Community News & Updates

Stay informed with the latest happenings, achievements, and announcements from our community.

All News

calendar_today April 17, 2026

Bhavnagar : તસ્કરોનો આતંક, વોરા બજારમાં સોનીની દુકાનના તાળા તોડી CCTV તોડ્યા, વેપારીઓમાં ફફડાટ

ભાવનગરમાં તસ્કરોએ જાણે પોલીસનો ડર ગુમાવી દીધો હોય તેમ શહેરની મુખ્ય બજારમાં ચોરીની ઘટનાને અંજામ આપ્યો છે. શહેરના હાર્દ સમાન ગણાતા વોરા બજાર વિસ્તારમાં આવેલી એક સોનીની દુકાનને નિશાન બનાવી તસ્કરો હજારોની રોકડ મત્તાની ચોરી કરી ફરાર થઈ ગયા છે.ચોરીની મોડસ ઓપરેન્ડી મોડી રાત્રે ત્રાટકેલા તસ્કરોએ સોનીની દુકાનના તાળા તોડી અંદર પ્રવેશ કર્યો હતો. દુકાનમાંથી આશરે 10 હજાર રૂપિયાની રોકડ રકમની ચોરી થઈ હોવાનું પ્રાથમિક તપાસમાં બહાર આવ્યું છે. ચોરી કર્યા બાદ તસ્કરોએ પોતાની ઓળખ છુપાવવા માટે દુકાનમાં લાગેલા CCTV કેમેરા અને સિસ્ટમને પણ નુકસાન પહોંચાડ્યું હતું અને પુરાવા નાશ કરવાનો પ્રયાસ કર્યો હતો. વેપારીઓમાં ભયનો માહોલ જોકે, તસ્કરોની આ કરતૂતના કેટલાક CCTV ફૂટેજ સામે આવ્યા છે, જેના આધારે પોલીસે તપાસ તેજ કરી છે. વોરા બજાર જેવી વ્યસ્ત બજારમાં ચોરીની ઘટના બનતા સ્થાનિક સોની વેપારીઓમાં રોષ અને ભય જોવા મળી રહ્યો છે. હાલમાં ભોગ બનનાર વેપારીએ પોલીસને જાણ કરી છે અને ફરિયાદ નોંધાવવાની તજવીજ હાથ ધરી છે. ભાવનગર પોલીસે CCTV ફૂટેજના આધારે તસ્કરોનું પગેરું દબાવવા માટે ચક્રો ગતિમાન કર્યા છે. આ પણ વાંચો----    Local Body Elections 2026 : સુરત કોંગ્રેસના ઉમેદવારનો ગંભીર આરોપ, મને ફોર્મ પરત લેવા માટે 75 લાખની ઓફર કરાઇ હતી, રાજકારણમાં ગરમાવો

Read Full Story arrow_forward

calendar_today April 17, 2026

Aravalli News: બાયડમાં ચતુર્થ સર્વજ્ઞાતિય સમૂહલગ્ન, CMના હસ્તે 111 યુગલોને પાનેતર-શેરવાનું વિતરણ કરાયું, 1 મેના રોજ યોજાશે ભવ્ય સમૂહ લગ્ન

