Biharમાં મુખ્યમંત્રીના નામને લઈ હલચલ તેજ, ભાજપે શિવરાજ સિંહ ચૌહાણને કેન્દ્રીય નિરીક્ષક બનાવ્યા
બિહારમાં રાજકીય દ્રષ્ટિકોણથી આગામી 2-3 દિવસ ખુબ જ મહત્વના રહેશે. નીતિશ કુમાર સરકારની છેલ્લી કેબિનેટ બેઠક 14 એપ્રિલે યોજાવવાની છે. મળતી માહિતી મુજબ આ દિવસે તે મુખ્યપ્રધાન પદ પરથી રાજીનામું આપી શકે છે. તેની વચ્ચે ધારાસભ્ય દળના નેતાને પસંદ કરવાની હલચલ તેજ બની ગઈ છે. ભાજપ માટે કોણ છે મજબૂત ચેહરા? કેન્દ્રીય કૃષિપ્રધાન શિવરાજ સિંહ ચૌહાણની નિરીક્ષક તરીકે નિમણૂંક કરવામાં આવી છે. ભાજપ વિધાનમંડળ દળની બેઠકમાં શિવરાજ સિંહ ચૌહાણ હાજર રહેશે. ત્યારે ભાજપ માટે સમ્રાટ ચૌધરી એક મજબૂત ચેહરો નજર આવી રહ્યો છે. જો કે જેડીયુના નેતા તેના માટે તૈયાર છે કે નહીં તે મોટો પ્રશ્ન છે. જેડીયુ પોતાની ભૂમિકામાં શું ઈચ્છે છે અને જો નીતિશ કુમાર સક્રિય રાજકારણમાં સીમિત ભૂમિકા ભજવે છે તો પાર્ટીને સંભાળનાર ચેહરો કોણ હશે? આ તમામ પ્રશ્નો પર ચર્ચાઓ તેજ બની છે. શિવરાજ સિંહ ચૌહાણે શું કહ્યું? શિવરાજ સિંહ ચૌહાણને નિરીક્ષક બનાવવામાં આવ્યા બાદ તેમની પ્રતિક્રિયા સામે આવી છે. તેમને કહ્યું કે તે પાર્ટીના કાર્યકર્તા છે અને તેમને જ્યાં પાર્ટી મોકલશે ત્યાં જશે. ત્યારે આ વખતે એવી પણ શક્યતાઓ જોવા મળી રહી છે કે જેડીયૂ 2 ડેપ્યુટી મુખ્યપ્રધાનનો ફોર્મ્યુલા અપનાવી શકે છે. જેમાં વિજય કુમાર ચૌધરીનું નામ મજબૂત દાવેદાર તરીકે આગળ છે. ત્યારે બીજા નંબરે નિશાંત કુમારનું નામ ચર્ચામાં છે. આ બંને લોકોની રાજકીય એન્ટ્રી લગભગ નક્કી માનવામાં આવી રહી છે અને તેમને ધીમે-ધીમે તૈયાર કરવામાં આવી રહ્યા છે. આ પણ વાંચો : Arunachal Pradesh ભારતનો અભિન્ન ભાગ, ચીનને MEAની કડક ચેતવણી
Read Full Story arrow_forward
