Mehsana: કલાપી હનુમાન મંદિર પાસે કાર્યક્રમ પૂર્ણ થયા બાદ પણ બેનરો યથાવત્
મહેસાણા શહેરના અત્યંત વ્યસ્ત ગણાતા રાધનપુર રોડ પર કલાપી હનુમાન દાદાના મંદિર પાસે ડિવાઈડર પર લગાવવામાં આવેલા પોસ્ટરો અને બેનરો હવે વાહનચાલકો માટે અવરોધ રૂપ બન્યા છે. ત્યાં થી પસાર થતા વાહનચાલકો દ્વારા કરવામાં આવેલી રજૂઆત મુજબ, આ પોસ્ટરોને કારણે રસ્તો ક્રોસ કરતી વખતે સામેથી આવતા વાહનો દેખાતા નથી,જે ગંભીર અકસ્માતને આમંત્રણ આપી રહ્યા છે. જ્યારે પ્રાપ્ત વિગતો અનુસાર, કલાપી હનુમાન મંદિર ખાતે આયોજિત કાર્યક્રમના પ્રચાર અર્થે આ પોસ્ટરો લગાવવામાં આવ્યા હતા. આ કાર્યક્રમ પૂર્ણ થયે આજે 20 જેટલા દિવસો વીતી ગયા હોવા છતાં, આયોજકો કે તંત્ર દ્વારા આ પોસ્ટરો દૂર કરવાની તસ્દી લેવામાં આવી નથી. લાંબા સમયથી લટકતા આ બેનરો હવે વાહનચાલકોની દૃષ્ટિને રોકી રહ્યા છે. ત્યારે સ્થાનિકોમાં ભારે રોષ જોવા મળી રહ્યો છે. લોકો સવાલ ઉઠાવી રહ્યા છે કે જો આ અવરોધક પોસ્ટરોને કારણે કોઈ નિર્દોષ વાહનચાલકનો અકસ્માત થશે અથવા કોઈનો જીવ જશે, તો તેની જવાબદારી કોણ લેશે? શું તંત્ર કોઈ મોટી હોનારતની રાહ જોઈ રહ્યું છે? રસ્તો ક્રોસ કરતી વખતે આ બેનરો એટલા મોટા છે કે નાના વાહનો કે રાહદારીઓ પાછળથી અચાનક સામે આવી જાય છે, જેના કારણે બ્રેક મારવી પણ મુશ્કેલ બની જાય છે.પાલિકા અને માર્ગ-મકાન વિભાગ દ્વારા શહેરમાં જાહેર માર્ગો કે ડિવાઈડર પર પરવાનગી વગર અથવા કાર્યક્રમ પૂર્ણ થયા બાદ પણ રાખવામાં આવેલા બિનજરૂરી બેનરો દૂર કરવાની જવાબદારી મહેસાણા મહાનગરપાલિકા અને માર્ગ-મકાન વિભાગ લોકોની સુરક્ષાને ધ્યાને રાખીને આ જોખમી પોસ્ટરો તાત્કાલિક દૂર કરે છે કે પછી કોઈ અકસ્માત થયા બાદ જ 'કુંભકર્ણ'ની નિદ્રામાંથી જાગશે.લિંક ટેક્સ્ટ: ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
