેળવ્યો પ્રવેશ રાજેશ ચૌધરીએ સુરત જિલ્લા ભાજપ મધ્યસ્થ કાર્યાલય ખાતે પહોંચીને વિધિવત રીતે ભાજપમાં પ્રવેશ કર્યો હતો. સુરત જિલ્લા પ્રભારી ગૌતમ ગેઢીયા અને જિલ્લા ભાજપ પ્રમુખ ભરત રાઠોડે તેમને કેસરિયો ખેસ પહેરાવી પક્ષમાં આવકાર્યા હતા. ભાજપમાં જોડાયા બાદ રાજેશ ચૌધરીએ ભાજપના ઉમેદવારને પોતાનો સંપૂર્ણ ટેકો જાહેર કર્યો છે. સથવાવ બેઠક પર હવે સીધો જંગ આમ આદમી પાર્ટીના ઉમેદવારે મેદાન છોડીને ભાજપમાં પ્રવેશ કરતા હવે સથવાવ બેઠક પરનું ચિત્ર બદલાઈ ગયું છે. હવે આ બેઠક પર મુખ્યત્વે ભાજપ અને કોંગ્રેસ વચ્ચે સીધો જંગ જામશે. 'આપ' ના ઉમેદવારના ભાજપ પ્રવેશથી ભાજપની સ્થિતિ વધુ મજબૂત બની હોવાનું માનવામાં આવી રહ્યું છે. કાર્યકરોમાં અનેરો ઉત્સાહ ચૂંટણીના આરે જ વિપક્ષી ઉમેદવારનું પક્ષ પરિવર્તન ભાજપ માટે ફાયદાકારક સાબિત થઈ શકે છે. જિલ્લા ભાજપ મધ્યસ્થ કાર્યાલય પર રાજેશ ચૌધરીના પ્રવેશ સમયે મોટી સંખ્યામાં ભાજપના કાર્યકરો હાજર રહ્યા હતા અને જીતનો વિશ્વાસ વ્યક્ત કર્યો હતો. આજે સાંજે છ કલાકે ચૂંટણી પ્રચારના પડઘમ શાંત થશે, એ પહેલા રાજકીય પક્ષો એડીચોટીનું જોર લગાવીને મતદાતાઓને પોતાના પક્ષને મત આપવા માટે મનાવી રહ્યા છે. આ પણ વાંચો - Local Body Elections 2026: 'મત કે લીયે કુછ ભી કરેગા'! રાજકોટમાં કોંગ્રેસના ઉમેદવારો આવી રીતે કરી રહ્યા છે ચૂંટણી પ્રચાર

Read Full Story arrow_forward