Community News & Updates

Stay informed with the latest happenings, achievements, and announcements from our community.

All News

calendar_today April 19, 2026

Junagadh: વંથલીના કાજલીયાળીમાં ગૌચરની જમીન ખોતરી નાખી, રોકવા ગયેલા સરપંચને અધિકારીઓએ જ ધમકાવ્યા!

જૂનાગઢ જિલ્લાના વંથલી તાલુકાના કાજલીયાળી ગામમાં ખનન માફિયાઓ અને વહીવટી તંત્ર વચ્ચેની કથિત સાંઠગાંઠનો ગંભીર મામલો સામે આવ્યો છે. ગામની ગૌચરની કિંમતી જમીનમાં માટીનું ગેરકાયદે ખોદકામ ચાલી રહ્યું હોવાની ફરિયાદ કરવા ગયેલા ગામના સરપંચને જ અધિકારીઓએ ધમકાવ્યા હોવાની ઘટનાએ સમગ્ર જિલ્લામાં ચકચાર મચાવી છે.ગૌચરની જમીન પર માફિયાઓનો કબજોકાજલીયાળી ગામના ગૌચરમાં ખનન માફિયાઓ દ્વારા કોઈપણ પરવાનગી વગર બેફામ માટીનું ખોદકામ કરવામાં આવી રહ્યું છે. ગ્રામ પંચાયત અને ગામના હિતમાં જ્યારે સરપંચે આ પ્રવૃત્તિનો વિરોધ કર્યો અને તંત્રને રજૂઆત કરી, ત્યારે તંત્ર દ્વારા કોઈ કાર્યવાહી કરવાને બદલે સરપંચનો જ અવાજ દબાવવાનો પ્રયાસ કરવામાં આવ્યો હતો.પ્રાંત અધિકારી અને TDOનો ઓડિયો વાયરલઆ મામલે ત્યારે નવો વળાંક આવ્યો જ્યારે પ્રાંત અધિકારી અને તાલુકા વિકાસ અધિકારી (TDO)નો એક કથિત ઓડિયો સોશિયલ મીડિયામાં વાયરલ થયો છે. આ ઓડિયોમાં અધિકારીઓ ફરિયાદી સરપંચને જ ધમકાવી રહ્યા હોય અને ખનન માફિયાઓનો બચાવ કરી રહ્યા હોય તેવું જણાઈ રહ્યું છે. આ ઓડિયો વાયરલ થતા વહીવટી તંત્રની નિષ્ક્રિયતા અને ભૂમાફિયાઓ સાથેની મિલીભગત ખુલ્લી પડી છે.આ પણ વાંચો: Bardoli: તાલુકા પંચાયત ચૂંટણીમાં શોકનું મોજું, અસ્તાન બેઠકના કોંગ્રેસના ઉમેદવાર ધર્મેશ રાઠોડનું નિધન

Read Full Story arrow_forward

calendar_today April 19, 2026

Ahmedabadમાં આગામી સાત સુધી હીટવેવનું યલો એલર્ટ, જાણો ગરમીથી બચવા માટે શું કરશો?

