Community News & Updates

Stay informed with the latest happenings, achievements, and announcements from our community.

All News

calendar_today April 1, 2026

Ahmedabad : દાણીલીમડામાં ક્રાઇમ બ્રાન્ચનો સપાટો, રીક્ષાના ચોરખાનામાંથી વિદેશી દારૂનો જથ્થો ઝડપાયો

અમદાવાદ શહેરમાં દારૂબંધીના કડક અમલ વચ્ચે અમદાવાદ ક્રાઇમ બ્રાન્ચને મોટી સફળતા મળી છે. શહેરના દાણીલીમડા વિસ્તારમાં જાહેર રોડ પર ફિલ્મી ઢબે ઓપરેશન પાર પાડીને પોલીસે રીક્ષાના ચોરખાનામાંથી વિદેશી દારૂનો જથ્થો ઝડપી પાડ્યો છે. ક્રાઇમ બ્રાન્ચની આ કાર્યવાહીથી બુટલેગરોમાં ફફડાટ વ્યાપી ગયો છે.પીરાણા વોટર પંપ પાસે પોલીસની તવાઈ ચોક્કસ બાતમીના આધારે ક્રાઇમ બ્રાન્ચની ટીમે દાણીલીમડાના પીરાણા વોટર પંપ અને એમ.ડી. ફાર્મ પાસે વોચ ગોઠવી હતી. આ દરમિયાન એક શંકાસ્પદ ઓટો રિક્ષા પસાર થતા તેને અટકાવી તપાસ કરવામાં આવી હતી. તલાશી લેતા રિક્ષાના ચોરખાનામાંથી વિદેશી દારૂની ૧૮૦ મિલીની ૨૪૦ બોટલ મળી આવી હતી. પોલીસે સ્થળ પરથી એક આરોપીની ધરપકડ કરી તેને કાયદાના સકંજામાં લીધો છે. રૂ. ૧ લાખથી વધુનો મુદ્દામાલ જપ્ત પોલીસે આ કાર્યવાહી દરમિયાન માત્ર દારૂ જ નહીં, પરંતુ ગુનામાં વપરાયેલી ઓટો રિક્ષા અને મોબાઇલ ફોન પણ જપ્ત કર્યા છે. આ સમગ્ર કામગીરીમાં કુલ રૂ. ૧,૦૧,૭૪૦ ની કિંમતનો મુદ્દામાલ કબજે કરવામાં આવ્યો છે. પકડાયેલા આરોપી વિરુદ્ધ પ્રોહિબીશન એક્ટ હેઠળ ગુનો નોંધીને આ દારૂનો જથ્થો ક્યાંથી લાવવામાં આવ્યો હતો અને કોને પહોંચાડવાનો હતો તે દિશામાં સઘન પૂછપરછ હાથ ધરી છે.આ પણ વાંચો---     Gujarat Policeમાં મોટો ફેરફાર, 31 DySP અને 4 PI ને સોંપાયો વધારાનો ચાર્જ, વાંચો લિસ્ટ

Read Full Story arrow_forward

calendar_today April 1, 2026

Gujarat Local Body Election 2026: સ્થાનિક સ્વરાજ્યની ચૂંટણીની તારીખો જાહેર, રાજ્યમાં આજથી આચારસંહિતા લાગુ, જાણો મહત્વની તારીખો

