Community News & Updates

Stay informed with the latest happenings, achievements, and announcements from our community.

All News

calendar_today April 22, 2026

Dahod: આશા મેચિંગ સેન્ટરમાં મહિલાની નજર ચૂકવી પર્સમાંથી 1.27 લાખના દાગીના ચોરાયા, મહિલા ઠગ ગેંગ સક્રિય?

દાહોદ શહેરના વ્યસ્ત ગણાતા એમ.જી. રોડ પર આવેલી એક દુકાનમાં ગ્રાહકના સ્વાંગમાં આવેલી મહિલાએ અન્ય મહિલાના પર્સ પર હાથફેરો કરી 1.27 લાખના સોનાના દાગીનાની ચોરી કરી હોવાની ઘટના બની છે. આ સમગ્ર મામલે પોલીસે ગુનો નોંધી સીસીટીવીના આધારે તપાસ તેજ કરી છે.ઘટનાની વિગત મળતી માહિતી મુજબ, એમ.જી. રોડ પર આવેલા 'આશા મેચિંગ સેન્ટર'માં એક મહિલા ખરીદી કરવા માટે આવી હતી. આ દરમિયાન દુકાનમાં પાંચ મહિલાઓ પણ આવી હતી. ભીડનો લાભ લઈને આ પાંચ પૈકીની એક મહિલાએ અત્યંત ચપળતાપૂર્વક ફરિયાદી મહિલાના પર્સની ચેન ખોલી નાખી હતી. આરોપી મહિલા પર્સમાં રાખેલું સોનાનું મંગળસૂત્ર અને સોનાની વીંટી કાઢીને ગણતરીની મિનિટોમાં દુકાનમાંથી ફરાર થઈ ગઈ હતી. પોલીસ કાર્યવાહી ભોગ બનનાર મહિલાને પર્સમાંથી દાગીના ગાયબ હોવાની જાણ થતા જ દુકાનમાં અફરાતફરી મચી ગઈ હતી. ચોરી થયેલા દાગીનાની કુલ કિંમત અંદાજે ₹1.27 લાખ હોવાનું જણાવવામાં આવી રહ્યું છે. દાહોદ પોલીસે આ મામલે ગુનો નોંધી તપાસનો ધમધમાટ શરૂ કર્યો છે. પોલીસ દ્વારા દુકાન અને આસપાસના સીસીટીવી ફૂટેજ તપાસવામાં આવી રહ્યા છે જેથી શંકાસ્પદ મહિલાઓની ઓળખ કરી શકાય. જાહેર સ્થળો અને બજારોમાં મહિલાઓની સુરક્ષાને લઈને આ ઘટનાએ ચિંતા જન્માવી છે.આ પણ વાંચો ----     Local body election 2026 : DGPનો એક્શન પ્લાન જાહેર, 60 હજારથી વધુ જવાનો તૈનાત અને 1251 બૂથ અતિસંવેદનશીલ

Read Full Story arrow_forward

calendar_today April 22, 2026

Ahmedabad : રોકાણના બહાને 26 કરોડથી વધુની છેતરપિંડી, મિહિર પરીખ સહિત 7 સામે ગુનો દાખલ

અમદાવાદ શહેરમાં રોકાણકારોને લલચાવી કરોડો રૂપિયા પચાવી પાડવાનું મસમોટું કૌભાંડ પ્રકાશમાં આવ્યું છે. અમદાવાદ ક્રાઇમ બ્રાન્ચની આર્થિક ગુના નિવારણ શાખા એ અલગ-અલગ સ્કીમોમાં રોકાણ કરાવવાના બહાને એક પરિવાર સાથે ₹26 કરોડથી વધુની છેતરપિંડી કરનાર મુખ્ય આરોપી મિહિર પરીખ અને તેના સાથીદારો વિરુદ્ધ ગુનો દાખલ કર્યો છે.છેતરપિંડીની વિગત મળતી માહિતી મુજબ, મુખ્ય આરોપી મિહિર પરીખ, ધારા પરીખ અને ગીતા પરીખ સહિત કુલ 7 થી વધુ લોકો વિરુદ્ધ ફરિયાદ નોંધાઈ છે. આ ઠગ ટોળકીએ ફરિયાદી અને તેમની માતાને જુદી-જુદી જગ્યાએ નાણાં રોકાણ કરવાથી મોટું વળતર મળશે તેવી લાલચ આપી હતી. વિશ્વાસમાં લઈને આ ટોળકીએ ટુકડે-ટુકડે કુલ ₹26 કરોડથી વધુની રકમ પડાવી લીધી હતી. જ્યારે વળતર કે મુદ્દલ પરત આપવાનો સમય આવ્યો ત્યારે આરોપીઓએ હાથ ઊંચા કરી દીધા હતા.પોલીસ કાર્યવાહીઆ મામલે આર્થિક ગુના નિવારણ શાખાએ ઊંડી તપાસ હાથ ધરતા ચોંકાવનારી વિગતો સામે આવી છે. મુખ્ય આરોપી મિહિર પરીખ વિરુદ્ધ છેતરપિંડીની બે અલગ-અલગ ફરિયાદો નોંધાઈ છે, જે દર્શાવે છે કે તેણે અનેક લોકોને પોતાનો શિકાર બનાવ્યા હોઈ શકે છે. પોલીસે તમામ આરોપીઓ વિરુદ્ધ ગુનો દાખલ કરી તેમની શોધખોળ અને બેંક એકાઉન્ટ્સની તપાસ શરૂ કરી છે. રોકાણના નામે આટલી મોટી રકમની ઠગાઈ થતા શહેરના વેપારી આલમમાં પણ ચકચાર મચી ગઈ છે.આ પણ વાંચો----      Local body election 2026 : DGPનો એક્શન પ્લાન જાહેર, 60 હજારથી વધુ જવાનો તૈનાત અને 1251 બૂથ અતિસંવેદનશીલ

