Community News & Updates

Stay informed with the latest happenings, achievements, and announcements from our community.

All News

calendar_today April 1, 2026

Petrol-Diesel Price Hike : નાયરા બાદ આ કંપનીએ પેટ્રોલમાં 7 અને ડીઝલમાં 25 રૂપિયાનો કર્યો વધારો!

થોડા દિવસ પહેલા જ નાયરા કંપનીએ પેટ્રોલ અને ડીઝલના ભાવમાં મોટો વધારો કર્યો, ત્યારે હવે વધુ એક કંપનીએ ભારતમાં પેટ્રોલ અને ડીઝલના ભાવ વધારી દીધા છે. Shell Indiaએ 1 એપ્રિલથી પેટ્રોલ અને ડીઝલના ભાવમાં વધારો કર્યો છે. ક્રુડ ઓઈલના ભાવ 100 ડોલર પ્રતિ બેરલની ઉપર રહેવાના કારણે ખાનગી ઈંધણ વિક્રેતાએ નુકસાનની ભરપાઈ કરવા માટે ઈંધણની કિંમતોમાં વધારો કર્યો છે.સામાન્ય પેટ્રોલની કિંમત 119.85 રૂપિયા બેંગલુરૂમાં પેટ્રોલની કિંમતમાં 7.41 રૂપિયા અને ડીઝલની કિંમતમાં 25 રૂપિયાનો વધારો કર્યો છે. હવે સામાન્ય પેટ્રોલની કિંમત 119.85 રૂપિયા અને પાવર વેરિએન્ટની કિંમત 129.85 રૂપિયા થઈ ગઈ છે. સ્થાનિક ટેક્સના કારણે અન્ય શહેરોના આ કંપનીના પેટ્રોલ પંપ પર ઈંધણની કિંમતોમાં થોડો વધારે ઘટાડો હોય શકે છે. ડીઝલની કિંમતમાં પણ મોટો વધારો થયો છે, જે 25.01 રૂપિયા પ્રતિ લીટર છે. હવે સામાન્ય ડીઝલ 123.52 રૂપિયા અને પ્રિમિયમ ડીઝલ 133.52 રૂપિયા થઈ ચૂક્યુ છે. પ્રાઈવેટ ઈંધણ રિટેલ કંપની દબાણમાં આ ભાવ વધારાનું કારણ ઈરાન યુદ્ધથી ક્રુડ ઓઈલની કિંમતોમાં થયેલો વધારો છે. ડીઝલની કિંમતો હજુ પણ વધી શકે છે અને તે 148-165 પ્રતિ લીટર સુધી પહોંચી શકે છે. જો કે આ વિશે કોઈ સત્તાવાર જાહેરાત થઈ નથી. જો કે પ્રાઈવેટ ઈંધણ રિટેલ કંપની દબાણમાં છે, કારણ કે સરકારી કંપનીઓએ કાચાતેલની વધતી કિંમતો છતાં ભાવમાં વધારો કર્યો નથી, ત્યારે પબ્લિક સેક્ટરની કંપનીઓની તુલનામાં પ્રાઈવેટ રિટેલ કંપનીઓને વળતર મળતું નથી, જેનાથી ભાવમાં વધારોનો બોજ ગ્રાહક પર પડે છે. આ પણ વાંચો : CBIએ અનિલ અંબાણી અને રિલાયન્સ કોમ્યુનિકેશન વિરૂદ્ધ નોંધી FIR

Read Full Story arrow_forward

calendar_today April 1, 2026

Surat News: પાંડેસરામાં BRTS રૂટમાં રોંગ સાઈડમાં ઘૂસેલા ટુ-વ્હીલરની બસ સાથે ટક્કર, ચાલકનું ઘટના સ્થળે જ મોત

સુરત શહેરના પાંડેસરા વિસ્તારમાં ફરી એકવાર BRTS રૂટમાં જીવલેણ અકસ્માતની ઘટના સામે આવી છે. પ્રતિબંધિત BRTS રૂટમાં રોંગ સાઈડમાં પ્રવેશેલા એક ટુ-વ્હીલર ચાલકને પૂરપાટ ઝડપે આવતી BRTS બસે અડફેટે લેતા તેનું ઘટના સ્થળે જ કમકમાટીભર્યું મોત નિપજ્યું છે. આ અકસ્માતની સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ છે.નિયમ તોડવો જીવલેણ સાબિત થયો ઘટનાની મળતી માહિતી અનુસાર, પાંડેસરા વિસ્તારમાંથી પસાર થતા BRTS કોરિડોરમાં એક ટુ-વ્હીલર ચાલક ટૂંકો રસ્તો કાપવાની લાલચમાં રોંગ સાઈડમાં ઘૂસી ગયો હતો. આ દરમિયાન સામેથી આવી રહેલી BRTS બસ સાથે તેની સીધી ટક્કર થઈ હતી. ટક્કર એટલી જોરદાર હતી કે, ટુ-વ્હીલર ચાલક ફંગોળાઈને જમીન પર પટકાયો હતો અને માથાના ભાગે ગંભીર ઈજાઓ પહોંચતા તેનું સ્થળ પર જ પ્રાણપંખેરુ ઉડી ગયું હતું. CCTV ફૂટેજમાં કેદ થઈ કાળજું કંપાવતી ઘટના અકસ્માત બાદ આસપાસના લોકોના ટોળેટોળા ઉમટી પડ્યા હતા. પોલીસ તપાસ દરમિયાન ઘટના સ્થળના સીસીટીવી ફૂટેજ ચકાસતા જાણવા મળ્યું હતું કે, ટુ-વ્હીલર ચાલકની ગંભીર બેદરકારીને કારણે આ અકસ્માત સર્જાયો હતો. વીડિયોમાં સ્પષ્ટ જોઈ શકાય છે કે, બસ પોતાના નિર્ધારિત રૂટ પર જઈ રહી હતી, ત્યારે અચાનક રોંગ સાઈડથી બાઈક સામે આવી ગઈ હતી. પાંડેસરા પોલીસે તપાસ શરૂ કરી ઘટનાની જાણ થતા જ પાંડેસરા પોલીસનો કાફલો ઘટના સ્થળે પહોંચી ગયો હતો અને મૃતદેહને પોસ્ટ મોર્ટમ અર્થે સિવિલ હોસ્પિટલ ખસેડવાની તજવીજ હાથ ધરી હતી. પોલીસે બસ ચાલક અને અકસ્માતની વિગતોના આધારે ગુનો નોંધી વધુ તપાસ શરૂ કરી છે. સુરતમાં અવારનવાર BRTS રૂટમાં ખાનગી વાહનો ઘૂસી જવાને કારણે અકસ્માતો સર્જાતા હોય છે, ત્યારે આ ઘટનાએ ફરી એકવાર ટ્રાફિક નિયમોના પાલન અને સુરક્ષા સામે સવાલો ઉભા કર્યા છે. આ પણ વાંચો - Surat News: AAPના પૂર્વ નેતા ધાર્મિક માલવિયાએ ભાજપમાંથી દાવેદારી નોંધાવી

