Community News & Updates

Stay informed with the latest happenings, achievements, and announcements from our community.

All News

calendar_today April 24, 2026

Chotila: તરણેતર અને સરા OPની ચોટીલા નાયબ ક્લેકટરે મુલાકાત લીદ્યી

થાન : થાનગઢના તરણેતર મુકામે આવેલ આઉટ પોલીસ સ્ટેશન અને મૂળી તાલુકાના સરા ગામમાં આવેલ આઉટ પોલીસ સ્ટેશનની ચોટીલા નાયબ કલેકટર એચ.ટી.મકવાણા દ્રારા મુલાકાત લેવામાં આવી હતી. જેમાં નાયબ કલેકટર દ્વારા બંને આઉટ પોલીસ સ્ટેશનના તાબામાં કેટલા ગામો આવે છે, સરકારી દારૂગોળાની ખાતરી, ગામોમાં હથિયાર પરવાનેદારોની ખાતરી અર્થે રજીસ્ટર, સમન્સ રજીસ્ટરની, હિસ્ટ્રીશટર રજીસ્ટર, આવક જાવક રજીસ્ટર અને પોલીસ આવાસ અંગે તપાસણી કરી સંબંધિત પોલીસ ઇન્સ્પેકટરઓને જરૂરી મુદ્દા અંગે નાયબ ક્લેક્ટર દ્વારા સુચનાઓ આપવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 24, 2026

Halvad: હળવદ તા. પં.ની 20 બેઠકો માટે ત્રિપાંખિયો જંગ

સ્થાનિક સ્વરાજ્યની ચૂંટણીમાં મતદાનને હવે ગણતરીના દિવસ બાકી રહ્યા છે. ઉમેદવારો મતદારોને રીઝવવા 40 ડિગ્રી તાપમાનનો સામનો કરી રહ્યા છે. ત્યારે હળવદ તાલુકા પંચાયતની વીસ બેઠકની વાત કરીએ તો હાલ આ બેઠક ઉપરના એક લાખથી વધુ મતદારો સાવ નિરસ જોવા મળી રહ્યા છે. બીજી તરફ્ ગત ટર્મમાં વીસમાંથી સતર બેઠક મેળવનાર ભાજપને આ ચૂંટણી જીતવા માટે કપરા ચડાણ હોવાનું જાણવા મળ્યું છે. જેમાં ખાસ ટિકિટ વહેચણી મુદ્દે ક્યાંક અસંતોષ હોવાનું અને સાથે સાથે અમુક સીટ ઉપર ત્રિપાંખિયો મુકાબલો બાજી પલટી શકે છે. સાથે તા. 26મી એપ્રિલે મતદાનના દિવસે 40 ડિગ્રીથી વધુ મહત્તમ તાપમાન રહેવાની આગાહીને પગલે ઓછું મતદાન પણ ભાજપની મુસીબત વધારી શકે તેવું રાજકીય પંડિતોનું માનવું છે. હળવદ તાલુકામાં આગામી 26 એપ્રિલના રોજ યોજાનારી તાલુકા અને જિલ્લા પંચાયતની ચૂંટણીમાં ભાજપ ઉમેદવારોની પસંદગી કરવામાં મહદ અંશે નો રીપીટની થિયરી અજમાવી છે. એમાંય નવા ચહેરા માટે પોતાની ઓળખ ઊભી કરવાનો પડકાર સામે આવ્યો છે. બીજી તરફ્ ગત ટર્મમાં વીસમાંથી માત્ર બે બેઠક મેળવનાર કોંગ્રેસે આ ચૂંટણીમાં અમુક સીટ ઉપર જ્ઞાતિના સમીકરણ મુજબ મજબૂત ઉમેદવારો ચૂંટણી જંગમાં ઉતાર્યા છે. જ્યારે આમ આદમી પાર્ટીએ પણ અમુક સીટ ઉપર મજબૂત પાટીદાર, કોળી ઠાકોર તેમજ રાજપૂત સમાજના ઉમેદવારોને ચૂંટણી જંગમાં ઉતાર્યા છે. બીજી તરફ્ ભાજપ એ જૂના અને ગત ટર્મની ચૂંટણીમાં વિજેતા ઉમેદવારોની ટિકિટ કાપી નવા ચહેરાને ટિકિટ આપવામાં આવતા ટિકિટ નહી મળનાર નારાજ કાર્યકરો પણ પાછલા બારણે કઈક નવાજુની કરી શકે તેવી ચર્ચાઓ પણ સાંભળવા મળી રહી છે. હાલમાં ચાલી રહેલી ગરમી અને ચૂંટણીના દિવસે હવામાન વિભાગની વધુ તાપમાનની આગાહી અને લગનગાળા સીઝનને કારણે જો ઓછુ મતદાન થાય તો તેની અસર પરિણામમાં પણ જોવા મળે તેવુ રાજકીય પંડીતોનુ કહેવુ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 24, 2026

