Anand : સોજીત્રામાં શાકભાજીના વેપારીની હત્યાથી ચકચાર, પેટ્રોલ પંપ પાસે મળેલી લાશમાં હત્યાનો ગુનો નોંધાયો
આણંદ જિલ્લાના સોજીત્રા તાલુકાના ડભોઉ ગામ પાસે ગત 16 એપ્રિલના રોજ મળી આવેલી લાશ મામલે ચોંકાવનારો વળાંક આવ્યો છે. ડભોઉ નાયરા પેટ્રોલ પંપ નજીકથી મળી આવેલી 38 વર્ષીય યુવાનની લાશ કુદરતી મૃત્યુ નહીં પરંતુ હત્યા હોવાનું પોલીસ તપાસમાં બહાર આવ્યું છે. આ મામલે પોલીસે હવે હત્યાનો ગુનો નોંધી તપાસનો ધમધમાટ તેજ કર્યો છે.ઘટનાની વિગત મૃતક ગોપાલભાઈ જીકાભાઈ સોલંકી (ઉં.વ. ૩૮) પેટલાદ તાલુકાના પાળજ ગામના વહાણવટીપુરા વિસ્તારમાં રહેતા હતા અને શાકભાજીનો વ્યવસાય કરી પોતાના પરિવારનું ગુજરાન ચલાવતા હતા. ગત 16 એપ્રિલના રોજ રાત્રિના સમયે તેઓ હંમેશ મુજબ શાકભાજી લેવા માટે ઘરેથી નીકળ્યા હતા, પરંતુ ત્યારબાદ તેમનો મૃતદેહ સોજીત્રાના ડભોઉ પેટ્રોલ પંપ નજીકથી મળી આવ્યો હતો. પોલીસ તપાસ અને કાર્યવાહી શરૂઆતમાં આકસ્મિક મૃત્યુ લાગતી આ ઘટનામાં પોલીસને શંકા જતાં ઊંડી તપાસ હાથ ધરવામાં આવી હતી, જેમાં ગોપાલ સોલંકીની હત્યા થઈ હોવાનું સ્પષ્ટ થયું છે. મૃતક ત્રણ બાળકોના પિતા હતા, તેમની હત્યાથી પરિવાર પર આભ તૂટી પડ્યું છે અને પાળજ ગામમાં શોકનું મોજું ફરી વળ્યું છે. સોજીત્રા પોલીસે આ મામલે અજાણ્યા શખ્સો વિરુદ્ધ હત્યાનો ગુનો દાખલ કર્યો છે. આરોપીઓ સુધી પહોંચવા માટે પોલીસે પેટ્રોલ પંપ અને આસપાસના રસ્તાઓના CCTV ફૂટેજ કબજે કર્યા છે અને શકમંદોની પૂછપરછ શરૂ કરી છે. આ પણ વાંચો---- Local body election 2026 : DGPનો એક્શન પ્લાન જાહેર, 60 હજારથી વધુ જવાનો તૈનાત અને 1251 બૂથ અતિસંવેદનશીલ
Read Full Story arrow_forward