અરવલ્લી જિલ્લાના બાયડ ટાઉનહોલ ખાતે આજે ભારે ઉત્સાહ અને ઉમંગનો માહોલ જોવા મળ્યો હતો. અરવલ્લી જિલ્લા ચેરિટેબલ ટ્રસ્ટ દ્વારા આયોજિત 'ચતુર્થ સર્વજ્ઞાતિય સમૂહલગ્ન'ના પૂર્વ તૈયારી રૂપે આયોજિત કપડાં વિતરણ કાર્યક્રમમાં રાજ્યના મુખ્યમંત્રીએ ખાસ હાજરી આપી હતી. મુખ્યમંત્રીએ નવદંપતીઓને આશીર્વાદ પાઠવ્યા હતા અને સેવાકીય પ્રવૃત્તિને બિરદાવી હતી.111 યુગલો માટે પાનેતર અને શેરવાનીનું વિતરણ આ સમૂહ લગ્ન મહોત્સવમાં કુલ 111 નવયુગલો પ્રભુતામાં પગલાં પાડવાના છે. કાર્યક્રમ દરમિયાન આ 111 દીકરીઓને સુંદર પાનેતર અને દીકરાઓને ભવ્ય શેરવાનીનું વિતરણ કરવામાં આવ્યું હતું. ટ્રસ્ટ દ્વારા આયોજિત આ કાર્યક્રમનો ઉદ્દેશ્ય મધ્યમ અને ગરીબ વર્ગના પરિવારોને લગ્ન પ્રસંગના ખર્ચમાં રાહત આપી સામાજિક સમરસતા વધારવાનો છે. અરવલ્લી જિલ્લા ચેરિટેબલ ટ્રસ્ટનું ભગીરથ કાર્ય અરવલ્લી જિલ્લા ચેરિટેબલ ટ્રસ્ટ છેલ્લા ઘણા સમયથી સામાજિક ઉત્થાનના કાર્યો કરી રહ્યું છે. ટ્રસ્ટ દ્વારા આ ચોથો સર્વજ્ઞાતિય સમૂહ લગ્ન મહોત્સવ યોજવામાં આવી રહ્યો છે. આ આયોજનમાં કોઈ પણ જ્ઞાતિના ભેદભાવ વગર સર્વ સમાજના યુગલોને સ્થાન આપવામાં આવ્યું છે, જે સમાજ માટે એક ઉત્તમ ઉદાહરણ પૂરું પાડે છે. ગુજરાત સ્થાપના દિને એટલે કે 1 મેના રોજ જામશે ચોરી આ ભવ્ય સમૂહ લગ્ન મહોત્સવ આગામી 1 મેના રોજ યોજાનાર છે. નોંધનીય છે કે, 1 મે એ ગુજરાત સ્થાપના દિવસ પણ છે, ત્યારે બાયડની ધરતી પર 111 યુગલો એકસાથે લગ્નગ્રંથિથી જોડાશે. આ પ્રસંગને યાદગાર બનાવવા માટે ટ્રસ્ટ અને સ્થાનિક તંત્ર દ્વારા અત્યારથી જ પૂરજોશમાં તૈયારીઓ શરૂ કરી દેવામાં આવી છે. આ પણ વાંચો - Aravalli: સભામાં બાળકીએ વ્યક્ત કરી CM ના સન્માનની ઈચ્છા, મુખ્યમંત્રીએ દીકરીને સ્ટેજ પર તેડાવી જીત્યું દિલ

Read Full Story arrow_forward

calendar_today April 17, 2026

Vadodara News: કરજણના વલણ ગામે ભંગારના ગોડાઉનમાં લાગી ભીષણ આગ

વડોદરા જિલ્લાના કરજણ તાલુકાના વલણ ગામમાં આજે આગની એક ગંભીર ઘટના સામે આવી છે. ગામની સીમમાં આવેલા એક ભંગારના ગોડાઉનમાં અચાનક ભીષણ આગ ફાટી નીકળી હતી. ગોડાઉનમાં પ્લાસ્ટિક, લોખંડ અને અન્ય જ્વલનશીલ ભંગારનો જથ્થો હોવાને કારણે આગે જોતજોતામાં વિકરાળ સ્વરૂપ ધારણ કરી લીધું હતું. આકાશમાં દૂર-દૂર સુધી કાળા ધુમાડાના ગોટેગોટા જોવા મળતા ગ્રામજનોમાં ભારે ફફડાટ અને અફરાતફરીનો માહોલ સર્જાયો હતો.ફાયર બ્રિગેડ દ્વારા યુદ્ધના ધોરણે કામગીરી આગની ઘટનાની જાણ થતા જ કરજણ ફાયર ફાઇટરની ટીમ તાત્કાલિક ઘટના સ્થળે પહોંચી ગઈ હતી. ફાયર ફાઈટરોએ સતત પાણીનો મારો ચલાવી આગ પર કાબૂ મેળવવાની તજવીજ હાથ ધરી છે. આસપાસ અન્ય રહેણાંક વિસ્તાર કે ખેતરો હોવાથી આગ વધુ ન પ્રસરે તે માટે ફાયર વિભાગ દ્વારા સતર્કતા રાખવામાં આવી રહી છે. સદનસીબે, હજુ સુધી આ ઘટનામાં કોઈ જાનહાનિના સમાચાર પ્રાપ્ત થયા નથી. આગનું કારણ હજુ અકબંધ ભંગારના આ ગોડાઉનમાં આગ કયા કારણોસર લાગી તે હજુ જાણી શકાયું નથી. શોર્ટ સર્કિટને કારણે આગ લાગી કે અન્ય કોઈ કારણોસર, તે અંગે ફાયર વિભાગ અને સ્થાનિક પોલીસ દ્વારા તપાસ હાથ ધરવામાં આવશે. આગ પર સંપૂર્ણ નિયંત્રણ મેળવ્યા બાદ જ નુકસાનીનો સાચો આંકડો સામે આવશે. હાલમાં પ્રાથમિકતા આગને બુઝાવવાની છે જેથી વધુ નુકસાન અટકાવી શકાય. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward