Community News & Updates

Stay informed with the latest happenings, achievements, and announcements from our community.

All News

calendar_today April 17, 2026

Local body election: સુરતમાં ભાજપના ઉમેદવારે BA પહેલા MA કરી લીધું, ગંભીર છબરડો હોવા છતાં ફોર્મ કેમ મંજૂર થયું?

ગુજરાતમાં ફોર્મની ચકાસણી દરમિયાન વિપક્ષ અને અપક્ષ ઉમેદવારોના ફોર્મ ધડાધડ રદ થતા હતાં. બીજી તરફ કેટલાક ઉમેદવારોએ પોતાના ફોર્મ પરત ખેંચી લીધા હતાં. પરંતુ સુરતમાં ફોર્મની ચકાસણી પૂર્ણ થયાના બે દિવસ બાદ એક ઉમેદવારના સોગંદનામાની ચર્ચા શરૂ થઈ ગઈ છે. વોર્ડ નંબર 29ના ભાજપના મહિલા ઉમેદવારે BA પહેલા MA કરી લીધું હોવાનો ભૂલથી ઉલ્લેખ કર્યો હતો. ફોર્મમાં ભૂલ હોવા છતાં આ ફોર્મ મંજૂર કેવી રીતે થયું તે અંગે અનેક સવાલો ઉભા થયાં છે. સુધા પાંડેના ફોર્મમાં ક્ષતિ હોવાનું બહાર આવ્યું સુરત મહાનગર પાલિકાની ચૂંટણીમાં વોર્ડ નંબર 29ના ભાજપના મહિલા ઉમેદવાર સુધા પાંડેના ફોર્મમાં ક્ષતિ હોવાનું બહાર આવ્યું છે. તેમના ફોર્મના સોગંદનામામાં શૈક્ષણિક લાયકાતને લઈને ચર્ચાઓ શરૂ થઈ છે. તેમની શૈક્ષણિક વિગતોમાં હાસ્યાસ્પદ ગંભીર છબરડો બહાર આવ્યો છે. તેમણે સોગંદનામામાં BA પહેલા MAની ડિગ્રી મેળવી હોવાનું જણાવ્યું છે. ભાજપના ઉમેદવાર સુધા પાંડેએ બીએની ડિગ્રી 1997માં મેળવી હતી. જ્યારે MAની ડિગ્રી 1996માં મેળવી હોવાનું સોગંદનામામાં જણાવ્યું છે. ગંભીર છબરડો હોવા છતાં ફોર્મ કેમ રદ ના થયું જયારે ફોર્મની ચકાસણી થતી હતી ત્યારે તપાસમાં જ આવા છબરડાની ગંભીર નોંધ લઈને ફોર્મ રદ કરવું જોઈતુ હતું. વોર્ડ નંબર 29માં આ વિવાદ હવે વધુ વકરી રહ્યો છે અને ઉમેદવારની પ્રામાણિકતા અને લાયકાત અંગે ચર્ચાઓએ જોર પકડ્યું છે. બીજી તરફ એવા પણ સવાલો ઉભા થયાં છે કે, કોંગ્રેસ અને આમ આદમી પાર્ટી સહિતના વિપક્ષના ઉમેદવારોના ફોર્મમાં નાનામાં નાની ક્ષતિને જોઈને તાત્કાલિક ફોર્મ રદ કરી દેવાયા પણ ભાજપના ઉમેદવારોના ફોર્મમાં કોઈ ઝીણવટ ભરી તપાસ કરાઈ નથી. હવે આ વિવાદ કેટલી હદે વકરશે તે સમય બતાવશે. આ પણ વાંચોઃ Local body election 2026: મેઘપર ટીટોડી ગામમાં વિકાસના અભાવે ચૂંટણી બહિષ્કારની જાહેરાત

Read Full Story arrow_forward

calendar_today April 17, 2026

Parliament Special Session 2026 : ઉપસભાપતિ હરિવંશજીને PM મોદીએ પાઠવી શુભકામના

હરિવંશજીનો અનુભવ કાર્યશૈલી સન્માનને પાત્ર. રાજ્યસભાના ઉપસભાપતિ તરીકે સતત ત્રીજી વાર ચૂંટાઈ આવવું એ પોતે જ સભાનો તેમના પ્રત્યેનો ઊંડો વિશ્વાસ દર્શાવે છે. છેલ્લા સમયગાળા દરમિયાન તેમના અનુભવથી સભાને જે લાભ મળ્યો છે અને સૌને સાથે લઈને ચાલવાનો તેમનો પ્રયાસ રહ્યો છે, તેને આજે સભાએ એક રીતે મંજૂરી આપી છે. આ એક રીતે અનુભવનું સન્માન છે, સહજ કાર્યશૈલીનો સન્માન છે અને તેની સ્વીકૃતિ પણ છે. અમે સૌએ હરિવંશજીના નેતૃત્વમાં સભાની શક્તિને વધુ અસરકારક બનતી જોઈ છે. હરિવંશજીએ પત્રકારિતા અને જાહેર જીવનમાં અમૂલ્ય યોગદાન આપ્યું છે. તેઓ એક માનનીય બુદ્ધિજીવી અને વિચારક છે અને તેમના ઉંડાણપૂર્વકના વિચારો તથા અંતર્દૃષ્ટિએ છેલ્લા કેટલાક વર્ષોમાં સભાની કાર્યવાહી વધુ સમૃદ્ધ બનાવી છે.https://x.com/ANI/status/2045019505307619665 ઉપસભાપતિ તરીકે તેમનો નવો કાર્યકાળ પણ એ જ ભાવના, સંતુલન અને સમર્પણ સાથે આગળ વધશે. આપ સૌના પ્રયત્નોથી સભાની ગૌરવતા નવા શિખરોને સ્પર્શ કરશે.