ગુજરાતમાં લાંબા સમયથી જેની રાહ જોવાઈ રહી હતી તે સ્થાનિક સ્વરાજ્યની ચૂંટણીઓની જાહેરાત આખરે થઈ ગઈ છે. રાજ્ય ચૂંટણી પંચ દ્વારા આજે એક મહત્વપૂર્ણ પ્રેસ કોન્ફરન્સ યોજીને નગરપાલિકા, જિલ્લા પંચાયત અને તાલુકા પંચાયતોની ચૂંટણીનું જાહેરનામું અને સંપૂર્ણ શિડ્યુલ જાહેર કરવામાં આવ્યું છે. ચૂંટણીની તારીખો જાહેર થતાની સાથે જ રાજ્યમાં તત્કાલ અસરથી આદર્શ આચારસંહિતા અમલી બની ગઈ છે. 15 મહાનગરપાલિકા, 95 નગરપાલિકા, 34 જિલ્લા પંચાયત અને 260 તાલુકા પંચાયત સ્થાનિક સ્વરાજ્યની ચૂંટણી 9 નવી મહાનગરપાલિકામાં પણ યોજાશે ચૂંટણી 27% OBC અનામત સાથે યોજાશે ચૂંટણી 17માંથી 15 મહાનગરપાલિકામાં યોજાશે ચૂંટણી નગરપાલિકાઓમાં રોટેશન લાલુ થશે4.40 કરોડ મતદારોનો મતદારયાદીમાં કરાયો સમાવેશ:EC53 તાલુકા પંચાયતની હદમાં કરાયો ફેરફાર: EC34 જિલ્લા પંચાયત પૈકી એક નવી જિલ્લા પંચાયત15 મહાનગરપાલિકામાં ચૂંટણી અંગે કરવામાં આવી રહી છે પ્રેસ કોન્ફરન્સગુજરાતમાં 4 કરોડ 19 લાખ મતદારો મતદાન કરશેમહાનગરપાલિકામાં 1 કરોડ 10 લાખ મતદારોનગરપાલિકામાં 33 લાખ મતદારોતાલુકા અને જિલ્લા પંચાયતમાં 2.74 લાખ મતદારોમનપા કુલ વોર્ડ 261નગરપાલિકા કુલ વોર્ડ 656તાલુકા પંચાયત કુલ વોર્ડ 5234જિલ્લા પંચાયત કુલ વોર્ડ 10906 એપ્રિલે જાહેરનામું પ્રસિદ્ધ થશેગુજરાતમાં આજથી આચારસંહિતા લાગુ11 એપ્રિલ સુધીમાં ઉમેદવારો નોંધાવી શકે છે ઉમેદવારી11 એપ્રિલ ઉમેદવારી નોંધવાનો છેલ્લો દિવસઉમેદવારી પરત ખેંચવાની છેલ્લી તારીખ 15 એપ્રિલ26 એપ્રિલના રોજ ગુજરાતમાં યોજાશે સ્થાનિક સ્વરાજ્યની ચૂંટણી માટે મતદાન28 એપ્રિલે થશે મતગણતરી26 એપ્રિલે મતદાન સવારે 7 વાગ્યાથી સાંજે 6 વાગ્યા સુધી કરી શકાશેઆ સમાચાર અપડેટ થઈ રહ્યા છે.... વધુ વાંચવા માટે પેજ રિફ્રેશ કરતા રહો

Read Full Story arrow_forward

calendar_today April 1, 2026

Ashok Kharat વિરૂદ્ધ 100થી વધુ ફરિયાદ, 10 FIR દાખલ, કોર્ટે 14 દિવસની ન્યાયિક કસ્ટડીમાં મોકલ્યો

