Surat News: પાંડેસરાના પ્રમુખ પાર્ક પાસે આવેલી ખાનગી ફેક્ટરીમાં ભીષણ આગ, અફરાતફરીનો માહોલ
સુરત શહેરમાં આગ લાગવાની ઘટનાઓ અટકવાનું નામ નથી લઈ રહી. આજે સુરત શહેરના પાંડેસરા વિસ્તારમાં આવેલ પ્રમુખ પાર્ક પાસે એક ખાનગી ફેક્ટરીમાં અચાનક આગ ફાટી નીકળી હતી. ફેક્ટરીમાંથી ધુમાડાના ગોટેગોટા નીકળતા જોઈ આસપાસના વિસ્તારમાં ભયનો માહોલ ફેલાયો હતો, અને લોકોના ટોળેટોળા ઉમટી પડ્યા હતા.ફાયર વિભાગનો કાફલો ઘટના સ્થળે આગ લાગવાની જાણ સ્થાનિકો દ્વારા તાત્કાલિક ફાયર બ્રિગેડને કરવામાં આવી હતી. બનાવની ગંભીરતાને જોતા ફાયર વિભાગની ગાડીઓનો કાફલો તાત્કાલિક ઘટના સ્થળે દોડી આવ્યો હતો. ફાયરના જવાનોએ યુદ્ધના ધોરણે કામગીરી શરૂ કરી હતી અને ચારેય બાજુથી પાણીનો મારો ચલાવી આગને વધુ પ્રસરતી અટકાવવાના પ્રયાસો હાથ ધર્યા હતા. દોડધામ અને અફરાતફરી સર્જાઈ ફેક્ટરીમાં આગ લાગતા જ અંદર કામ કરતા કર્મચારીઓ અને આસપાસના રહીશોમાં ભારે દોડધામ મચી ગઈ હતી. સદનસીબે અત્યાર સુધી કોઈ જાનહાનિના સમાચાર મળ્યા નથી, પરંતુ ફેક્ટરીમાં રહેલો મોટા પ્રમાણમાં માલસામાન બળીને ખાખ થઈ ગયો હોવાની આશંકા છે. આગ લાગવાનું ચોક્કસ કારણ હજુ સુધી જાણી શકાયું નથી. આ પણ વાંચો - Ahmedabad: બાપુનગર વિસ્તારમાં SOGના દરોડા, 8 કિલો ગાંજા સાથે બે આરોપીઓની ધરપકડ
Read Full Story arrow_forward
