Surat: મિલેનિયમ માર્કેટ-1 માં ભીષણ આગ ફાટી નીકળી, ફાયર વિભાગે 'મેજર કોલ' જાહેર કર્યો
કાપડ નગરી સુરતના રિંગ રોડ પર આવેલી જાણીતી મિલેનિયમ માર્કેટ-1 માં આજે અચાનક આગ ફાટી નીકળતા દોડધામ મચી ગઈ હતી. માર્કેટના પહેલા માળે આવેલી દુકાનોમાં લાગેલી આગે જોતજોતામાં વિકરાળ સ્વરૂપ ધારણ કરી લેતા અફરાતફરીનો માહોલ સર્જાયો હતો. ફાયર વિભાગ દ્વારા તાત્કાલિક કાર્યવાહી કરી આગ પર કાબૂ મેળવવામાં આવ્યો છે.મિલેનિયમ માર્કેટ-1 માં આગમળતી માહિતી મુજબ, રિંગ રોડ પર આવેલી મિલેનિયમ માર્કેટ-1 ના પહેલા માળે આવેલી 'વૈભવી ક્રિએશન' નામની દુકાન અને તેની આસપાસની અન્ય બે દુકાનોમાં અચાનક આગ લાગી હતી. કાપડનો જથ્થો હોવાને કારણે આગ ઝડપથી ફેલાઈ હતી અને માર્કેટમાં કાળા ધુમાડાના ગોટેગોટા જોવા મળ્યા હતા. ઘટનાની જાણ થતા જ ફાયર વિભાગનો કાફલો ઘટનાસ્થળે દોડી આવ્યો હતો.ફાયર વિભાગની કામગીરીઆગની ગંભીરતાને ધ્યાનમાં રાખીને ફાયર વિભાગ દ્વારા 'મેજર કોલ' જાહેર કરવામાં આવ્યો હતો. શહેરના વિવિધ ફાયર સ્ટેશનોથી કુલ 15 જેટલી ગાડીઓ ઘટનાસ્થળે પહોંચી હતી. ફાયરના જવાનોએ ચારે બાજુથી પાણીનો મારો ચલાવીને અંદાજે કલાકોની જહેમત બાદ આગ પર સંપૂર્ણ કાબૂ મેળવ્યો હતો. સદનસીબે આ દુર્ઘટનામાં કોઈ જાનહાનિના સમાચાર નથી, જે મોટી રાહતની વાત છે.આ પણ વાંચો: Local body Election 2026: દૂધધારા ડેરીની ચૂંટણીમાં બગાવત કરનારા જંબુસરના 6 આગેવાનોનું સસ્પેન્શન રદ, ભાજપ સંગઠન ફરી મજબૂત
Read Full Story arrow_forward
