Community News & Updates

Stay informed with the latest happenings, achievements, and announcements from our community.

All News

calendar_today April 20, 2026

Kheda News : નડીયાદ ડાકોર હાઈવે ઉપર ગ્રાન્ડ ચેતક પાર્ટી પ્લોટ પાસે ભૂવો પડ્યો, વાહનચાલકોને જીવનું જોખમ

નડીયાદ-ડાકોર હાઈવે પર રોજ હજારો વાહનો પસાર થતા હોય છે. આ હાઈવે પર ગ્રાન્ડ ચેતક પાર્ટી પ્લોટની નજીકમાં એક ભૂવો પડ્યો હતો. જેના કારણે હાઈવે પરથી પસાર થતાં વાહન ચાલકોના જીવનું જોખમ ઉભુ થયું હતું. શરૂઆતમાં સહેજ ખાડો પડ્યો હતો ત્યાર બાદ આ ખાડો મોટા ભૂવામાં રૂપાંતરિત થઈ ગયો હતો. જેમ જેમ સમય વિતતો ગયો તેમ રસ્તા પર પડેલો નાનો ખાડો મોટો થવા માંડ્યો હતો. ગ્રાન્ડ ચેતક પાર્ટી પ્લોટની નજીકમાં પડ્યો ભૂવો નડિયાદથી ડાકોરને જોડતા નેશનલ હાઈવે પર એક નાનું ગાબડું પડ્યું હતું. આ ગાબડાને નાનો ખાડો સમજીને ત્યાંથી વાહન ચાલકો પસાર થઈ રહ્યા હતાં. પરંતુ સમય વિતતાં આ ગાબડું મોટા ભૂવામાં રૂપાંતરિત થઈ ગયું હતું. આ રોડ પરથી હજારોની સંખ્યામાં વાહન ચાલકો પસાર થાય છે. આ ભૂવો વિકરાળ સ્વરૂપ ધારણ કરે તે પહેલા જ તેને પૂરવો જરૂરી છે. આ ભુવાના કારણે અહીં અકસ્માત સર્જાય તેવી શક્યતાઓ છે. વાહન ચાલકોને આ રોડ પરથી પસાર થતાં જીવનું જોખમ છે.આ પણ વાંચોઃ Local body election: અસામાજિક તત્વો સાથે મિલીભગત રાખનાર પોલીસકર્મી સસ્પેન્ડ થશે: DyCM હર્ષ સંઘવી

Read Full Story arrow_forward

calendar_today April 20, 2026

Surat: અપશબ્દો બોલવાની ના કહેતા મામલો બિચક્યો, ઠંડા પીણાની બોટલ માથામાં ઝીંકી યુવક સાથે મારામારી

સુરતના માંગરોળ તાલુકાના પાલોદ ગામે ગાળાગાળી કરવા જેવી સામાન્ય બાબતે મોટું સ્વરૂપ ધારણ કર્યું છે. પાલોદ ગામે કિમ ચાર રસ્તા નજીક આવેલી સાનિધ્ય ટાઉનશીપમાં જાહેરમાં ગાળો બોલવાની મનાઈ કરતા એક શખ્સ ઉશ્કેરાઈ ગયો હતો અને રહીશ સાથે મારામારી કરી હતી. આ સમગ્ર ઘટનાના સીસીટીવી પણ સામે આવ્યા છે, જેના આધારે પોલીસે તપાસ તેજ કરી છે.શું હતી સમગ્ર ઘટના? બનાવની વિગત મુજબ, રાત્રિના સમયે સાનિધ્ય ટાઉનશીપના રહીશો સોસાયટીના ગેટ પાસે આવેલા બાંકડા પર બેઠા હતા. આ દરમિયાન ત્યાં બેઠેલો એક વ્યક્તિ પોતાના ફોન પર મિત્ર સાથે વાત કરી રહ્યો હતો અને મજાકમાં જોર-જોરથી બીભત્સ ગાળો બોલી રહ્યો હતો. સોસાયટીના રહીશોએ જાહેરમાં આ પ્રકારે ગાળો બોલવાની ના પાડતા અને મર્યાદા જાળવવા કહેતા મામલો ગરમાયો હતો. બોટલ વડે કર્યો હુમલો ગાળો બોલવાની ના પાડતા ઉશ્કેરાયેલા શખ્સે પોતાની પાસે રહેલી પ્લાસ્ટિકની ઠંડા પીણાની બોટલ રહીશના માથામાં ફટકારી દીધી હતી અને જોતજોતામાં મારામારી શરૂ કરી દીધી હતી. અચાનક થયેલા આ હુમલાથી સોસાયટીમાં અફરાતફરી મચી ગઈ હતી. આ સમગ્ર મામલો પાલોદ પોલીસ મથકે પહોંચતા પોલીસે હુમલાખોર વિરુદ્ધ ગુનો નોંધી કાયદેસરની કાર્યવાહી હાથ ધરી છે. સીસીટીવી ફૂટેજમાં હુમલાના દ્રશ્યો સ્પષ્ટ દેખાતા હોવાથી પોલીસને પુરાવા મેળવવામાં સરળતા રહેશે.આ પણ વાંચો---    Gandhinagar : ‘ખાખી’ ના નામે દિલધડક ચોરી, પોલીસની ગાડીમાં આવ્યા તસ્કરો અને સેકન્ડોમાં હાથફેરો કરી ફરાર

