Amreliના ખાંભાના મીતીયાળા અભયારણ્ય નજીક ડુંગરમાં લાગી ભીષણ આગ, વન્યજીવો જોખમમાં
અમરેલી જિલ્લાના ખાંભા પંથકમાં આવેલા મીતીયાળા અભયારણ્યની તદ્દન નજીક આવેલા રેવન્યુ વિસ્તારમાં આજે ભીષણ આગ (દવ) ફાટી નીકળી છે. ખાંભાના નાનુડી ગામ પાસે આવેલા બરસિયા ડુંગરમાં અચાનક લાગેલી આ વિકરાળ આગને કારણે અંદાજે 40 વીઘાથી પણ વધુ રેવન્યુ વિસ્તાર બળીને ખાખ થઈ ગયો છે. સિંહોના નિવાસસ્થાન ગણાતા મીતીયાળા અભયારણ્યની સરહદે જ આ આગ લાગતા વન્યજીવ પ્રેમીઓમાં ભારે ચિંતા પ્રસરી છે.નાનુડી ગામ બરસિયા ડુંગરમાં આગ પ્રસરી સ્થાનિકોના જણાવ્યા અનુસાર, છેલ્લા ત્રણ કલાકથી ડુંગરાળ વિસ્તારમાં આગ ધખધખી રહી છે, તેમ છતાં તંત્ર દ્વારા આગ બુજાવવા માટે કોઈ પણ પ્રકારની કામગીરી શરૂ કરવામાં આવી નથી. રેવન્યુ વિસ્તારમાં લાગેલી આ આગ ધીરે ધીરે વિકરાળ સ્વરૂપ ધારણ કરી રહી છે. વન વિભાગ કે વહીવટી તંત્રના કોઈ અધિકારીઓ ઘટનાસ્થળે ન પહોંચતા સ્થાનિકોમાં ભારે રોષ જોવા મળી રહ્યો છે.સિહોના નિવાસ્થાન નજીક પણ આગ પ્રસરી આ ડુંગરાળ વિસ્તાર સિંહો અને અન્ય વન્યપ્રાણીઓનું વિચરણ ક્ષેત્ર છે. આગ લાગવાને કારણે અને ધુમાડાના ગોટા ઉઠતા પક્ષીઓ અને વન્યપ્રાણીઓમાં ભારે દોડધામ મચી ગઈ છે. મીતીયાળા અભયારણ્યમાં જો આ આગ પ્રસરે તો મોટી કુદરતી હોનારત સર્જાવાની ભીતિ સેવાઈ રહી છે. વન્યજીવોના જીવ બચાવવા માટે તંત્ર તાત્કાલિક જાગે અને આગ પર કાબૂ મેળવે તેવી પ્રબળ માંગ ઉઠી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
