Ahmedabad: અત્યાધુનિક ઇન્ટિરિયર અને વિશ્વકક્ષાની સુવિધાઓ સાથે અમૃત ભારત કોચ તૈયાર
ભારતીય રેલવે દ્વારા આગામી પેઢીના 'અમૃત ભારત' કોચના ઇન્ટિરિયર અને અપગ્રેડેશન માટે તૈયાર કરાયેલા સેમ્પલ કોચનું નિર્માણ કરી દેવામાં આવ્યું છે, જેનું નિરીક્ષણ નવી દિલ્હી રેલવે સ્ટેશને રેલવે મંત્રીએ કર્યું હતું. આ કોચ મુસાફરોને વધુ આરામ, સુંદરતા અને ઉન્નત મુસાફરીનો અનુભવ આપવા માટે ખાસ ડિઝાઇન કરવામાં આવ્યા છે. ગુજરાતમાં અમૃત ભારત યોજના હેઠળ કુલ 87 રેલવે સ્ટેશનોનું અપગ્રેડેશન અને રિડેવલપમેન્ટ હાથ ધરાયું છે, જેમાં અત્યાર સુધીમાં કુલ 18 રેલવે સ્ટેશનો બનીને તૈયાર થઈ ગયા છે અને તેનું ઉદઘાટન પણ કરી દેવાયું છે. આ નમૂનારૂપ કોચમાં આધુનિક અને આકર્ષક ઇન્ટિરિયર કલર થીમ અપનાવવામાં આવી છે. પીવીસી ફ્લોરિંગ, સીટ અને બર્થના રેક્સિન, સ્નેક ટેબલ, પડદા અને શૌચાલય વિસ્તાર સહિત તમામ ઘટકોમાં સુમેળભર્યા રંગોનો ઉપયોગ કરવામાં આવ્યો છે, જે કોચને એકસરખો અને આકર્ષક દેખાવ આપે છે. સુરક્ષાને ધ્યાનમાં રાખીને તમામ સામગ્રી ઉચ્ચ સ્તરીય ફાયર સેફ્ટી ધોરણોને અનુરૂપ છે, જે મુસાફરો માટે ઉચ્ચ સ્તરની સલામતી સુનિશ્ચિત કરે છે. સાથે સાથે આ ડિઝાઇન મજબૂત, ટકાઉ અને સરળ મેન્ટેનન્સ માટે અનુકૂળ હોવાનું અધિકારીઓ જણાવી રહ્યા છે. રોલિંગ સ્ટોકના આધુનિકીકરણ, ઓનબોર્ડ વાતાવરણ સુધારવા અને દરેક વર્ગના મુસાફરોને વિશ્વસ્તરની સુવિધાઓ પૂરી પાડવાના ભાગરૂપે આ અમૃત ભારત કોચનું નિર્માણ કરાયું છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