Read Full Story arrow_forward

calendar_today April 20, 2026

Vadodara : સેન્ટ્રલ યુનિવર્સિટીની હોસ્ટેલમાં ફૂડ પોઈઝનિંગ, 11 વિદ્યાર્થીઓની તબિયત લથડતા સારવારમાં ખસેડાયા

વડોદરાની સેન્ટ્રલ યુનિવર્સિટીમાં રવિવારે મોડી રાત્રે ફૂડ પોઈઝનિંગની ગંભીર ઘટના સામે આવતા શૈક્ષણિક આલમમાં ફફડાટ વ્યાપી ગયો છે. કુંઢેલા ગામમાં આવેલી યુનિવર્સિટીની હોસ્ટેલમાં રાત્રિનું ભોજન લીધા બાદ 11 જેટલા વિદ્યાર્થીઓને ઝેરી અસર થતા તાત્કાલિક સારવાર અર્થે હોસ્પિટલ ખસેડવામાં આવ્યા છે. આ ઘટનાને પગલે યુનિવર્સિટી તંત્ર સહિત આરોગ્ય વિભાગમાં ભારે દોડધામ મચી ગઈ હતી.જમ્યા બાદ શરૂ થઈ ઉલટી-ઝાડાની ફરિયાદ પ્રાપ્ત વિગતો અનુસાર, કુંઢેલા ગામની હોસ્ટેલમાં રહેતા વિદ્યાર્થીઓએ રાત્રે મેસમાં ભોજન લીધું હતું. જમ્યાના થોડા સમય બાદ એક પછી એક વિદ્યાર્થીઓને ઉલટી અને ઝાડાની ફરિયાદ શરૂ થઈ હતી. જોતજોતામાં 11 વિદ્યાર્થીઓની હાલત બગડતા હોસ્ટેલ પ્રશાસન હરકતમાં આવ્યું હતું. તમામ અસરગ્રસ્ત વિદ્યાર્થીઓને એમ્બ્યુલન્સ મારફતે વડોદરાની સયાજી હોસ્પિટલ (SSG) ખાતે ખસેડવામાં આવ્યા હતા, જ્યાં હાલ તેમની સારવાર ચાલી રહી છે. તંત્ર દ્વારા તપાસનો ધમધમોટ ઘટનાની જાણ થતા જ મોડી રાત્રે પોલીસ કાફલો અને આરોગ્ય વિભાગની ટીમ હોસ્પિટલ દોડી ગઈ હતી. આરોગ્ય વિભાગ દ્વારા તાત્કાલિક હોસ્ટેલની મેસમાં તપાસ હાથ ધરવામાં આવી છે અને રાત્રિના ભોજનના નમૂના લઈ લેબોરેટરીમાં પરીક્ષણ અર્થે મોકલી આપ્યા છે. વિદ્યાર્થીઓને પીરસવામાં આવેલું ભોજન વાસી હતું કે તેમાં કોઈ ઝેરી તત્વ ભળ્યું હતું, તે દિશામાં પોલીસ અને ફૂડ વિભાગ દ્વારા ઉંડાણપૂર્વક તપાસ શરૂ કરવામાં આવી છે. આ પણ વાંચો----    Gandhinagar : ‘ખાખી’ ના નામે દિલધડક ચોરી, પોલીસની ગાડીમાં આવ્યા તસ્કરો અને સેકન્ડોમાં હાથફેરો કરી ફરાર

Read Full Story arrow_forward