Community News & Updates

Stay informed with the latest happenings, achievements, and announcements from our community.

All News

calendar_today April 22, 2026

Jharkhand Bomb Defusal: સેનાએ બીજા વિશ્વયુદ્ધનો બોમ્બ કર્યો ડિફ્યુઝ, લોકોએ લીધો રાહતનો શ્વાસ

15 એપ્રિલના રોજ જમશેદપુરથી લગભગ 100  કિલોમીટર દૂર બહરાગોરામાં સ્વર્ણરેખા નદીના કિનારે બીજા વિશ્વયુદ્ધનો એક જૂનો બોમ્બ મળી આવ્યો હતો. ગ્રામજનો પાસેથી મળેલી માહિતીના આધારે વહીવટીતંત્ર અને સૈન્યની ટીમ ઘટનાસ્થળે પહોંચી અને સુરક્ષા કારણોસર સમગ્ર વિસ્તારને ઘેરી લીધો અને ગામ ખાલી કરાવ્યું. બોમ્બ સફળતા પૂર્વક નિષ્ક્રિય કર્યો રહેવાસીઓને પણ નદી કિનારાથી લગભગ બે કિલોમીટર દૂર સલામત સ્થળે ખસેડવામાં આવ્યા. સુરક્ષા કારણોસર મીડિયાને પણ દૂર રાખવામાં આવ્યું. ત્યારબાદ, સૈન્યના જવાનો નદીમાં પ્રવેશ્યા અને બોમ્બને નિષ્ક્રિય કરવાની પ્રક્રિયા શરૂ કરી. સવારે, એક JCB એ રેતીમાં ખાડો ખોદીને તેને રેતીની બોરીઓથી સીલ કરી દીધી. કોઈપણ સંભવિત વિસ્ફોટની અસરને ટાળવા માટે બોમ્બ પર રેતી પણ નાંખવામાં આવી. ત્યારબાદ બોમ્બને સફળતાપૂર્વક નિષ્ક્રિય કરવામાં આવ્યો.બીજા વિશ્વયુદ્ધ સમયનો મળ્યો બોમ્બ ઝારખંડના પૂર્વ સિંહભૂમ જિલ્લાના બહારાગોરાના પાણીપોરા-નાગુડાસાઈ વિસ્તારમાં સ્વર્ણરેખા નદીના કિનારે બીજા વિશ્વયુદ્ધ સમયનો એક મોટો, ન ફૂટેલો બોમ્બ મળી આવતાં સનસનાટી ફેલાઈ ગઈ હતી. છેલ્લા એક મહિનામાં આ વિસ્તારમાં યુદ્ધ સમયના વિસ્ફોટકો મળી આવ્યા હોવાની આ ત્રીજી ઘટના છે. માછીમારી કરતી વખતે મળ્યો બોમ્બ સ્થાનિકોના મતે ગરમીને કારણે નદીનું પાણીનું સ્તર ઘટી ગયું છે, જેના કારણે રેતાળ સપાટી નીચે દટાયેલા આ જૂના બોમ્બ બહાર આવ્યા . અહેવાલો અનુસાર, નાગુડાસાઈ ગામના કેટલાક ગ્રામજનો બુધવારે મોડી રાત્રે નદી કિનારે માછીમારી કરી રહ્યા હતા ત્યારે તેમને રેતાળ સપાટી પર એક મોટી, શંકાસ્પદ લોખંડ જેવી વસ્તુ દેખાઈ. નજીકથી નિરીક્ષણ કર્યા પછી, તેમને ખબર પડી કે તે બોમ્બ છે, જેનાથી ગભરાટ ફેલાયો છે. 17 માર્ચે પણ બે બોમ્બ મળ્યા હતા નોંધનીય છે કે અગાઉ, 17 માર્ચે, આ જ વિસ્તારમાંથી બે શક્તિશાળી બોમ્બ મળી આવ્યા હતા, જેના વિશે સેનાની ટીમે દાવો કર્યો હતો કે તે અમેરિકન બનાવટના હતા. તે સમયે, સેનાના નિષ્ણાતોએ આશરે 227 કિલોગ્રામ વજનના બોમ્બને નિષ્ક્રિય કરવા માટે સખત મહેનત કરવી પડી હતી. આ વિસ્તારને છાવણીમાં રૂપાંતરિત કરવામાં આવ્યો હતો, અને આશરે દોઢ કિલોમીટરનો વિસ્તાર ખાલી કરાવવામાં આવ્યો હતો, અને રેતીની થેલીઓના રક્ષણાત્મક પરિમિતિમાં નિયંત્રિત વિસ્ફોટનો ઉપયોગ કરીને બોમ્બને નિષ્ક્રિય કરવામાં આવ્યો હતો.વારંવાર વિસ્ફોટકો મળી આવવાથી સ્પષ્ટ થાય છે કે આ સમગ્ર પટ્ટામાં હજુ પણ ઘણા બોમ્બ ભૂગર્ભમાં દટાયેલા હોઈ શકે છે. સ્વર્ણરેખા નદીના કિનારે રહેતા રહેવાસીઓએ જિલ્લા વહીવટીતંત્ર અને રાજ્ય સરકારને આધુનિક સાધનોથી સમગ્ર વિસ્તારની તપાસ કરવાની માંગ કરી છે.આ પણ વાંચો- દુનિયાનું સૌથી સ્ટ્રોંગ શેરબજાર કયા દેશનું ?

