Gujaratના DyCM હર્ષ સંઘવીના કોંગ્રેસ પર આકરા પ્રહાર: "ગુજરાતીઓના અપમાનનો બદલો જનતા મતના માધ્યમથી લેશે"
નાયબ મુખ્યમંત્રી હર્ષ સંઘવીએ કર્ણાવતી મહાનગરના વિવિધ વોર્ડમાં વિકાસ સંકલ્પ સભાને સંબોધતા કોંગ્રેસ પર આકરા પ્રહાર કર્યા હતા. તેમણે જણાવ્યું કે રાહુલ ગાંધીના નેતૃત્વમાં સતત હારતી કોંગ્રેસે ફરી એકવાર ગુજરાતીઓ માટે અપશબ્દો બોલીને રાજ્યની અસ્મિતાને ઠેસ પહોંચાડી છે. આ અપમાનનો બદલો જનતા ચૂંટણીમાં મતના માધ્યમથી લેશે.કરફ્યુ મુક્ત ગુજરાત અને સુરક્ષા તેમણે ભૂતકાળની યાદ અપાવતા કહ્યું કે કોંગ્રેસના શાસનમાં અમદાવાદ કરફ્યુ અને અરાજકતાનો સામનો કરતું હતું. નરેન્દ્ર મોદી અને અમિત શાહના નેતૃત્વમાં ભાજપ સરકારે રાજ્યમાં શાંતિ અને સુશાસન સ્થાપ્યું છે. આજે ભાજપના શાસનને કારણે જ રાજ્યની દીકરીઓ મોડી રાત સુધી સુરક્ષિત રીતે ગરબે રમી શકે છે. સામાજિક સમરસતાનું શ્રેષ્ઠ ઉદાહરણ ડૉ. બાબાસાહેબ આંબેડકર જયંતિના સંદર્ભમાં તેમણે જણાવ્યું કે, ઇતિહાસમાં પ્રથમવાર અનુસૂચિત જાતિ-જનજાતિના આગેવાનોએ રાષ્ટ્રપતિ દ્રૌપદી મુર્મુ અને મુખ્યમંત્રી ભૂપેન્દ્ર પટેલ સાથે ભોજન લીધું છે. આ ઘટના ભાજપની સાચી સમરસતા દર્શાવે છે. તેમણે ઉમેર્યું કે 300થી વધુ બેઠકો પર બિનહરીફ વિજય ભાજપ પ્રત્યેના અતૂટ વિશ્વાસની સાબિતી છે. આ કાર્યક્રમમાં સાંસદ હસમુખ પટેલ, શહેર પ્રમુખ પ્રેરક શાહ અને અન્ય પદાધિકારીઓ મોટી સંખ્યામાં ઉપસ્થિત રહ્યા હતા. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
