Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 14 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
સુરત જિલ્લા સ્પેશિયલ ઓપરેશન ગ્રુપ એ નશાના કારોબારીઓ સામે લાલ આંખ કરી છે. બાતમીના આધારે પલસાણા ચોકડી પાસે ફિલ્મી ઢબે વોચ ગોઠવીને પોલીસે એક ટ્રકમાંથી ₹32.10 લાખની કિંમતનો 321 કિલો ગાંજો ઝડપી પાડ્યો છે. આ કેસમાં પોલીસે બે આરોપીઓની ધરપકડ કરી છે, જ્યારે અન્ય ચાર આરોપીઓને વોન્ટેડ જાહેર કર્યા છે.ટ્રકમાં બનાવેલા ખાસ 'ચોરખાના'માંથી મળ્યો જથ્થો પકડાયેલા આરોપીઓ સાહિલ પઠાણ અને અફરોઝ પઠાણ (બંને રહેવાસી-મહારાષ્ટ્ર) ઓરિસ્સાના ખુરદા નજીકથી ગાંજાનો આ મસમોટો જથ્થો લઈને સુરત આવી રહ્યા હતા. પોલીસને થાપ આપવા માટે ટ્રકની બોડીમાં ખાસ 'ચોરખાના' બનાવવામાં આવ્યા હતા. જોકે, એસઓજીની ટીમે સચોટ બાતમીના આધારે પલસાણા ચોકડી પર ટ્રકને આંતરી હતી અને ઝીણવટભરી તપાસ કરતા અંદરથી ગાંજાની ગુણીઓ મળી આવી હતી. કરોડોનો મુદ્દામાલ અને વોન્ટેડ આરોપીઓ પોલીસે ગાંજો, ટ્રક અને મોબાઈલ ફોન સહિત કુલ ₹1,76,39,000 નો મુદ્દામાલ જપ્ત કર્યો છે. પ્રાથમિક પૂછપરછમાં સામે આવ્યું છે કે આ જથ્થો સુરત શહેરમાં સપ્લાય કરવાનો હતો. આ રેકેટમાં સંડોવાયેલા અન્ય ચાર શખ્સોને પકડવા માટે પોલીસે ચક્રો ગતિમાન કર્યા છે. સુરત જિલ્લા પોલીસની આ કાર્યવાહીથી ડ્રગ માફિયાઓમાં ભારે ફફડાટ વ્યાપી ગયો છે.આ પણ વાંચો---- Local Body Elections 2026 : મંત્રી ઋષિકેશ પટેલના કોંગ્રેસ પર પ્રહાર, મહેસાણામાં ચૂંટણી પહેલા જ કોંગ્રેસ વિખેરાઈ, વિપક્ષ પાસે ઉમેદવાર જ ન હોવાનો દાવો
Read Full Story arrow_forward
ગાંધીનગર પાસે આવેલી રાષ્ટ્રીય રક્ષા યુનિવર્સિટી (RRU) ખાતે પાંચમો દીક્ષાંત સમારોહ સંપન્ન થયો હતો. આ પ્રસંગે રાષ્ટ્રપતિ દ્રૌપદી મુર્મુએ અધ્યક્ષપદ સંભાળ્યું હતું અને દેશની સુરક્ષા વ્યવસ્થાને આધુનિક બનાવવા પર ભાર મૂક્યો હતો. કાર્યક્રમમાં રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ અને રાષ્ટ્રીય સુરક્ષા સલાહકાર અજીત ડોવાલ વિશેષ ઉપસ્થિત રહ્યા હતા. આ સમારોહમાં વિવિધ વિદ્યાશાખાના કુલ 562 વિદ્યાર્થીઓને પદવી એનાયત કરવામાં આવી હતી.