Read Full Story arrow_forward

calendar_today April 22, 2026

Purvanchal Expressway એરસ્ટ્રીપ પર વાયુસેનાનો યુદ્ધાભ્યાસ, સુખોઈ-મિરાજના કરતબો જોવા મળ્યા

ઉત્તરપ્રદેશના સુલતાનપુર જિલ્લામાં પૂર્વાંચલ એક્સપ્રેસવે પર આવેલા અખલિકિરી કરવત ગામ નજીકની 3.2 કિમી લાંબી એરસ્ટ્રીપ પર આજે ભારતીય વાયુસેનાએ વિશાળ યુદ્ધાભ્યાસ શરૂ કર્યો છે. આ એર શોમાં સુખોઈ-30 MKI, જગુઆર, મિરાજ-2000 અને તેજસ જેવા લડાકુ વિમાનો સાથે C-295 અને AN-32 જેવા પરિવહન વિમાનો ભાગ લઈ રહ્યા છે. ટ્રાફિકને 1 મે સુધી માટે ડાયવર્ટ કરવામાં આવ્યો આ અભ્યાસનો મુખ્ય હેતુ આપાતકાલીન પરિસ્થિતિઓમાં હાઈવેને રનવે તરીકે ઉપયોગ કરવાની વાયુસેનાની ક્ષમતાનો પરિક્ષણ કરવાનો છે. સુરક્ષા કારણોસર પ્રશાસને એક્સપ્રેસવેના લગભગ 12 કિલોમીટર વિસ્તારને સીલ કરી દીધો છે અને ટ્રાફિકને 1 મે સુધી માટે ડાયવર્ટ કરવામાં આવ્યો છે. યુદ્ધાભ્યાસ બે તબક્કામાં ચાલી રહ્યો છે અને રાત્રે 9 વાગ્યા સુધી ચાલુ રહેશે. એરસ્ટ્રીપ પર અભ્યાસનું શેડ્યૂલ કડક રાખવામાં આવ્યું છે. બપોરે 2 વાગ્યાથી સાંજે 5 વાગ્યા સુધી વિમાનોના કરતબો દર્શાવવામાં આવી રહ્યા છે, જ્યારે સાંજે 6 વાગ્યાથી રાત્રે 9 વાગ્યા સુધી પણ અભ્યાસ ચાલુ રહેશે. સુખોઈ-30 અને મિરાજ જેવા વિમાનો ‘ટચ એન્ડ ગો’ ડ્રિલ દ્વારા પોતાની યુદ્ધ ક્ષમતાનો પ્રદર્શન કરી રહ્યા છે. આ હાઈવે એરસ્ટ્રીપ યુદ્ધ દરમિયાન સેનાને બેકઅપ રનવે તરીકે મહત્વપૂર્ણ તે ઉપરાંત MI-17 V5 હેલિકોપ્ટર દ્વારા સ્પેશિયલ ફોર્સને સ્લિધરિંગ ટેક્નિકથી ઉતારવાનો અભ્યાસ પણ કરવામાં આવી રહ્યો છે. 320 મીમી જાડાઈ ધરાવતી આ વિશેષ એરસ્ટ્રીપ ભારે લડાકુ વિમાનોનું વજન સહન કરી શકે તેવી રીતે બનાવવામાં આવી છે. આ હાઈવે એરસ્ટ્રીપ યુદ્ધ દરમિયાન સેનાને બેકઅપ રનવે તરીકે મહત્વપૂર્ણ સાબિત થાય છે. જો મુખ્ય એરબેસ પર હુમલો થાય તો વાયુસેના આવી હાઈવે સ્ટ્રીપ પરથી ઓપરેશન ચાલુ રાખી શકે છે. મંગળવારે પણ અહીં નવ વિમાનો દ્વારા લગભગ એક કલાક સુધી પૂર્વાભ્યાસ કરવામાં આવ્યો હતો. વડાપ્રધાને એરસ્ટ્રીપનું ઉદ્ઘાટન કર્યું હતું આ એર શો દ્વારા સેનાની તૈયારીઓ વધુ મજબૂત બની રહી છે તેમજ સુલતાનપુર અને આસપાસના વિસ્તારોને રાષ્ટ્રીય સ્તરે ઓળખ મળી રહી છે. વિમાનોની ગર્જનાથી સ્થાનિક લોકો ઘરની છત પર ભેગા થઈ આ નજારો નિહાળી રહ્યા છે. પૂર્વાંચલ એક્સપ્રેસવેની આ એરસ્ટ્રીપનું ઐતિહાસિક મહત્વ પણ છે. 16 નવેમ્બર 2021ના રોજ વડાપ્રધાન નરેન્દ્ર મોદીએ C-130J હર્ક્યુલિસ વિમાનથી અહીં ઉતરી તેનું ઉદ્ઘાટન કર્યું હતું. તે સમયે પણ સુખોઈ અને જગુઆર વિમાનો દ્વારા આકાશમાં શાનદાર પ્રદર્શન કરવામાં આવ્યું હતું. ત્યારબાદ જૂન 2023માં અહીં 4 કલાક સુધી લાંબો અભ્યાસ યોજાયો હતો. આ પણ વાંચો : Jharkhand Bomb Defusal: સેનાએ બીજા વિશ્વયુદ્ધનો બોમ્બ કર્યો ડિફ્યુઝ, લોકોએ લીધો રાહતનો શ્વાસ