Patan: પાટણમાં આનંદ સરોવરની વરસાદી કેનાલમાં ગંદું પાણી છોડાતાં રોષ

પાટણ શહેરમાં ચારેક વોર્ડ વિસ્તારોમાંથી પસાર થતી મુખ્ય વરસાદી કેનાલમાં નગરપાલિકાની બેદરકારીને કારણે ગંદું પાણી છોડાતું હોવાના આક્ષેપ સાથે સ્થાનિક રહીશોએ બળાપો વ્યક્ત કરી પાલીકા વિરુદ્ધ સહી ઝુંબેશનું રણશિંગું ફુંકી વિરોધ પ્રગટ કર્યો હતો. શહેરમાં વોર્ડ નંબર 5,6,7 અને 11 ના વિસ્તારમાંથી આનંદ સરોવરની વરસાદી કેનાલ પસાર થાય છે. જેમાં પાટણ નગરપાલિકાની બેદરકારીને કારણે વરસાદી કેનાલમાં ભુગર્ભ ગટરના દુષિત પાણી છોડવામાં આવતું હોવાથી લોકોના આરોગ્ય સામે ખતરાની ઘંટડી વાગવાની દહેશત સાથે સ્થાનિક રહીશોએ વિરોધ નોંધાવ્યો હતો. જેમાં રહિશોએ પોતપોતાની સહી કરીને પ્રદર્શન કર્યું હતું. શહેરમાં મધ્યમ વિસ્તારમાં આવેલ આનંદ સરોવર જ્યારે ઓવરફ્લો થાય છે ત્યારે શહેરની સોસાયટીઓમાં પાણી ન ભરાય તે માટે આ કેનાલ દ્વારા વરસાદી પાણી વસ્ત્ર્રાસર તળાવ સુધી પહોંચાડવામાં આવે છે. જેથી વરસાદી કેનાલમાં નગરપાલિકા દ્વારા ગટરના દુષિત પાણી ખુલ્લા છોડી દેવામાં આવતો હોવાનો આક્ષેપ થયો છે.જેને લઈ રાત્રીના સમયે અસહ્ય દુર્ગંધને કારણે લોકોને પોતાના ઘરોમાં રહેવું મુશ્કેલ બન્યું છે. કેનાલમાં ભરાતાં દુષિત પાણીને કારણે મચ્છરોનો ઉપદ્રવ વધ્યો છે. જેનાથી બીમારી ફેલાવવાની પણ દહેશત વ્યકત કરી હતી. રહિશોએ આક્ષેપ કર્યો હતો કે વારંવાર રજૂઆતો કરવા છતાં પણ અગાઉના સત્તાધીશો દ્વારા કોઈ નક્કર કામગીરી કરવામાં ન આવી હોવાનો બળાપો ઠાલવ્યો હતો.લિંક ટેક્સ્ટ: ગુજરાતના વધુ સમાચાર વાંચવા માટે ક્લિક કરો

Read Full Story arrow_forward