Read Full Story arrow_forward

calendar_today April 22, 2026

Local Body Election 2026 : નડિયાદમાં ચૂંટણી વિભાગની ગંભીર બેદરકારી, બેલેટ પેપરમાં ઉમેદવારનું નિશાન છાપવાનું જ ભૂલી ગયા

નડિયાદ શહેરમાં ચૂંટણી પ્રક્રિયા દરમિયાન ગંભીર બેદરકારીનો મામલો સામે આવ્યો છે, જેને કારણે મતદાન વ્યવસ્થાની પારદર્શિતા પર સવાલો ઊભા થયા છે. માહિતી મુજબ, વોર્ડ નંબર 4 માટે તૈયાર કરાયેલા બેલેટ પેપરમાં એક અપક્ષ ઉમેદવારનું ચૂંટણી ચિન્હ છાપવાનું જ રહી ગયું હતું, છતાં આ બેલેટ પેપરો મતદારોમાં વહેંચી દેવામાં આવ્યા હતા.મતદારોમાં ગુંચવણ ઉભી થઈ આ ઘટના ત્યારે પ્રકાશમાં આવી જ્યારે મતદારો અને ઉમેદવારના સમર્થકોએ બેલેટ પેપર તપાસ્યા. તેમાં ઉમેદવારનું નામ તો હતું, પરંતુ તેના સામે ચૂંટણી ચિન્હ નહોતું, જેના કારણે મતદારોમાં ગુંચવણ ઉભી થઈ હતી. ખાસ કરીને ગ્રામ્ય અને ઓછા શિક્ષિત મતદારો માટે ચૂંટણી ચિન્હ ખૂબ જ મહત્વનું હોય છે, ત્યારે આ પ્રકારની ભૂલ ગંભીર ગણાય છે. માહિતી અનુસાર, વોર્ડ નંબર 4માં કુલ 66 મતદારો બેલેટ પેપર દ્વારા મતદાન કરવા જઈ રહ્યા છે. આવી સ્થિતિમાં આ ભૂલ મતદાનના પરિણામને પણ અસર કરી શકે છે. સ્થાનિક સ્તરે આ મામલે અસંતોષ જોવા મળી રહ્યો છે અને કેટલાક લોકોએ ફરીથી બેલેટ પેપર છાપવાની માંગ પણ ઉઠાવી છે. આવી ગંભીર ભૂલ કેવી રીતે થઈ તે તપાસનો વિષય? આ સમગ્ર ઘટનાને લઈને ચૂંટણી વિભાગની કામગીરી પર પ્રશ્નો ઊભા થયા છે. સામાન્ય રીતે બેલેટ પેપર છાપતા પહેલા અનેક તબક્કે ચકાસણી કરવામાં આવે છે, છતાં આવી ગંભીર ભૂલ કેવી રીતે થઈ તે તપાસનો વિષય બન્યો છે. આ મામલે ચૂંટણી અધિકારીએ મીડિયાને કોઈ સ્પષ્ટ જવાબ આપવાનું ટાળ્યું છે, જેનાથી શંકાઓ વધુ ગાઢ બની છે. હાલ આ મુદ્દે અધિકારીઓ આંતરિક તપાસ હાથ ધરી રહ્યા હોવાની માહિતી મળી રહી છે. આ ઘટનાએ ચૂંટણી પ્રક્રિયામાં વધુ સાવચેતી અને જવાબદારીની જરૂરિયાતને ફરી એકવાર ઉજાગર કરી છે, જેથી મતદારોનો વિશ્વાસ જળવાઈ રહે. આ પણ વાંચો : Umreth Assembly By-Poll 2026 : આવતીકાલે સવારે 7 વાગ્યાથી મતદાન, 2.45 લાખ મતદારો 6 ઉમેદવારોનું ભાવિ નક્કી કરશે

Read Full Story arrow_forward