Allahabad High Court: રાહુલ ગાંધી સામે FIR દાખલ કરવા HCનો આદેશ, બેવડી નાગરિકતાનો આરોપ
કોંગ્રેસના સાંસદ અને વિપક્ષના નેતા રાહુલ ગાંધી શુક્રવારે બેવડી નાગરિકતા મુદ્દે કાનૂની મુશ્કેલીઓનો સામનો કરી રહ્યા છે. અલ્હાબાદ હાઈકોર્ટે રાહુલ ગાંધી સામે FIR નોંધવાનો આદેશ આપ્યો છે. અલ્હાબાદ હાઈકોર્ટની લખનૌ બેન્ચે કેસ નોંધવા માટે આ નિર્દેશ જાહેર કર્યો છે. હાઈકોર્ટે જણાવ્યું હતું કે રાહુલ ગાંધી સામે લગાવવામાં આવેલા આરોપોની તપાસ થવી જોઈએ. તેણે ઉત્તર પ્રદેશ સરકારને આદેશ આપ્યો છે કે તે તપાસ પોતે કરે અથવા કેન્દ્રીય એજન્સી દ્વારા કરાવે.રાહુલ ગાંધી પર શું છે આરોપ ? રાહુલ ગાંધી પર એક સાથે ભારત અને બ્રિટન બંનેની નાગરિકતા રાખવાનો આરોપ છે. આ સંદર્ભમાં, વિગ્નેશ શિશિરે હાઈકોર્ટમાં અરજી દાખલ કરી હતી, જેમાં દાવો કરવામાં આવ્યો હતો કે રાહુલ પાસે બે અલગ અલગ દેશોના પાસપોર્ટ હોઈ શકે છે - જે ભારતીય કાયદાનું ઉલ્લંઘન છે. આ મામલે હાઈકોર્ટમાં ઘણા સમયથી સુનાવણી ચાલી રહી હતી. કોર્ટે અગાઉ સરકારને સંબંધિત રેકોર્ડ રજૂ કરવા કહ્યું હતું. BJP નેતાએ કરી હતી અરજી આ પહેલા, 28 જાન્યુઆરીના રોજ, લખનૌની એક ખાસ MP/MLA કોર્ટે રાહુલ ગાંધી સામે FIR નોંધવાની માંગ કરતી શિશિરની અરજીને ફગાવી દીધી હતી. ત્યારબાદ શિશિરે તે નિર્ણયને પડકારવા માટે ફરી એકવાર હાઈકોર્ટનો સંપર્ક કર્યો હતો. MP/MLA કોર્ટે જણાવ્યું હતું કે નાગરિકતાના મુદ્દા પર નિર્ણય લેવાનો અધિકારક્ષેત્ર તેમની પાસે નથી. અરજદાર રાહુલ ગાંધી વિરુદ્ધ FIR નોંધવાની માંગ કરી રહ્યા છે અને આ મામલાની વ્યાપક તપાસની માંગ કરી રહ્યા છે. તેમણે ભારતીય ન્યાય સંહિતા (BNS), સત્તાવાર ગુપ્તતા અધિનિયમ, વિદેશી અધિનિયમ અને પાસપોર્ટ અધિનિયમ હેઠળ રાહુલ ગાંધી વિરુદ્ધ અનેક આરોપો લગાવ્યા છે. અગાઉ આ મામલાની સુનાવણી કરતી વખતે, બેન્ચે કેન્દ્ર સરકારને પૂછ્યું હતું કે રાહુલ ગાંધીની કથિત બ્રિટિશ નાગરિકતા અંગે મળેલી ફરિયાદો અંગે તેમણે શું પગલાં લીધાં છે.
Read Full Story arrow_forward
