Community News & Updates

Stay informed with the latest happenings, achievements, and announcements from our community.

All News

calendar_today April 7, 2026

Rajkot: ચૂંટણીના માહોલ વચ્ચે કલેક્ટરનું જાહેરનામું, એપ્રિલના ત્રણ દિવસોમાં દારૂના વેચાણ પર રહેશે સંપૂર્ણ પ્રતિબંધ

આગામી લોકશાહીના પર્વ એટલે કે ચૂંટણીને શાંતિપૂર્ણ માહોલમાં સંપન્ન કરાવવા માટે રાજકોટ જિલ્લા વહીવટી તંત્ર સજ્જ બન્યું છે. સુરક્ષા અને કાયદો-વ્યવસ્થા જાળવવાના ભાગરૂપે રાજકોટ જિલ્લા કલેક્ટર ઓમ પ્રકાશે એક મહત્વનું જાહેરનામું બહાર પાડીને શહેરમાં નિયત દિવસો માટે 'ડ્રાય ડે' જાહેર કર્યો છે.શહેરમાં નિયત દિવસો માટે 'ડ્રાય ડે' જાહેરકલેક્ટરના આદેશ અનુસાર, આગામી 25, 26 અને 28 એપ્રિલ દરમિયાન રાજકોટ જિલ્લામાં આવેલી તમામ વાઇન શોપ અને દારૂના વેચાણના અધિકૃત કેન્દ્રો સંપૂર્ણપણે બંધ રહેશે. મતદાન પ્રક્રિયા અને ત્યારબાદની મતગણતરી દરમિયાન કોઈ અનિચ્છનીય ઘટના ન બને તે માટે આ નિર્ણય લેવામાં આવ્યો છે.કડક કાર્યવાહીની ચેતવણીજાહેરનામામાં સ્પષ્ટપણે જણાવવામાં આવ્યું છે કે મતદાન અને મતગણતરીના દિવસે દારૂના વેચાણ કે હેરફેર પર સખત પ્રતિબંધ રહેશે. જો કોઈ પણ વ્યક્તિ કે સંસ્થા આ જાહેરનામાનો ભંગ કરતી ઝડપાશે, તો તેમની સામે કાયદેસરની કડક કાર્યવાહી કરવામાં આવશે.આ પણ વાંચો: Gandhinagar: રાજ્યના વન વિભાગમાં મોટા પાયે બદલીનો ગંજીપો ચીપાયો, ઉચ્ચ અધિકારીઓને અપાઈ નવી જવાબદારી

Read Full Story arrow_forward

calendar_today April 7, 2026

Rajkot News: નકલી કસ્ટમ ઓફિસરોએ ખેલ પાડ્યો, બિહારના દાનપુર પાસે વેપારીનું 25 કરોડનું સોનું લૂંટ્યું

