Community News & Updates

Stay informed with the latest happenings, achievements, and announcements from our community.

All News

calendar_today April 22, 2026

Gujarat Weather : રાજ્યમાં 'હીટવેવ'નો હાહાકાર, આરોગ્ય વિભાગે જાહેર કરી નવી માર્ગદર્શિકા, હોસ્પિટલોમાં સ્પેશિયલ 'હીટ સ્ટ્રોક રૂમ' તૈયાર

ગુજરાતમાં ઉનાળાનો પ્રારંભ થતાની સાથે જ સૂર્યદેવ આકરા પાણીએ થયા છે. રાજ્યમાં સતત વધી રહેલા તાપમાન અને હીટવેવના પ્રકોપને જોતા ગુજરાત સરકારના આરોગ્ય અને પરિવાર કલ્યાણ વિભાગ દ્વારા નાગરિકો માટે મહત્વપૂર્ણ 'હેલ્થ એડવાઈઝરી' જાહેર કરવામાં આવી છે. રાજ્યના તમામ જિલ્લા અને સામુહિક આરોગ્ય કેન્દ્રોને આ માર્ગદર્શિકાનું ચુસ્ત પાલન કરવા આદેશ આપવામાં આવ્યા છે.નાગરિકો માટે ખાસ સૂચનાઓઆરોગ્ય વિભાગે નાગરિકોને અપીલ કરી છે કે બપોરે 12થી થી 4 વાગ્યા દરમિયાન બિનજરૂરી બહાર નીકળવાનું ટાળવું. જો બહાર જવું અનિવાર્ય હોય તો માથા પર ભીનું કપડું અથવા ટોપી રાખવી અને હળવા રંગના સુતરાઉ કપડાં પહેરવા. શરીરમાં પાણીનું પ્રમાણ જળવાઈ રહે તે માટે પુષ્કળ પ્રમાણમાં પ્રવાહી, છાસ અને લીંબુ શરબતનું સેવન કરવા પર ભાર મૂકવામાં આવ્યો છે. ખાસ કરીને બાળકો, વડીલો અને સગર્ભા મહિલાઓની વિશેષ કાળજી લેવા જણાવાયું છે. તંત્રની સજ્જતા1 માર્ચ ૨૦૨૬ થી જ રાજ્યમાં હીટસ્ટ્રોકના કેસોનું દૈનિક મોનિટરિંગ શરૂ કરી દેવામાં આવ્યું છે. રાજ્યની તમામ સરકારી હોસ્પિટલોમાં દવાઓ, ORS અને IV ફ્લુઈડ્સનો પૂરતો સ્ટોક રાખવા સૂચના અપાઈ છે. મહત્વનું છે કે, દરેક જિલ્લા હોસ્પિટલમાં 5 બેડ અને સામુહિક આરોગ્ય કેન્દ્રોમાં 2 બેડના ખાસ 'હીટ સ્ટ્રોક મેનેજમેન્ટ રૂમ' તૈયાર કરવામાં આવ્યા છે. હોસ્પિટલોમાં વીજળીનો વપરાશ વધતા ઈલેક્ટ્રિક લોડ ઓડિટ અને ફાયર સેફ્ટીના નિયમોનું પાલન કરવા પણ કડક સૂચના આપવામાં આવી છે. આ પણ વાંચો----     Surat : ઉમરામાં ઉદ્યોગપતિની પુત્રવધૂનો આપઘાત, લગ્નના 3 મહિનામાં જ ખ્યાતિ કેજરીવાલે જીવન ટૂંકાવ્યું

Read Full Story arrow_forward

calendar_today April 22, 2026

Botad :CM બંદોબસ્તમાં જતી પોલીસ અશ્વદળની વાન પલટી ગઇ, અશ્વોને પહોંચી ઈજા, હાઈવે પર ટ્રાફિક જામ

