Suratના સરથાણામાં 'બંધક' યુવતી મુક્ત, દોઢ વર્ષથી થેપલા હાઉસમાં ગોંધી રાખી મફતમાં મજૂરી કરાવાઈ
સુરતના સરથાણા-સીમાડા વિસ્તારમાં માનવ અધિકારોના ચીરેચીરા ઉડાવતી એક ભયાનક ઘટના સામે આવી છે. સંગના સોસાયટીની વાડી પાસે આવેલા 'ભાગ્યોદય થેપલા ભાખરી હાઉસ'ના માલિક સંજયભાઈ દ્વારા એક યુવતીને છેલ્લા દોઢ વર્ષથી બંધક બનાવીને રાખવામાં આવી હતી. કાજલ નામની આ દીકરીને કોઈ પણ જાતના પગાર વગર, ડરાવી-ધમકાવીને મફતમાં કામ કરાવવામાં આવતું હતું. આ ઘટનાએ સ્થાનિક પંથકમાં ભારે રોષ અને અરેરાટી ફેલાવી દીધી છે.દુકાનમાં પુરી રાખવામાં આવતી હતી યુવતીના શોષણની પદ્ધતિ અત્યંત કરૂર હતી. દુકાન માલિક સંજયભાઈ સવારે 4 વાગ્યે દુકાન ખોલતા અને બપોરે 11 વાગ્યે દુકાન બંધ કરતી વખતે યુવતીને અંદર જ પુરીને જતા રહેતા હતા. ફરી સાંજે 4 વાગ્યે આવી રાત્રે 11 વાગ્યા સુધી કામ કરાવી, રાત્રે પણ તેને દુકાનમાં જ કેદ કરી દેવામાં આવતી હતી. લાંબા સમયથી ચાલી રહેલા આ અત્યાચારને કારણે યુવતી અત્યંત ભયભીત અવસ્થામાં જીવી રહી હતી. ટ્રસ્ટની સક્રિયતાથી મળ્યો છુટકારો આ અમાનવીય કૃત્યની જાણ વુમન એમ્પાવરમેન્ટ ચેરિટેબલ ટ્રસ્ટના ચેતનાબેન સાવલીયાને થઈ હતી. માહિતી મળતા જ ચેતનાબેને સતર્કતા દાખવી ભાગ્યોદય થેપલા હાઉસ પર તપાસ હાથ ધરી હતી. સંજયભાઈના શિકંજામાંથી કાજલને સુરક્ષિત રીતે મુક્ત કરાવવામાં આવી હતી. દોઢ વર્ષના લાંબા અને નરક સમાન સમય બાદ કાજલને તેના પરિવાર સાથે સુરક્ષિત રીતે મિલાપ કરાવાયો હતો. આ મામલે હવે પોલીસ દ્વારા દુકાન માલિક વિરુદ્ધ કડક કાયદેસરની કાર્યવાહી કરવામાં આવે તેવી માંગ ઉઠી રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
