Kadi: વિકાસના નામે 'લીકેજ'નો ખેલ, કરોડોના ખર્ચે બનેલી પાણીની ટાંકીમાં લોકાર્પણના ગણતરીના દિવસોમાં જ ભ્રષ્ટાચારના ગાબડાં
મહેસાણા જિલ્લાના કડી શહેરમાં વિકાસના દાવાઓ વચ્ચે ભ્રષ્ટાચારનો એક ગંભીર કિસ્સો પ્રકાશમાં આવ્યો છે. કડી નગરપાલિકા દ્વારા કરોડો રૂપિયાના ખર્ચે તૈયાર કરવામાં આવેલી પાણીની ટાંકીમાં લોકાર્પણના ગણતરીના દિવસોમાં જ લીકેજ જોવા મળતા તંત્રની કામગીરી સામે અનેક સવાલો ઉભા થયા છે.કડીમાં પાણીની ટાંકીમાં લીકેજકડીના છબીલા હનુમાન વિસ્તારમાં અંદાજે રૂ. 1.50 કરોડના માતબર ખર્ચે નવી પાણીની ટાંકી બનાવવામાં આવી હતી. આ ટાંકીનું લોકાર્પણ હજુ હમણાં જ રાજ્યના મંત્રી પ્રવિણ માળીએ કર્યું હતું. જોકે, લોકાર્પણના ટૂંકા ગાળામાં જ ટાંકીમાંથી પાણી ટપકવાનું શરૂ થતા જનતાના પરસેવાના દોઢ કરોડ રૂપિયા પાણીમાં ગયા હોય તેવો ઘાટ સર્જાયો છે.ટેસ્ટિંગ વગર જ લોકાર્પણનો આક્ષેપસ્થાનિકો અને વિપક્ષ દ્વારા એવો ગંભીર આક્ષેપ કરવામાં આવી રહ્યો છે કે, સત્તાધીશો અને અધિકારીઓએ વાહવાહી લૂંટવા માટે ટાંકીનું યોગ્ય ટેસ્ટિંગ કર્યા વગર જ મંત્રીના હસ્તે લોકાર્પણ કરાવી દીધું હતું. જો ટાંકીનું પૂરું ટેસ્ટિંગ થયું હોત તો આ લીકેજ વહેલું પકડાઈ ગયું હોત. પરંતુ લોકાર્પણની ઉતાવળમાં નિયમોને નેવે મૂકવામાં આવ્યા હોવાનું ચર્ચાઈ રહ્યું છે.આ પણ વાંચો: Rajkot: પંચાયત ચોક પાસેથી 1.21 લાખના મેફેડ્રોન ડ્રગ્સ સાથે બે આરોપીઓની ધરપકડ
Read Full Story arrow_forward