રાજકોટ શહેરના પ્રહલાદ પ્લોટમાં આવેલી કે વી એન્ડ સન્સ પેઢીના કર્મચારીઓને બિહારમાં અપહરણ કરી રૂ.25 કરોડના સોનાની ફિલ્મી ઢબે લૂંટ ચલાવી લેવામાં આવી હતી.બિહારના પટનાના દાનાપુર રેલવે સ્ટેશન નજીક રીક્ષામાં જતા પેઢીના બે કર્મચારીઓ ને રસ્તામાં આંતરી કસ્ટમ અધિકારીની ઓળખ આપી લૂંટ ચલાવવામાં આવી હતી.જેમા 8 જેટલા આરોપીઓ હોવાનુ બહાર આવતા પોલીસે લૂંટમાં ગુનામાં કાર કબજે કરી છે. કેટલાક શંકાસ્પદ શખસોને ઉઠાવી લઈ પુછતાછ કરી છે. બંનેને રસ્તામાં છોડી લૂંટારૂઓ નાસી છૂટયા રાજકોટના મહેશ લલીતભાઈ મામતોરા અને પ્રિન્સ જીતેન્દ્રભાઈ રાણપરીયા બિહારના દાનાપુર રેલવે સ્ટેશનનેથી રીક્ષા મારફતે પટનાના બાકરગંજ જતા હતા. દરમિયાન રસ્તામાં કાર અને બાઈક પર ધસી આવેલા શખસોએ અટકાવી કસ્ટમ ઓફિસર તરીકેની ઓળખ આપી બંને યુવાનોને ચેકિંગના બહાને તેમની પાસે રહેલ બેગ ચેક કરી હતી જેમા ૧૭ કિલો જેટલા સોનાના તૈયાર કરેલા દાગીના હોય કસ્ટમ ચોરીનો માલ છે ઓફિસે લઈ જવા પડશે કહી બંનેનું કારમાં અપહરણ કરી અવાવરું સ્થળે લઈ જઈ ધાક ધમકી આપી ૧૭ કિલો જેટલા સોનાની લૂંટ ચલાવી બંનેને રસ્તામાં છોડી લૂંટારૂઓ નાસી છૂટયા હતા. પોલીસે તુરંત જ નાકાબંધી કરાવી હતી બનાવ અંગે પેઢીના કર્મચારીએ જાણ કરતા પોલીસે તુરંત જ નાકાબંધી કરાવી હતી અને અલગ અલગ દિશામાં તપાસ કરી હતી. દરમિયાન લૂંટમાં ઉપયોગમાં લેવાયેલી કાર રેઢી હાલતમાં મળી આવી હતી. જે પોલીસે કબજે કરી પૂછતાછ કરતા બંન્ને યુવકો રાજકોટની કે.વી. એન્ડ સન્સ પેઢીમાં નોકરી કરતા હોવાનું અને બિહારના વેપારીઓને સોનાના ઘરેણા આ પેઢી દ્વારા સપ્લાય કરતા હોય દાગીના સપ્લાય કરવા આવ્યા હતા.બિહારના દાનાપુર રેલવે સ્ટેશન પર ઉતર્યા હતા. જ્યાં બંને વેપારી પાસે પહોંચે તે પૂર્વે જ સોનાના દાગીનાની લૂંટ ચલાવવામાં આવી હોવાનુ જણાવતા પોલીસે ગુનો નોંધી અલગ અલગ ટીમો બનાવી આરોપીઓને પકડી લેવા કાર્યવાહી કરી છે. 17 કિલો સોનાના દાગીના ભરેલી ત્રણ બેગ લુંટી રાજકોટની પેઢીના બે કર્મચારીને પટનાના દાનાપુર પાસે આંતરી લુંટારૂ ટોળકીએ 17 કિલો સોનાના દાગીના ભરેલી ત્રણ બેગ લુંટી નાસી ગયા હોય જે બેગમાં જીપીએસ સિસ્ટમ હોવાની જાણ થતા પોલીસે તપાસ કરતા ટોળકીએ બેગમાંથી જીપીએસ સિસ્ટમ બંધ કરી ફેકી દિધાનુ બહાર આવ્યુ હતુ. પટનાના દાનાપુર પાસે રસ્તામાં આંતરી કાર અને બાઈકમાં ઘસી આવેલા આઠેક શખસોએ કસ્ટમ અધિકારીની ઓળખ આપી હતી જેમા બધા શખસોએ સફેદ શર્ટ અને ખાખી પેન્ટ પહર્યા હોવાનુ બહાર આવતા આ લુંટમાં પ્લાન બનાવ્યાનું બહાર આવ્યુ હતુ. આ પણ વાંચોઃ Surat: સરદાર સ્કૂલની દાદાગીરી સામે DEOની લાલ આંખ, વિદ્યાર્થીઓને પરીક્ષામાં બેસતા અટકાવતા ફટકાર્યો દંડ

Read Full Story arrow_forward

calendar_today April 7, 2026

Gir Somnath: લાટી ગામે દારૂના અડ્ડાઓ પર પોલીસ ત્રાટકી, 1900 લીટર આથો અને 140 લીટર દારૂ ઝડપાયો

ગીરસોમનાથ જિલ્લામાં પ્રોહિબિશનની પ્રવૃત્તિઓ ડામવા માટે રેન્જ આઈજી રાજેન્દ્રસિંહ ચુડાસમાએ કડક વલણ અખત્યાર કર્યું છે. જે અંતર્ગત સુત્રાપાડાના લાટી ગામમાં ચાલતી દેશી દારૂની ભઠ્ઠીઓ પર આઈજીની સ્ટ્રાઈકિંગ ફોર્સે ઓચિંતો દરોડો પાડી નશાના કાળા કારોબારનો પર્દાફાશ કર્યો છે.ભારે માત્રામાં આથો અને દારૂ જપ્તપોલીસે લાટી ગામે પાડેલા દરોડા દરમિયાન સ્થળ પરથી 140 લીટર તૈયાર દેશી દારૂ અને આશરે 1900 લીટર દારૂ બનાવવાનો આથો ઝડપી પાડ્યો છે. આ સાથે જ ભઠ્ઠીના સાધનો સહિત કુલ રૂ. 1 લાખથી વધુનો મુદ્દામાલ પોલીસ દ્વારા જપ્ત કરવામાં આવ્યો છે.બે આરોપીની ધરપકડ, બે હજુ ફરારપોલીસની આ કાર્યવાહીમાં અલગ-અલગ બે સ્થળોએ રેડ કરવામાં આવી હતીલાટી ગામે દેશી દારૂની ભઠ્ઠી પરથી વિશાલ સોલંકી નામના શખ્સને ઝડપી લેવામાં આવ્યો છે, જ્યારે કાનાભાઈ સોલંકી નામનો આરોપી ફરાર થઈ ગયો છે.: અન્ય એક સ્થળેથી અકરમ મલેક નામના શખ્સની ધરપકડ કરવામાં આવી છે, જ્યારે આ કેસમાં સંડોવાયેલ રમેશ બારડ નામનો શખ્સ પોલીસને હાથ લાગ્યો નથી.આ પણ વાંચો: Rajkot: ચૂંટણીના માહોલ વચ્ચે કલેક્ટરનું જાહેરનામું, એપ્રિલના ત્રણ દિવસોમાં દારૂના વેચાણ પર રહેશે સંપૂર્ણ પ્રતિબંધ

Read Full Story arrow_forward