Surat: ડીંડોલીમાં રિકવરી એજન્ટોના ત્રાસથી 25 વર્ષની યુવતીનો આપઘાત, શ્રીકૃષ્ણ હેરિટેજના ધાબેથી કૂદી જીવન ટૂંકાવ્યું
સુરતના ડીંડોલી વિસ્તારમાં લોન રિકવરી એજન્ટોની દાદાગીરી અને માનસિક ત્રાસનો વધુ એક ભયાનક કિસ્સો પ્રકાશમાં આવ્યો છે. 25 વર્ષીય સંજના નામની યુવતીએ બેંક લોનના હપ્તાની વસૂલાત માટે એજન્ટો દ્વારા આપવામાં આવતા સતત ત્રાસથી કંટાળીને શ્રીકૃષ્ણ હેરિટેજ ઈમારત પરથી પડતું મૂકી આપઘાત કરી લીધો છે.લોનના હપ્તા અને એજન્ટોનો આતંકમળતી માહિતી મુજબ, સંજનાના પરિવાર પર હોમ લોન અને બે કાર લોન ચાલી રહી હતી. આ લોનના હપ્તાઓની વસૂલાત માટે વિવિધ બેંકોના રિકવરી એજન્ટો અવારનવાર તેમના ઘરે આવતા હતા. એજન્ટો દ્વારા કરવામાં આવતી ઉઘરાણી અને માનસિક ટોર્ચરને કારણે સંજના ભારે તણાવમાં હતી. વારંવારના ત્રાસ અને સામાજિક પ્રતિષ્ઠા ખરડાવાના ડર વચ્ચે 25 વર્ષની આ યુવતીએ આખરે મોત વહાલું કરવાનું નક્કી કર્યું હતું.પરિવારમાં શોકનું મોજુંસંજનાના આપઘાતની ઘટનાથી તેના પરિવાર પર આભ તૂટી પડ્યું છે. તેના પરિવારમાં માતા-પિતા, એક મોટો ભાઈ અને એક મોટી બહેન છે. હસતા-રમતા પરિવારની દીકરીએ એજન્ટોના ત્રાસે જીવ ગુમાવતા સમગ્ર ડીંડોલી વિસ્તારમાં અરેરાટી વ્યાપી ગઈ છે.પોલીસ તપાસ જારીઘટનાની જાણ થતા જ ડીંડોલી પોલીસ કાફલો ઘટનાસ્થળે પહોંચી ગયો હતો અને મૃતદેહને પોસ્ટમોર્ટમ માટે ખસેડવાની કાર્યવાહી હાથ ધરી હતી. પોલીસે રિકવરી એજન્ટો વિરુદ્ધ તપાસ શરૂ કરી છે કે કયા એજન્ટો અને કઈ બેંકના પ્રતિનિધિઓ સંજનાને આપઘાત માટે મજબૂર કરી રહ્યા હતા.આ પણ વાંચો: Ahmedabad: રિવરફ્રન્ટ પર સ્પીડમાં જતી કાર ડિવાઈડર કૂદીને સામા રોડ પર ચઢી ગઈ, એક્ટિવા ચાલકને બચાવવા જતા સર્જાયો અકસ્માત
Read Full Story arrow_forward