અમદાવાદીઓએ હવે કાળઝાળ ગરમીમાં શેકાવા તૈયાર રહેવું પડશે. ભારત હવામાન વિભાગ દ્વારા અમદાવાદમાં આજથી એટલે કે 19 એપ્રિલથી 25 એપ્રિલ સુધી 'યલો એલર્ટ' જાહેર કરવામાં આવ્યું છે. આગામી સાત દિવસ દરમિયાન અમદાવાદ શહેરનું મહત્તમ તાપમાન 42 ડિગ્રી સેલ્સિયસની આસપાસ રહેવાની શક્યતા છે.AMC દ્વારા હેલ્થ એડવાઈઝરી જાહેર વધતા જતા તાપમાન અને લૂ (Heatwave) ના જોખમને જોતા અમદાવાદ મ્યુનિસિપલ કોર્પોરેશન (AMC) દ્વારા નાગરિકો માટે ખાસ અપીલ કરવામાં આવી છે. બપોરે 12 થી 4 વાગ્યા દરમિયાન બિનજરૂરી બહાર ન નીકળવા અને નીકળવું પડે તો પૂરતી સાવચેતી રાખવા સૂચના આપવામાં આવી છે. હવામાન વિભાગના જણાવ્યા અનુસાર, લઘુત્તમ તાપમાન પણ 25 થી 28 ડિગ્રી વચ્ચે રહેતા રાત્રે પણ ગરમીનો અહેસાસ થશે. ગરમીથી બચવા શું કરવું? પુષ્કળ પ્રમાણમાં પાણી, લીંબુ શરબત, છાશ અને નાળિયેર પાણીનું સેવન કરવું. હળવા રંગના અને સુતરાઉ કપડાં પહેરવા તેમજ બહાર નીકળતી વખતે ટોપી કે છત્રીનો ઉપયોગ કરવો. તાજા ફળો અને શાકભાજી લેવા, વાસી ખોરાક અને વધુ પડતી ચા-કોફી ટાળવી. નાના બાળકો, વૃદ્ધો અને સગર્ભા સ્ત્રીઓની વિશેષ કાળજી રાખવી. લૂ લાગવાના લક્ષણોથી સાવધાન જો તમને અચાનક માથાનો દુખાવો, ચક્કર આવવા, ખૂબ પરસેવો થવો, ઉબકા-ઉલ્ટી કે સ્નાયુઓમાં દુખાવો જેવા લક્ષણો જણાય તો તે લૂ લાગવાના સંકેત હોઈ શકે છે. આવા સંજોગોમાં તાત્કાલિક નજીકના ડોક્ટરનો સંપર્ક કરવો અથવા ઈમરજન્સી સેવા 108 ની મદદ લેવી. આ પણ વાંચો - Ahmedabad : ધંધુકામાં યુવકની હત્યા બાદ ભારેલા અગ્નિ જેવી સ્થિતિ, પોલીસ ન્યાય અપાવે તેવી સ્વજનોની માગ

Read Full Story arrow_forward

calendar_today April 19, 2026

Valsad: ધરમપુરના સાદાડવેરી ઘાટમાં એસ.ટી. બસની બ્રેક ફેલ, ડ્રાઈવરની સમયસૂચકતાથી 19 મુસાફરોનો આબાદ બચાવ

વલસાડ જિલ્લાના ધરમપુર તાલુકામાં આજે એક મોટી બસ દુર્ઘટના ટળી છે. ધરમપુરથી ખપટિયા જતી ગુજરાત એસ.ટી. નિગમની બસની બ્રેક સાદાડવેરીના જોખમી ઘાટ વિસ્તારમાં અચાનક ફેલ થઈ ગઈ હતી. જોકે, બસ ચાલકની સમયસૂચકતા અને બહાદુરીને કારણે બસ ખીણમાં ખાબકતા બચી ગઈ હતી અને તમામ મુસાફરો સુરક્ષિત રહ્યા છે.ઘાટમાં બ્રેક ફેલ થતા મચી ચીસાચીસમળતી માહિતી મુજબ, એસ.ટી. બસ જ્યારે સાદાડવેરીના ઘાટ ઉતરી રહી હતી ત્યારે અચાનક બ્રેક ફેલ થઈ ગઈ હતી. પહાડી અને ઢાળવાળા રસ્તા પર બસ બેકાબૂ બનતા તેમાં બેઠેલા 19 મુસાફરોના જીવ તાળવે ચોંટ્યા હતા. મુસાફરોએ ડરના માર્યા ચીસાચીસ કરી મૂકી હતી. એક તબક્કે એવું લાગતું હતું કે બસ સીધી ખીણમાં ખાબકશે.ડ્રાઈવરની સમયસૂચકતાઆ કપરી પરિસ્થિતિમાં બસના ચાલકે ગભરાવાને બદલે હિંમત બતાવી હતી. બસ ખીણમાં ન પડે તે માટે ચાલકે સમયસૂચકતા વાપરી બસને રસ્તાની બાજુમાં આવેલા મોટા પથ્થરો સાથે અથડાવી દીધી હતી. પથ્થર સાથે અથડાવાને કારણે બસ ઉભી રહી ગઈ હતી. આ અથડામણમાં બસને નુકસાન થયું છે, પરંતુ બસમાં સવાર 19 મુસાફરો તેમજ ચાલક અને કંડક્ટર સહિત તમામ 21 લોકોનો આબાદ બચાવ થયો છે.આ પણ વાંચો: Junagadh: વંથલીના કાજલીયાળીમાં ગૌચરની જમીન ખોતરી નાખી, રોકવા ગયેલા સરપંચને અધિકારીઓએ જ ધમકાવ્યા!

Read Full Story arrow_forward