આધુનિક સુરક્ષા અને આત્મનિર્ભર ભારત રાષ્ટ્રપતિએ તેમના સંબોધનમાં જણાવ્યું હતું કે દેશની સુરક્ષા હવે માત્ર ભૌગોલિક સરહદો કે પરંપરાગત હથિયારો સુધી સીમિત રહી નથી. ડિજિટલ યુગમાં સાયબર સુરક્ષા, ડેટા સુરક્ષા અને કૂટનીતિ સમાન રીતે મહત્વપૂર્ણ બની ગયા છે. ભારત સંરક્ષણ સાધનોના ઉત્પાદનમાં આત્મનિર્ભર બને તે દિશામાં સરકાર નક્કર પ્રયાસો કરી રહી છે. યુનિવર્સિટી દ્વારા 'ડીપ ટેક' ક્ષેત્રે ઉદ્યોગો સાથે કરવામાં આવેલું જોડાણ દેશના આર્થિક અને સુરક્ષા પરિવેશ માટે પ્રશંસનીય પગલું છે. ટેકનોલોજી અને સાયબર સુરક્ષાનું મહત્વ વર્તમાન સમયમાં સાયબર ક્રાઈમ અને ફિશિંગ એટેક જેવા જોખમો સામે લડવા માટે ટેકનિકલ કૌશલ્ય ધરાવતા પોલીસ અધિકારીઓની અનિવાર્યતા છે. રાષ્ટ્રપતિએ નોંધ્યું હતું કે 'ઇન્ડિયા એઆઈ મિશન' અને આર્ટિફિશિયલ ઇન્ટેલિજન્સ ભારતની સુરક્ષા નીતિમાં ગેમ-ચેન્જર સાબિત થશે. સાયબર સુરક્ષા એ માત્ર ટેકનિકલ વિષય નથી, પરંતુ ડિજિટલ વિશ્વાસનું અભિન્ન અંગ છે. આ ઉપરાંત, ન્યાયિક પ્રક્રિયાને મજબૂત કરવા માટે સચોટ પુરાવા રજૂ કરી શકે તેવા ફોરેન્સિક નિષ્ણાતો તૈયાર કરવા પર પણ ભાર મૂકવામાં આવ્યો હતો. નારી શક્તિ અને રાષ્ટ્ર નિર્માણ પદવીદાન સમારોહમાં એન્જિનિયરિંગ અને સુરક્ષા જેવા ક્ષેત્રોમાં વિદ્યાર્થિનીઓના ઉત્કૃષ્ટ પ્રદર્શનને રાષ્ટ્રપતિએ બિરદાવ્યું હતું. મેડલ મેળવવામાં દીકરીઓની અગ્રેસરતા વિકસિત ભારતના સબળ ચિત્રને રજૂ કરે છે. તેમણે યુવા પેઢીને દેશના સુરક્ષિત અને ઉજ્જવળ ભવિષ્યનો આધાર ગણાવી, તેમને રાષ્ટ્ર પ્રથમના ભાવ સાથે કાર્ય કરવા આહ્વાન કર્યું હતું. રાષ્ટ્રીય સુરક્ષા અને મનોબળ રાષ્ટ્રીય સુરક્ષા સલાહકાર અજીત ડોવાલને આ પ્રસંગે માનદ ડોક્ટરેટની પદવી એનાયત કરવામાં આવી હતી. તેમણે જણાવ્યું હતું કે સુરક્ષા એ માત્ર સૈન્ય શક્તિ નથી, પરંતુ તેમાં રાષ્ટ્રનું મનોબળ અને જનતાની જાગૃતિ મહત્વનો ભાગ ભજવે છે. સુરક્ષાના ક્ષેત્રમાં વિજય જ એકમાત્ર વિકલ્પ છે, કારણ કે પરાજય અસ્તિત્વ પર જોખમ ઊભું કરી શકે છે. શૈક્ષણિક વિઝન અને સંસ્થાકીય પ્રગતિ મુખ્યમંત્રી ભૂપેન્દ્ર પટેલે જણાવ્યું હતું કે 2010માં સ્થાપિત થયેલી આ યુનિવર્સિટી વડાપ્રધાન નરેન્દ્ર મોદીના વિઝનનું પરિણામ છે. આ સંસ્થા પોલીસિંગ, ક્રિમિનલ જસ્ટિસ અને કોસ્ટલ વિજિલન્સ જેવા વિષયોમાં નિષ્ણાતો તૈયાર કરી રહી છે. યુનિવર્સિટીના વાઈસ-ચાન્સેલર બિમલ પટેલે પ્રગતિ અહેવાલ રજૂ કરતા જણાવ્યું હતું કે સંસ્થા જમ્મુ-કાશ્મીર અને અરુણાચલ પ્રદેશ સુધી પોતાની શૈક્ષણિક પ્રવૃત્તિઓનો વિસ્તાર કરી રહી છે, જેનો ઉદ્દેશ્ય પોલીસ દળને વધુ વ્યાવસાયિક અને નાગરિક-કેન્દ્રીય બનાવવાનો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward