Sanandના કલાણા અને શિયાવડામાં ખનીજ માફિયાઓ બેફામ, ગેરકાયદે માટી ખનનનો વીડિયો વાયરલ
અમદાવાદ જિલ્લાના સાણંદ તાલુકામાં ખનીજ ચોરોએ માઝા મૂકી હોય તેવા દ્રશ્યો સામે આવ્યા છે. સાણંદના કલાણા અને શિયાવડા ગામની સીમમાં મોટા પાયે ગેરકાયદેસર રીતે માટી ખનન ચાલી રહ્યું હોવાનો એક વીડિયો સોશિયલ મીડિયામાં વાયરલ થયો છે. આ વીડિયો વાયરલ થતાની સાથે જ સ્થાનિક વહીવટી તંત્ર અને ખનીજ વિભાગની કામગીરી સામે ગંભીર સવાલો ઉભા થયા છે.ખનીજ માફિયાઓનો કલેક્ટરને ખુલ્લો પડકાર કલાણા ગામની સીમમાં ખનીજ માફિયાઓ કોઈ પણ જાતના ડર વગર રાત-દિવસ ગેરકાયદે ખનન કરી રહ્યા છે. સ્થાનિક સામાજિક આગેવાનોનો આક્ષેપ છે કે ખનીજ માફિયાઓ જાણે જિલ્લા કલેક્ટર અને રાજ્યના ખનીજ અધિકારીઓને ખુલ્લો પડકાર ફેંકી રહ્યા હોય તેમ બેફામ બન્યા છે. સ્થાનિક સામાજિક કાર્યકર દ્વારા આ મામલે પુરાવા સાથેનો વીડિયો વાયરલ કરવામાં આવ્યો છે અને સમગ્ર કૌભાંડની પોલ ખોલી નાખી છે. સ્થાનિક અધિકારીઓની ભૂમિકા શંકાના દાયરામાં ગેરકાયદે માટી ખનનની આ ઘટનાને પગલે સ્થાનિક અધિકારીઓની ભૂમિકા પર પણ અનેક સવાલો ઉઠી રહ્યા છે. આટલી મોટી માત્રામાં માટીનું ખનન થતું હોવા છતાં જવાબદાર અધિકારીઓ કેમ અજાણ છે? સામાજિક કાર્યકર દ્વારા આ મામલે સાણંદ પ્રાંત અધિકારીને લેખિતમાં રજૂઆત કરવામાં આવી છે અને કડક કાર્યવાહી કરવાની માંગ કરવામાં આવી છે. હવે જોવાનું એ રહે છે કે તંત્ર આ ખનીજ ચોરો વિરુદ્ધ ક્યારે એક્શન લે છે કે પછી ભીનું સંકેલવાનો પ્રયાસ કરવામાં આવે છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