પોતાને ગોડમેન ગણાવનારા અશોક ખરાતની વિરૂદ્ધ દુષ્કર્મના કેસ મામલે કોર્ટે તેને 14 દિવસની ન્યાયિક કસ્ટડીમાં મોકલી દીધો છે. કોર્ટે અશોક ખરાતને 14 એપ્રિલ સુધી જેલમાં મોકલવાનો આદેશ આપ્યો છે, હવે તેને નાસિક રોડ સેન્ટ્રલ જેલમાં રાખવામાં આવશે.સમગ્ર મામલે SIT દ્વારા તપાસ શરૂ તમને જણાવી દઈએ કે અશોક ખરાતની 18 માર્ચે તે સમયે ધરપકડ કરવામાં આવી હતી, જ્યારે 35 વર્ષીય એક મહિલાએ તેની પર સતત 3 વર્ષ સુધી દુષ્કર્મ કરવાનો આરોપ લગાવ્યો હતો. ધરપકડ બાદ તેની વિરૂદ્ધ ઘણી અન્ય મહિલાઓએ પણ દુષ્કર્મ અને શોષણની ફરિયાદ દાખલ કરાવી હતી. હાલમાં આ સમગ્ર મામલે તપાસ SIT દ્વારા કરવામાં આવી રહી છે. લગભગ 10 FIR દાખલ કરવામાં આવી ચૂકી છે બુધવારે પોલીસ કસ્ટડી ખતમ થયા બાદ અશોક ખરાતને કોર્ટમાં હાજર કરવામાં આવ્યો, જ્યાં SITએ તેની ન્યાયિક કસ્ટડીની માગ કરી. કોર્ટે આ માગનો સ્વીકાર કરતા તેને જેલમાં મોકલી દીધો. મળતી માહિતી મુજબ અશોક ખરાતને ગુરૂવારે એક અન્ય કેસમાં પણ કોર્ટમાં હાજર કરવામાં આવશે. અત્યાર સુધી નાસિકના સરકારવાડા પોલીસ સ્ટેશનમાં તેની વિરૂદ્ધ લગભગ 10 FIR દાખલ કરવામાં આવી ચૂકી છે, જેમાંથી 8 યૌન શોષણ અને દુષ્કર્મ સાથે જોડાયેલી છે. જ્યારે બે કેસ છેતરપિંડીના છે. આ સિવાય SITને ફોન દ્વારા 100થી વધુ ફરિયાદ પણ મળી છે, જેની પણ તપાસ કરવામાં આવી રહી છે. તપાસ દરમિયાન બુધવારે SITની ટીમને ખરાતના પુત્ર હર્ષવર્ધન ખરાતને કર્મયોગી નગર સ્થિત તેમના આવાસ પર પુછપરછ કરવા માટે કસ્ટડીમાં લેવામાં આવ્યો. જો કે મોડી રાત્રે તેને છોડી દેવામાં આવ્યો, ત્યારે તપાસ એજન્સીઓ તેમની પત્ની કલ્પના ખરાતની શોધખોળ કરી રહી છે, જેનું નામ અહિલ્યાનગર જિલ્લામાં દાખલ એક છેતરપિંડીના કેસમાં સામે આવ્યું છે. 20 ફૂટ લાંબો રિમોટ કંટ્રોલથી ચાલતો સાપ પણ જપ્ત અશોક ખરાત નાસિકના સિન્નર ક્ષેત્રમાં એક મંદિર ટ્રસ્ટનું સંચાલન કરતા હતો અને વર્ષોથી ઘણી રાજકીય હસ્તીઓ પણ તેના સંપર્કમાં રહી છે. ગયા અઠવાડિયે SIT અને ફોરેન્સિક ટીમે તેના કાર્યાલય પર રેડ કરીને ઘણા દસ્તાવેજ, ફાઈલો અને અન્ય મહત્વના પુરાવા જપ્ત કર્યા હતા. ચોંકાવનારી વાત એ પણ સામે આવી છે કે તેના કાર્યાલયમાંથી 20 ફૂટ લાંબો રિમોટ કંટ્રોલથી ચાલતો સાપ પણ જપ્ત કરવામાં આવ્યો છે. આરોપ છે કે ખરાત આ નકલી સાપનો ઉપયોગ લોકોને એ વિશ્વાસ અપાવવા માટે કરતો હતો કે તેની પાસે અલૌકિક શક્તિઓ છે અને તે જીવતા સાપને પણ નિયંત્રિત કરી શકે છે. હાલમાં આ સમગ્ર કેસની તપાસ ચાલુ છે અને SIT અન્ય પીડિતો અને વધુ પુરાવા એકત્ર કરવામાં લાગી છે. આ પણ વાંચો : Jammu Border Tension: Pakistanએ ભારતીય સેનાના ડ્રોન પર કર્યુ ફયરિંગ, સરહદ પર ફરી વધ્યો તણાવ

Read Full Story arrow_forward