Amreli News: લાઠી સિવિલ હોસ્પિટલના કર્મચારીની કારમાંથી વિદેશી દારૂનો જથ્થો ઝડપાયો
અમરેલી જિલ્લાના લાઠી શહેરમાંથી દારૂબંધીના કાયદાના લીરેલીરા ઉડાવતી એક ઘટના સામે આવી છે. લાઠી સિવિલ હોસ્પિટલના પાછળના ભાગે ઉભેલી એક ફોર વ્હીલ કારમાંથી લાઠી પોલીસે વિદેશી દારૂની કુલ 238 નંગ બોટલો ઝડપી પાડી છે. પોલીસને મળેલી ચોક્કસ બાતમીના આધારે આ દરોડો પાડવામાં આવ્યો હતો, જેમાં સરકારી સંસ્થાના પટાંગણનો દારૂ છુપાવવા માટે ઉપયોગ થતો હોવાનું ખુલતા ચકચાર મચી ગઈ છે.સિવિલ હોસ્પિટલના કોન્ટ્રાક્ટ કર્મચારીની સંડોવણી પોલીસ તપાસમાં ચોંકાવનારી વિગત સામે આવી છે કે, જે કારમાંથી દારૂનો જથ્થો મળ્યો છે તે સિવિલ હોસ્પિટલમાં જ ડાયાલિસિસ વિભાગમાં કોન્ટ્રાક્ટ બેઝ પર ફરજ બજાવતા પૃથ્વીરાજ મોડાવડીયા નામની વ્યક્તિની છે. હોસ્પિટલના પટાંગણમાં જ સેવાના ઓઠા હેઠળ આ ગેરકાયદેસર પ્રવૃત્તિ ચાલી રહી હોવાની માહિતી મળતા સ્થાનિક આરોગ્ય વિભાગમાં પણ દોડધામ મચી ગઈ છે. ડાયાલિસિસ વિભાગ જેવા સંવેદનશીલ વિભાગ સાથે સંકળાયેલા કર્મચારીનું નામ ખુલતા અનેક સવાલો ઉભા થયા છે. પોલીસે રૂ.75,000થી વધુનો મુદ્દામાલ જપ્ત કર્યો લાઠી પોલીસે આ કાર્યવાહી દરમિયાન વિદેશી દારૂ અને કાર સહિત કુલ રૂ.75,572નો મુદ્દામાલ જપ્ત કર્યો છે. હાલ પોલીસે દારૂનો જથ્થો કબજે કરી આરોપી પૃથ્વીરાજ મોડાવડીયા વિરુદ્ધ ગુનો દાખલ કરવાની તજવીજ હાથ ધરી છે. આ દારૂ ક્યાંથી લાવવામાં આવ્યો હતો અને અન્ય કોઈ વ્યક્તિ આ રેકેટમાં સામેલ છે કે કેમ, તે દિશામાં પોલીસે તપાસના ચક્રો ગતિમાન કર્યા છે. સરકારી દવાખાના પાછળથી દારૂ ઝડપાતા બુટલેગરો હવે સુરક્ષિત સ્થળો તરીકે સરકારી વસાહતોનો ઉપયોગ કરી રહ્યા હોય તેમ જણાય છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