મુખ્યમંત્રી ભૂપેન્દ્ર પટેલ આવતીકાલે બોટાદ અને પ્રસિદ્ધ યાત્રાધામ સાળંગપુરના પ્રવાસે છે, ત્યારે તેમના બંદોબસ્તમાં તૈનાત થવા જઈ રહેલા પોલીસ અશ્વદળના વાનને અકસ્માત નડ્યો હોવાના સમાચાર સામે આવ્યા છે. બોટાદથી સેથળી ગામ વચ્ચે પોલીસ અશ્વદળની વાન પલટી ખાઈ જતાં અફરાતફરી મચી ગઈ હતી.અકસ્માતની વિગત પ્રાપ્ત માહિતી અનુસાર, આજે મુખ્યમંત્રીના સાળંગપુર અને બોટાદ પ્રવાસને ધ્યાનમાં રાખીને અશ્વદળ પોલીસની વાન બંદોબસ્ત માટે સાળંગપુર તરફ જઈ રહી હતી. આ દરમિયાન બોટાદ અને સેથળી વચ્ચે બાજુમાંથી કોઈ અન્ય વાહન પસાર થતાં ચાલકે કાબૂ ગુમાવ્યો હતો અને પોલીસ વાન રસ્તા પર જ પલટી ગઇ હતી. આ દુર્ઘટનામાં વાનમાં રહેલા અશ્વો (ઘોડાઓ)ને નાની-મોટી ઈજાઓ પહોંચી હોવાનું પ્રાથમિક રીતે જાણવા મળ્યું છે. ટ્રાફિક અને કામગીરી હાઇવે પર પોલીસ વાન પલટી જતાં રસ્તો બ્લોક થઈ ગયો હતો, જેના કારણે વાહનોની લાંબી કતારો લાગી હતી અને ટ્રાફિક જામની સ્થિતિ સર્જાઈ હતી. ઘટનાની જાણ થતાં જ સ્થાનિક પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે ઈજાગ્રસ્ત અશ્વોની સંભાળ લેવાની સાથે ક્રેનની મદદથી વાન હટાવી રસ્તો ખુલ્લો કરવાની કામગીરી હાથ ધરી છે. સદનસીબે કોઈ જાનહાનિના સમાચાર નથી, પરંતુ મુખ્યમંત્રીના કાર્યક્રમ પૂર્વે બનેલી આ ઘટનાએ તંત્રને દોડતું કરી દીધું છે.આ પણ વાંચો---    Surat : ઉમરામાં ઉદ્યોગપતિની પુત્રવધૂનો આપઘાત, લગ્નના 3 મહિનામાં જ ખ્યાતિ કેજરીવાલે જીવન ટૂંકાવ્યું

Read Full Story arrow_forward

calendar_today April 22, 2026

Valsad : કપરાડામાં કાળમુખી પીકઅપ વાન પલટી, બ્રેક ફેલ થતા સર્જાયેલા અકસ્માતમાં 6 ના મોત, 20 થી વધુ ઘાયલ

દક્ષિણ ગુજરાતના વલસાડ જિલ્લાના કપરાડા તાલુકામાંથી હૃદયદ્રાવક સમાચાર સામે આવ્યા છે. કપરાડાના વીરશેત્ર ગામે મુસાફરો ભરેલી એક પીકઅપ વાન પલટી ખાઈ જતાં સર્જાયેલા ગમખ્વાર અકસ્માતમાં 6 લોકોના કરુણ મોત નિપજ્યા છે, જ્યારે 20 થી વધુ લોકો ગંભીર રીતે ઘાયલ થયા છે.ઘટનાની વિગત મળતી માહિતી મુજબ, વીરશેત્ર ગામ પાસેથી પસાર થઈ રહેલી પીકઅપ વાનની અચાનક બ્રેક ફેલ થઈ ગઈ હતી. ચાલકે સ્ટીયરિંગ પરથી કાબૂ ગુમાવતા વાન જોરદાર ધડાકા સાથે રસ્તા પર પલટી ખાઈ ગઈ હતી. અકસ્માત એટલો ભીષણ હતો કે ઘટનાસ્થળે જ ચીસાચીસ મચી ગઈ હતી. વાનમાં સવાર મુસાફરો માંથી 6 વ્યક્તિઓએ જીવ ગુમાવ્યા છે, જેના કારણે સ્થાનિક પંથકમાં અરેરાટી વ્યાપી ગઈ છે. બચાવ કામગીરી અકસ્માતને પગલે આસપાસના લોકો દોડી આવ્યા હતા અને પોલીસને જાણ કરી હતી. આ દુર્ઘટનામાં 20 થી વધુ લોકો ઘાયલ થયા છે, જે પૈકી 10 થી વધુ લોકોની હાલત અત્યંત ગંભીર હોવાનું જાણવા મળી રહ્યું છે. તમામ ઈજાગ્રસ્તોને તાત્કાલિક ધોરણે નજીકની હોસ્પિટલમાં સારવાર અર્થે ખસેડવામાં આવ્યા છે. વલસાડ પોલીસ અને વહીવટી તંત્ર દ્વારા ઘટનાસ્થળે પહોંચી આગળની કાર્યવાહી હાથ ધરવામાં આવી છે. મૃતકોના પરિવારજનોમાં ભારે શોકનું મોજું ફરી વળ્યું છે. આ પણ વાંચો----     Surat : ઉમરામાં ઉદ્યોગપતિની પુત્રવધૂનો આપઘાત, લગ્નના 3 મહિનામાં જ ખ્યાતિ કેજરીવાલે જીવન ટૂંકાવ્યું

Read Full Story arrow_forward