Read Full Story arrow_forward

calendar_today April 17, 2026

Strait of Hormuz ને લઇને ભારત આક્રમક મૂડમાં, UN માં ભારતનું સ્પષ્ટ નિવેદન, જહાજોને નિશાન બનાવવું અસ્વીકાર્ય

મધ્ય પૂર્વમાં ઈરાન, અમેરિકા અને ઈઝરાયેલ વચ્ચે ચાલી રહેલા તણાવની વચ્ચે હોર્મુઝ સ્ટ્રેટ (Hormuz Strait) વૈશ્વિક ચિંતાનું કેન્દ્ર બન્યું છે. સંયુક્ત રાષ્ટ્રમાં ભારતે આ મામલે પોતાનું વલણ સ્પષ્ટ કરતા જણાવ્યું છે કે વાણિજ્યિક જહાજોને નિશાન બનાવવાની ઘટનાઓ કોઈપણ સંજોગોમાં ચલાવી લેવામાં આવશે નહીં. ભારતે આંતરરાષ્ટ્રીય સમુદાયને વિનંતી કરી છે કે આ વ્યૂહાત્મક જળમાર્ગમાં વહેલી તકે સુરક્ષિત પરિવહન પુનઃસ્થાપિત કરવામાં આવે. ભારત માટે હોર્મુઝનું મહત્વ સંયુક્ત રાષ્ટ્રમાં ભારતના કાયમી પ્રતિનિધિ, રાજદૂત હરીશ પી. એ 'મધ્ય પૂર્વની સ્થિતિ' પર આયોજિત જનરલ એસેમ્બલીની ચર્ચામાં ભાગ લેતા દરિયાઈ સુરક્ષા પર ભાર મૂક્યો હતો. તેમણે સ્પષ્ટ કર્યું કે ભારતની ઊર્જા સુરક્ષા અને આર્થિક હિતો હોર્મુઝ સ્ટ્રેટ સાથે સીધી રીતે જોડાયેલા છે. ઉલ્લેખનીય છે કે, ઈરાન અને ઓમાન વચ્ચેનો આ 55 કિલોમીટર પહોળો માર્ગ વિશ્વના કુલ તેલ વેપારના આશરે 20% હિસ્સાનું વહન કરે છે. કોઈપણ અવરોધ ભારતમાં તેલના પુરવઠા અને કિંમતો પર સીધી અસર કરી શકે છે. નિર્દોષ નાગરિકો અને નાવિકોની સુરક્ષા ભારતે અત્યંત દુઃખ સાથે નોંધ્યું કે આ સંઘર્ષમાં માત્ર જહાજોને નુકસાન નથી થયું, પરંતુ નિર્દોષ ભારતીય નાવિકોએ પણ જીવ ગુમાવ્યા છે. રાજદૂત હરીશ પી. એ જણાવ્યું હતું કે, વાણિજ્યિક જહાજોને લશ્કરી હુમલાનું લક્ષ્ય બનાવવું એ આંતરરાષ્ટ્રીય કાયદાનું ઉલ્લંઘન છે. નિર્દોષ ક્રૂ સભ્યોના જીવ જોખમમાં મૂકવા અને વેપારની સ્વતંત્રતાને અવરોધવી એ સંપૂર્ણપણે અસ્વીકાર્ય છે. શાંતિ અને સંયમની અપીલ ભારતે ફેબ્રુઆરીમાં ફાટી નીકળેલી દુશ્મનાવટ બાદ તમામ પક્ષોને સંયમ રાખવા અને નાગરિકોની સુરક્ષાને પ્રાથમિકતા આપવા હાકલ કરી છે. ભારતીય પ્રતિનિધિએ ભારપૂર્વક જણાવ્યું કે,બધા દેશોએ એકબીજાની સાર્વભૌમત્વ અને પ્રાદેશિક અખંડિતતાનું સન્માન કરવું જોઈએ.મુખ્ય મુદ્દાઓનો ઉકેલ યુદ્ધના બદલે સંવાદ અને રાજદ્વારી માધ્યમો દ્વારા લાવવો જોઈએ. આંતરરાષ્ટ્રીય સમુદાયે સાથે મળીને ખાડી ક્ષેત્રમાં તણાવ ઓછો કરવાના પ્રયાસો કરવા જોઈએ. વૈશ્વિક પ્રયાસોમાં ભારતની ભાગીદારી હોર્મુઝ સ્ટ્રેટને ફરીથી સુરક્ષિત રીતે ખોલવા માટે ભારતે તાજેતરમાં યુકેમાં યોજાયેલી 60 થી વધુ દેશોની બેઠકમાં પણ સક્રિય ભૂમિકા ભજવી હતી. છેલ્લા એક મહિનાથી યુએસ-ઈઝરાયેલ-ઈરાન સંઘર્ષને કારણે આ માર્ગ પ્રભાવિત થયો છે, જેની અસર વૈશ્વિક સપ્લાય ચેઈન પર પડી રહી છે. ભારતનું આ નિવેદન સ્પષ્ટ કરે છે કે તે પોતાના નાગરિકોની સુરક્ષા અને આર્થિક સ્થિરતા માટે આંતરરાષ્ટ્રીય મંચ પર કોઈ બાંધછોડ કરવા તૈયાર નથી.આ પણ વાંચોઃ પોતાનો જ વર્લ્ડ રેકોર્ડ તોડવા નીકળ્યો Everest Man, 32મી વખત વિશ્વનું શિખર સર કરી નિવૃત્તિ લેશે કામી રીટા શેરપા

Read Full Story arrow_forward