Read Full Story arrow_forward

calendar_today April 22, 2026

NIA કોર્ટનો બેંગલુરુ જેલ કટ્ટરપંથીકરણ કેસમાં મોટો ચુકાદો, માસ્ટરમાઈન્ડ ટી નસીર સહિત 7 આરોપીઓને સજા

બેંગલુરુ જેલમાં કટ્ટરપંથીકરણ સાથે જોડાયેલા ગંભીર કેસમાં NIA કોર્ટે મહત્વપૂર્ણ ચુકાદો આપ્યો છે. આ કેસમાં માસ્ટરમાઈન્ડ ટી. નસીર સહિત કુલ 7 આરોપીઓને દોષિત ઠરાવી સજા ફટકારી છે. તપાસ દરમિયાન બહાર આવ્યું હતું કે આ આરોપીઓ લશ્કર-એ-તૈયબા જેવી આતંકવાદી સંસ્થાથી જોડાયેલા કાવતરામાં સામેલ હતા અને જેલમાં રહીને યુવાનોને કટ્ટરપંથી બનાવવાનો પ્રયાસ કરી રહ્યા હતા.ટી નસીર, સૈયદ સુહેલ ખાન, મોહમ્મદ ઉમરને 7 વર્ષની સજા અદાલતે ટી. નસીર, સૈયદ સુહેલ ખાન અને મોહમ્મદ ઉમરને 7 વર્ષની સજા ફટકારી છે. ઉપરાંત ઝાહિદ તબરેઝ અને સૈયદ મુદાસિર પાશાને પણ દોષિત જાહેર કરવામાં આવ્યા છે. મોહમ્મદ ફૈઝલ રબ્બાની અને સલમાન ખાનને પણ સજા આપવામાં આવી છે. દરેક આરોપીને રૂપિયા 48,000નો દંડ પણ ફટકારવામાં આવ્યો છે. NIAની તપાસમાં ખુલાસો થયો હતો કે આ સમગ્ર ગેંગ જેલની અંદરથી જ એક મોટું કાવતરું રચી રહી હતી. તેઓ અન્ય કેદીઓ અને યુવાનોને ભડકાવી તેમને આતંકવાદી પ્રવૃત્તિઓ તરફ દોરી જવાની કોશિશ કરી રહ્યા હતા. આ સાથે જ દેશવિરોધી હુમલાની યોજના પણ બનાવવામાં આવી રહી હતી, જે સમયસર પર્દાફાશ થતાં મોટી દુર્ઘટના અટકાવી શકાયી. ભાગેડુ જુનૈદ અહેમદની NIA કરી રહ્યું છે શોધખોળ તપાસ એજન્સીએ જણાવ્યું કે આ કેસમાં એક મુખ્ય આરોપી જુનૈદ અહેમદ હજુ ફરાર છે અને તેની શોધખોળ ચાલુ છે. કોર્ટના આ ચુકાદાથી આતંકવાદી પ્રવૃત્તિઓ સામે કડક સંદેશ ગયો છે અને સુરક્ષા એજન્સીઓની સતર્કતા પણ ઉજાગર થઈ છે. આ ચુકાદો દેશની આંતરિક સુરક્ષાને મજબૂત બનાવવામાં મહત્વપૂર્ણ માનવામાં આવી રહ્યો છે અને ભવિષ્યમાં આવા કાવતરાઓ સામે સખત કાર્યવાહી માટે માર્ગદર્શક બની શકે છે. આ પણ વાંચો : Amit Shah બંગાળમાં ગર્જયા, કહ્યુ કે રાહુલ સાથે હવે ખરગેની પણ ભાષા બગડી

Read Full Story arrow_forward