Read Full Story arrow_forward

calendar_today April 1, 2026

Gujarat Local Body election 2026: નવસારીમાં ચૂંટણીની જાહેરાત થતા જ તંત્ર હરકતમાં, રાજકીય બેનરો અને હોર્ડિંગ્સ હટાવવાની કામગીરી શરૂ

ગુજરાત રાજ્ય ચૂંટણી પંચ દ્વારા આજે સ્થાનિક સ્વરાજ્યની ચૂંટણીના કાર્યક્રમની જાહેરાત કરવામાં આવી છે. ચૂંટણીની તારીખો જાહેર થતાની સાથે જ આદર્શ આચારસંહિતા (Model Code of Conduct) અમલી બની છે, જેને પગલે નવસારી શહેર અને જિલ્લા વહીવટી તંત્ર તાત્કાલિક હરકતમાં આવ્યું છે. આચારસંહિતાનો કડક અમલ કરાવવા માટે તંત્ર દ્વારા વિવિધ વિસ્તારોમાં લાગેલા રાજકીય પક્ષોના બેનરો અને હોર્ડિંગ્સ દૂર કરવાની ઝુંબેશ શરૂ કરવામાં આવી છે.જાહેર માર્ગો પરથી દૂર કરાયા હોર્ડિંગ્સ નવસારી નગરપાલિકા અને જિલ્લા વહીવટી તંત્રની ટીમો દ્વારા શહેરના મુખ્ય ચોક, હાઈવે અને સરકારી કચેરીઓની આસપાસ લગાવવામાં આવેલા રાજકીય હોર્ડિંગ્સ, બેનરો અને પોસ્ટરો હટાવવાની કામગીરી યુદ્ધના ધોરણે હાથ ધરવામાં આવી છે. કોઈપણ પક્ષ કે ઉમેદવારના પ્રચારના માધ્યમો જાહેર મિલકતો પર ન રહે તે સુનિશ્ચિત કરવા માટે તંત્ર કવાયત તેજ કરી રહ્યું છે. આચારસંહિતાનો કડક અમલ ચૂંટણી પંચના આદેશ અનુસાર, ચૂંટણીની જાહેરાત પછી સરકારી ખર્ચે થયેલા વિકાસકામોના હોર્ડિંગ્સ કે જે-તે પક્ષના પ્રચારના ચિન્હો ધરાવતા બેનરો રાખવા પર પ્રતિબંધ હોય છે. નવસારીમાં તંત્ર દ્વારા કોઈ પણ જાતના ભેદભાવ વગર તમામ પક્ષોના બેનરો ઉતારવાની કામગીરી શરૂ કરી દેવાાં આવી છે. લાઈટ પોલ, ટ્રાફિક સર્કલ અને દીવાલો પર લાગેલા પોસ્ટરો પણ દૂર કરવામાં આવી રહ્યા છે. તંત્રની કવાયત તેજ આગામી 26 એપ્રિલે યોજાનારા મતદાન પૂર્વે સમગ્ર જિલ્લામાં શાંતિપૂર્ણ અને નિષ્પક્ષ વાતાવરણમાં ચૂંટણી પ્રક્રિયા પૂર્ણ થાય તે માટે પોલીસ અને વહીવટી તંત્ર સજ્જ બન્યું છે. અધિકારીઓના જણાવ્યા અનુસાર, આગામી 24 કલાકમાં શહેરના મુખ્ય તમામ વિસ્તારોને રાજકીય હોર્ડિંગ્સ મુક્ત કરી દેવામાં આવશે. આચારસંહિતાના ભંગ બદલ કડક કાર્યવાહી કરવાની ચીમકી પણ તંત્ર દ્વારા આપવામાં આવી છે. આ પણ વાંચો - Gujarat Local Body Election 2026: સ્થાનિક સ્વરાજ્યની ચૂંટણીની તારીખો જાહેર, રાજ્યમાં આજથી આચારસંહિતા લાગુ, જાણો મહત્વની તારીખો

Read Full Story arrow_forward